حصريا لنايل موتورز بالتفاصيل والمواصفات والصور نيو كروز 2015 الجيل الثانى الجديدة

[ابو ياسمين]

يسعدنى ان اقدم هذا التقرير عن السيارة الجديدة كليا نيو كروز

وهى بداية الجيل الثانى لشفرولية كروز التى نعرفها

وفى قرار لجنرال موتورز العالمية له دلالات كثيرة جدا

واحتفالا بمرور 10 سنوات على مشروعها المشترك مع الصين

اختصت شركة شنغهاى جنرال موتورز بالصين فى تصنيع هذه السيارة منفردة

حيث ستخصص طوال عام 2015 للبيع فى السوق الصينية فقط

على ان يبدأ تصديرها لباقى بلاد العالم فى النصف الثانى من 2016

وقبل ان اقدم السيارة ومنعا لأى سوء فهم اقول بوضوح تام ان السيارة مصنوعة بالكامل فى الصين

بما فيها المحرك ايكوتيك 1500 والمحرك الأخر التربو 1400 والفيتيس الأوتوماتيك DCG المزدوج 7 نقلات والفتيس DSS المانيوال 6 نقلات

وهم نتيجة شراكة فى التصنيع بين جنرال موتورز الأمريكية وسايك الصينية

بتصميمات جنرال موتورز وعلامتها التجارية

كما حصلت السيارة على احدث نظام متطور تستعمله جنرال موتورز لأجهزة المالتى ميديا
ويعمل بنظام MY LINK 2.0

والسيارة تم تصميمها بالكامل فى فرع جنرال موتورز بألمانيا الذى يقوم بتصميم سيارات اوبل

ولا انسي ان اوضح ان هذه اول سيارة تنتجها جنرال موتورز على قاعدة العجلات العالمية الجديدة ( الشاسية )

وهذه القاعدة وصفت بالعالمية لأنها ستستخدم تقريبا مع جميع الماركات التى تملكها جنرال موتورز حول العالم فى هذه الفئة

وعلى سبيل المثال ستستخدم فى احد موديلات بويك واوبل وشيفرولية امريكا وغيرهم

وقد صرح السيد / وانج يونجينج رئيس مجلس ادارة شنجهاى جنرال موتورز

بأن هذه السيارة الهدف منها اكتساب عملاء اكثر من الشباب

وان تضع معاير جديدة للتكنولوجيا الذكية وسهولة الأستخدام والقيادة

واخيرا وفى مفاجأة سارة جدا اعلن مركز ابحاث وأختبار جنرال موتورز

ان هذه السيارة توفر بنزين 24% اكثر من الجيل السابق

وانها اكثر هدوئا بنسبة 50% من اقرب منافسيها

وانها تتمتع بمعدل مقاومة للهواء غير مسبوق بفضل تصميمها الأيرودينامك

وان صحت هذه النسب مع امكانيات وكماليات السيارة الهائلة وشكلها الفائق الجمال

فلا شك ان منافسيها سيكونون فى مشكلة كبيرة

المواصفات كاملة فى البروشور

ولنشاهد الأن معا سيارة رائعة بكل معنى الكلمة

باقى التقرير فى المشاركة التالية

[ابو ياسمين]

Exterior Design

التصميم الخارجى

باقى التقرير فى المشاركة التالية

[ابو ياسمين]

Interior design

التصميم الداخلى

وفى نهاية التقرير ارجو من الله ان اكون قد وفقت فى عرض هذه السيارة
التى تنطق كل صورة لها بالجودة فى التشطيب والدقة البالغة فى صناعتها

ولكم تحياتى

ابو ياسمين

24 - 10 - 2014

[ARKOON]

تقرير أقل ما يقال عنه انه رائع .
مبدع كما عهدناك يا أبو ياسمين . تحياتي

[abofandy]

مبدع
وسيارة رائعه
خامات باين عليها متكلفة
فرش جلد فخم جدا وتحفه
توزيع فتحات التكييف والغرز شكلها جميل وشكل التابلو رائع بس قريب جدا من الاسبورتاج الرائعه

[jacpower009]

تقرير رائع .... بس الصينى لما توصل مصر على 2016 هايكون شكلها ووضعها مقارب للنيو اوبترا لما نزلت بعد 2011 ...اظن.
وسعرها هايكون مبالغ فيه لعربية تقفيل صينى...

[mhkorayem]

طيب كويس بقى انهم مش هينزلوها بره الصين قبل 2016 وأهو من هنا لـ 2016 نكون شوفنا الاوبترا الصيني عامله ايه مع الناس وهيبقى مؤشر على جوده العربيات دي من عدمه (ولو اني مش متفائل)

[S O P H O S]

تقرير ممتاز جدا كالعادة
ما شاء الله علي مجهودك

[monamize4]

تقرير ممتاز و حصرى لازم طبعا نشكر صاحب الموضوع عليه ,,

لو بصينا على outputs الموتور ال 1.4T SIDI هنلاقى
horsepower بيساوى حوالى 147 حصان و دا رقم كويس بالنسبة لموتور forced induced
بال capacity دى و التورك نفس الكلام لكن ال noticeable هنا هو ان العربية بتوصل 0-100 ف 9,9 ثانية
و دا رقم مش impressive خالص ف حين ان الجولف مثلا 1.4TSI بتطلع 140 حصان و بتوصل ف 8.4 ثانيه
يعنى اقل ب 1.5 ثانيه و دا رقم كبيييييييير طبعا و TIC انها نازلة بالفتيس الجديد من GM ,,


اللى هو الل DCG و دا طبعا DCT زى ال DSG و الpowershift و الكروز الجديدة بالمناسبة
هى اول application للفتيس دا و طبعا الفتيسات دى مشهور بان ليها Shift time قليل جدا
لان ال clutch pack من ال 2 بيبقى drive الجير اللى ماشيه عليه العربية و بينقل لل
clutch pack التانى اسرع بأقل Delay و اقل power loss ,,
الغريب بقى انهم كاتبين ان سحب العربية اسرع بالفتيس المانيوال من ال DCG
9.7 لل former مقابل 9.9 لل latter و كمان ال fuel consumption متساوى ف الفتيسين !!!!!!


الشئ الكويس ان العربية هتتجرب ف الصين لمدة سنه و الصين مبيعاتها كبيرة جدا
و بالتالى اى مشاكل ف العربية هتبان من قبل ماتنزل مصر و iirc انى قريت قبل كدا ان
الفتيس متجرب من GM لمسافه 7 مليون كيلو جزء منهم كان ف drastic measures

[magdy_c_c]

أكثر من راااااائع تسلم ايديك على التقرير

[hesham fawzy h]

تقرير جميل

[mhmd_farouq]

تقرير رائع، تسلم يا باشا، هي شبه النيو سيراتو على دودج دارت شويه، التقفيل فيها رائع بس معتقدش هتنزلنا كده

[ابو ياسمين]

تقرير رائع .... بس الصينى لما توصل مصر على 2016 هايكون شكلها ووضعها مقارب للنيو اوبترا لما نزلت بعد 2011 ...اظن.
وسعرها هايكون مبالغ فيه لعربية تقفيل صينى...

طيب كويس بقى انهم مش هينزلوها بره الصين قبل 2016 وأهو من هنا لـ 2016 نكون شوفنا الاوبترا الصيني عامله ايه مع الناس وهيبقى مؤشر على جوده العربيات دي من عدمه (ولو اني مش متفائل)

هناك فارق بعيد جدا بين نيو كروز ونيو أوبترا

لأن نيو أوبترا هى سيارة صينية خالصة تنتجها منذ عام 2011 أحد الشركات التابعة لجنرال موتورز فى الصين

وتباع فى مصر تحت علامة شيفرولية بدلا من علامتها الأصلية

وقد تكون جيدة وقد تلاقى نجاحا وقد تلاقى الفشل والله اعلم

ولكن يجب ان نعطيها الفرصة ولا نتحيز ضدها لمجرد انها صينية

اما بالنسبة لنيو كروز فهى من البداية سيارة جنرال موتورز نفسها

ومصممة فى اوروبا وتتمتع بأحدث تكنولوجيا تمتلكها جنرال موتورز وتم اختبار كل جزء فيها بواسطة الشركة الأم

( ولا ننسى ان مرسيدس وبى ام واكبر شركات العالم لها مصانع فى الصين منذ سنوات طويلة )

وهذا واضح بشدة فى مستوى التشطيب والدقة والرفاهية البالغة للسيارة نيو كروز

حيث انها صنعت لتخاطب شريحة أعلى من العملاء

وقريبا أن شاء الله سأكتب عن نيو أوبترا تقرير تفصيلى يوضح كل شئ عنها

[beshoooy]

شكرا يا باشا تقرير اكثر من رائع بس ليا سؤال هو ال 2015 اللى بتنزل فى امريكا شكل تانى خالص
هى ديه مش حتنزل امريكا ولا ديه نسخه مخصوص للصين ؟؟؟؟؟؟

[amr_elbazz]

تقرير رائع . اعتقد لو نزلت مصر بالشكل دة والامكانيات دى اكيد هيكون سعرها فوق 200