تقرير كامل عن نيو افيو 2015 - سونيك الجديدة عالمياً

[Mohamed.Ramah]

بسم الله الرحمن الرحيم

هل ممكن منصور يتهور وينزلنا نيو افيو 2015 ؟ :)


نيو افيو الجديدة طراز 2015 تم اطلاقها فى الصين بتحديث للشكل الحالى من طراز سونيك الكانت فى تسوق بمصر والسوق الامريكى حالياً وبما ان سونيك فشلت فى مصل لثلاث اسباب اولهم سمعة توكيل شيفورلية السبقاة - سعر السيارة مقابل المنافسين – شكلها الكان نفسة يبقى حاجة معرفش مين الصمم الشكل الغريب دة الكان لة اثر سلبى على مبيعاتها مقارنة بالريو والاكسينت الافضل منها تصميماً بلا جدال



ما علينا العربية اتوقف انتاجها ومنصور مبقاش ينزلها تانى ومبيعاتها للاسف كانت مخزية جداً تقريباً مباعتش ولا بنشوفها فى الشارع الا نادراً وتم حذفها من موقع شيفورلية مصر ! .

دلوقتى بما ان الاوبترا الجديدة 2014 زى ما احنا شايفين انها تابعة للصين تصنيعاً وفي كتير معجبتوش السيارة وبيعها ثقيل بسبب سعرها هل ممكن منصور يتجنن ويغامر مرة تانية وينزلنا نيو افيو 2015 او سونيك الجديدة انا شايف العربية من تصميمها الرائع حيعمل مبيعات جيدة جداً لو نزلت بسعر يتراوح بين 100.000 ل 120.000 متزدش عن كدة ولا تنافس فى فئات اعلى من دة واظن هيكسب الفئة دة بدل الافيو العفى عليها الزمن وبعد ما شوفت الشكل الجديد ملوش لازمة التعديل كان كفاية عليها اوى كدة ويتم طرح موديل جديد زى ما حصل مع الاوبترا من وجهة نظرى .. مش هطول عليكم دى صور ومعلومات كاملة بعد تجميع وتعب ربنا يجعلة فى ميزان حسناتى:









الابعاد الخارجية /

( ارتفاع \عرض\طول ) : 4378 x 1735 x 1517
قاعدة العجلات : 2525مم
مساحة الشنطة : 458 لتر


تجهيزات النيو افيو 2015 /



فتحة سقف كهربائية ذكية
مصابيح امامية مع امكانية تعديل ارتفاع الاضاءة
امكانية تعديل وضعية مقعد السائق لستة اتجاهات
مساند راس للراكب الامامى والسائق



مقاعد خلفية قابلة للطى 4/6
عجلة قيادة قابلة للتعديل فى 4 اتجاهات
حاملات اكواب وجيوب للتخزين فى الباب الامامى
صندوق التخزين بلكونسول
ولاعة السجائر

[IMG][/IMG]

منفضة سجائر
نوافذ كهربائية أمامية وخلفية
المرايا الخارجية قابلة للتعديل كهربائيا مع امكانية التسخين
زرار لازالة الشبورة من النافذة الخلفية
مكيف هواء صديق للبيئة – مع فلتر للحماية من الاتربة



سنسور خلفى للركن
نظام my link صوتى وفيديو للترفية -
FM، راديو AM
AUX مدخل
مشغل الأقراص المدمجة (مع امكانية تشغيل MP3) -
ازرار للتحكم فى درجة الصوت من عجلة القيادة
4 مكبراتصوت اساسية – و6 مكبرات صوت فى الفئات الاعلى
USBمدخل / آي بود مع واجهة إدخال المعلومات الذكية
شاشة قياس 7 بوصة عالية الوضوح تعمل باللمس
نظام بلوتوث
– جنوط 15 لكل الفئات ماعدا 16 لاعلى فئة .


أنظمة التعليق /
الأمامية : McPherson independent suspension Macphason
الخلفية : Semi-independent torsion beam suspension Twist


المحركات /
تم طرح نيو افيو 2015 بمحركين الاول
- 1.4L S-TEC III DOHC
بقوة 96 حصان
اقصى عزم 131/4200
التسارع من 0ل 100 بالجيربوكس المانيوال خلال 12.3 ثانية
التسارع من 0ل100 بالجيربوكس الاتوماتيك خلال 12.8 ثانية
مع متوسط استهلاك وقود 5.7 لتر/كم للمانيوال و 6.1 لتر/100 كم للاتوماتيك

المحرك الثانى /
1.6L ECOTEC DVVT – قادر على توليد 119 حصان
التسارع من 0ل100 بالجيربوكس الاتوماتيك خلال 11.3 ثانية مع متوسط استهلاك للوقود 6.1 لتر/100 كم

سيتصل المحركان بناقلى حركة احدهما مانيوال 5 سرعات والاخر اتوماتيك 6 سرعات .


التسويق والسعر /

السوق الامريكى هو ثانى سوق هيحصل على التعديلات ودة طبعاً على السونيك لان مش بيبيعو افيو لسة زينا ودة بعد طرح نيو افيو 2015 رسمياً فى شنغهاى شهر مايو الفائت للعام الجارى وتسوق منذ شهر يونيو فى الصين بـ 7 فئات ايوة متستغربوش شكل غبور عامل عمايلة فى الصين  وسعرها
يبدأ من 13.000 دولار – حتى 18.000 دولار ودة الفئة الوحيدة البتتميز بالمحرك 1.6 واعلى التجهيزات البتحمل أسم fashion edition .

وتظهر معلومات شبة مؤكدة أن السوق الأمريكى هيحصل على الكروز الجديدة نهاية السنة القادمة وهيتم طرحها عام 2016 بشكل جديد كلياً زى ما حصل مع النيو افيو – او السونيك . اية رايكم ؟ هل ممكن نشوفها فى مصر قريب

[/COLOR]

[تامر.محمد]

هو غالبا مش هايعمل كده و هايعتمد على بيع الافيو القديمة و خلاص طالما لسه فيه ناس ........ بيشتروها

العربية شكلها من قدام لانسر شارك خاااااااااااااالص و التابلوه طبعا كروز

[dreslam]

هو غالبا مش هايعمل كده و هايعتمد على بيع الافيو القديمة و خلاص طالما لسه فيه ناس ........ بيشتروها

العربية شكلها من قدام لانسر شارك خاااااااااااااالص و التابلوه طبعا كروز

الطابلوه سونيك مش كروز خالص...ممكن تقول قريب شويه بس من كروز 2010

[mmtronic]

انسا

عمره ما حينزلها زى ما انت عايز

لان التوكيل ده من أسواء التوكيلات فى مصر و لو نزلها حتلاقيها شكل من بره و من جوه بيجامه قاضيه زى ما عودنا على مدار اكتر من ١٠ سنين بنفس الفكر الجشع الغبى

[Usama Nagi]

السونيك او الافيو الجديده تحفه شكلها
واضح انها فيس لفت للموديل سونيك بس صراحه هما عدلوا الشكل من قدام و ورا جدا خلوها حاجه تانيه و ان كان من ورا واخده من المرسيدس سي الجيل اللي فات

العربيه من جوه متغيرتش كتير بس دا كويس لأن السونيك حلوه اصلا من جوه
يا ريت تنزل في مصر بسعر معقول منافس للاكسنت و الريو

[Deshahcoka]

اوبا ديه ميه الميه لو تنزل حتغطي على الفرنا و ال 10 تين سيدان و الاتراج و الدياز الفئه ديه ملها :)

[Mohamed.Ramah]

هو غالبا مش هايعمل كده و هايعتمد على بيع الافيو القديمة و خلاص طالما لسه فيه ناس ........ بيشتروها

العربية شكلها من قدام لانسر شارك خاااااااااااااالص و التابلوه طبعا كروز

السونيك اصلاً بديل الافيو مش عارف لحد امتى حنشوف فيرنا وافيو ولانسر ولانوس موديلات السنة فى عربيات كدة حاسس انى هلاقيها فى 2020 :) فين التغيير غير السعر وبالنسبة للتصميم الخارجى أختلف معاك فهو اقرب للفورد

الطابلوه سونيك مش كروز خالص...ممكن تقول قريب شويه بس من كروز 2010

الانتريور اقرب للسونيك اكثر لان طابلوة الكروز مختلف فى عدة اشياء :

مكان فتحات التكييف وشكلها
الشاشة التتوسط الكونسول
الشاشة الخاصة بالعدادات
بكرات المكيف
فتحات التخزين وشكلها وموضع بعض الازار

-اما خلاف ذلك مثل الطارة او ازار التحكم فى الاضاءة وازرار فتح وغلق الابواب ومخرج الكهرباء حتى مفاتيح التحكم بالابواب والتصميم الداخلى للابواب فهو واحد مشابة تماماً

[Mohamed.Ramah]

انسا

عمره ما حينزلها زى ما انت عايز

لان التوكيل ده من أسواء التوكيلات فى مصر و لو نزلها حتلاقيها شكل من بره و من جوه بيجامه قاضيه زى ما عودنا على مدار اكتر من ١٠ سنين بنفس الفكر الجشع الغبى

يارب بس ينزلها وتكون سعرها مناسب وحتى لو زى السبقتها فالتجهيزات مرضية بالنسبة لسعرها لاكن الغريب يعدل شوية فى شكل الافيو وينزلها موديل السنة دة الغريب

السونيك او الافيو الجديده تحفه شكلها
واضح انها فيس لفت للموديل سونيك بس صراحه هما عدلوا الشكل من قدام و ورا جدا خلوها حاجه تانيه و ان كان من ورا واخده من المرسيدس سي الجيل اللي فات

العربيه من جوه متغيرتش كتير بس دا كويس لأن السونيك حلوه اصلا من جوه
يا ريت تنزل في مصر بسعر معقول منافس للاكسنت و الريو

ياريت وانا بتمنى دة وادايقت انه لغاها خالص بس هو الغلطان كان منزلها بسعر غير منافس بدل ما يغلى العربيات يحسن من مراكز الخدمة اولى انا سالت على صفحتهم الرسمية على الفيس بوك تعامل انة ميعرفش اى حاجة عن العربية معرفش لية بيعملو كدة !

[Mohamed.Ramah]

اوبا ديه ميه الميه لو تنزل حتغطي على الفرنا و ال 10 تين سيدان و الاتراج و الدياز الفئه ديه ملها :)

ياريت فعلاً التسويق الجيد للسيارة واظن هتنزل منافسة لفئة اعلى زى الريو والاكسينت والبيجو 301