نيو اوبترا 2014 كل الحقائق الكاملة التى لا تعرفها والمواصفات والصور وأخر الأسعار

[elagamy]

احب اضيف ان gm شركة مفلسة و بتحاول تعمل المستحيل علشان تنجح خصوصا مع الفئات الصغيرة الى هى اساسا مش ملعبها و علشان كدة اشتريت اوبل و دايو و دخلة فى اكتر من مصنع صينى و حتى هذة اللحظة لم تنجح فى اى عربية 4 سلندار بل كل سيارتها بها مشاكل مع الاسف
عموما انا اعتقد ان السيارة لو نزلت بااسم الصينى و سعر قريب من سعر byd كان ممكن تنجح

[sfahmy6]

تقرير رااااااااااااااااااااااااااااااائع


بس السعر مبالغ فيه كالعادة. ...........

ولم أرى السيارة في شوارعنا حتى الآن

[vogy]

تقرير جميل وشكرا كتير للمجهود المبذول منك فيه

[eraser_m5]

تقرير رائع ومجهود جبار ربنا يجعله في ميزان حسناتك يارب وجزاك الله كل خير

[ashouhdy]

http://www.nilemotors.net/Nile/471379-a.html

بعدين جنرال موتورز مفلسة هههههههه دي اكبر مصنع سيارات علي مستوي العالم 2015 !!!!!!!

[ابو ياسمين]

http://www.nilemotors.net/nile/471379-a.html



بعدين جنرال موتورز مفلسة هههههههه دي اكبر مصنع سيارات علي مستوي العالم 2015 !!!!!!!

فى أعقاب الأزمة الأقتصادية العالمية الكبرى سنة 2009 افلس اكثر من 120 بنك وعدد لا يحصى من الشركات فى كل قارات العالم

وخصوصا امريكا وكانت جنرال موتورز من ضمن الشركات التى اعلنت الأفلاس

ليس لأنها شركة فاشلة ولكن لأن النظام الأقتصادى والمصرفى انهار بالكامل

ولأن الحكومة الأمريكية حريصة على انقاذ هذه الشركة العملاقة العابرة للقارات

فقد وصلت إلى اتفاق بأن تقوم بتأميم جزء كبير من الشركة ليصبح ملك الحكومة الفيدرالية الأمريكية

وذلك لمساعدتها فى ضخ اموال جديدة تنقذها من شبح القضاء عليها تماما

وتحت قيادة جديدة اعيد هيكلة الشركة وتم الغاء بعض الماركات وبعض الموديلات

واغلاق بعض الفروع التى تشكل عبئ على الشركة واستحداث فروع أخرى والتركيز على الأسواق الواعدة وليس فقط التقليدية

والنتيجة ان الشركة قامت من التعثر بسرعة وعادت اقوى مما كانت بل استعادت اسهمها من الحكومة الأمريكية

والأن هى بالفعل واحدة من اكبر صناع السيارات على وجه الأرض

[luckyman]

العربيه دي زي ما قرات التقرير الاكثر من رائع وانطباعي عنها المفروض يكون عندها كل مقومات النجاح في السوق المصري بالذات
غالبا معظم قطع الغيار مشتركه مع الدايو والاوبل انا بصيت علي المحور الخلفي تقريبا هو نفسه دنجل الاوبل فيكترا a وهو نفسه دونجل الاوبل استرا b وهو نفسه دونجل الدايو لانوس كلهم نفس المحور الشهير
برضه الموتور 1500 هو نفسه اللي كان بيزود فالدايو الماخوذ عن الاوبل الكاديت ومن ثم الاسترا وبالتالي قطع الغيار حتكون متوفره بكثره عندك الكوري وعندك الالماني ونفس الشيء ينطق علي الفلاتر الخ
معظمها مكونات جنرال موتورز الشهيره وهي انظمه تصنع علي مدار مدار اكثر من 30 تمتاز بالتقليديه وطول عمر الخدمه والبساطه اقصد ان كل مقومات النجاح موجوده ناقصها الزبون اللي يقدر العربيه دي بالذات محتاجه الانتشار
التوكيل عامل دعايه عبيطه كعاده منصور لا علاقه لها بالسياره
انا شخصيا لو بفكر اشتري عربيه اتوماتيكا حجيب العربيه دي حتي لو ما بعيتش كتير لاني عارف ان جوهر العربيه وصميم العربيه قلبا وقالبا هي جنرال موتورز ولما تكون العربيه صيني احسن ما تكون مصري بمكونات مصريه تقلل من اداء وجوده وقيمه العربيه
احد اسباب فشل السيارات الصيني في مصر غير التوكيلات هي انها بتتجمع في مصر واي تجميع مصري معروف انه دون المستوي لان المستهلك المصري ليس له وزن او تمن في نظر العملاء
علي كل حال اعتقد كمان ان العربيه دي مع توكيل زي ابو الفتوح كان رد فعل السوق حيكون مختلف

[luckyman]

العربيه دي زي ما قرات التقرير الاكثر من رائع وانطباعي عنها المفروض يكون عندها كل مقومات النجاح في السوق المصري بالذات
غالبا معظم قطع الغيار مشتركه مع الدايو والاوبل انا بصيت علي المحور الخلفي تقريبا هو نفسه دنجل الاوبل فيكترا a وهو نفسه دونجل الاوبل استرا b وهو نفسه دونجل الدايو لانوس كلهم نفس المحور الشهير
برضه الموتور 1500 هو نفسه اللي كان بيزود فالدايو الماخوذ عن الاوبل الكاديت ومن ثم الاسترا وبالتالي قطع الغيار حتكون متوفره بكثره عندك الكوري وعندك الالماني ونفس الشيء ينطق علي الفلاتر الخ
معظمها مكونات جنرال موتورز الشهيره وهي انظمه تصنع علي مدار اكثر من 30 تمتاز بالتقليديه وطول عمر الخدمه والبساطه اقصد ان كل مقومات النجاح موجوده ناقصها الزبون اللي يقدر العربيه دي بالذات محتاجه الانتشار
التوكيل عامل دعايه عبيطه كعاده منصور لا علاقه لها بالسياره
انا شخصيا لو بفكر اشتري عربيه اتوماتيكا حجيب العربيه دي حتي لو مش منتشره كتير لاني عارف ان جوهر العربيه وصميم العربيه قلبا وقالبا هي جنرال موتورز ولما تكون العربيه صيني احسن ما تكون مصري بمكونات مصريه تقلل من اداء وجوده وقيمه العربيه
احد اسباب فشل السيارات الصيني في مصر غير التوكيلات هي انها بتتجمع في مصر واي تجميع مصري معروف انه دون المستوي لان المستهلك المصري ليس له وزن او تمن في نظر العملاء
علي كل حال اعتقد كمان ان العربيه دي مع توكيل زي ابو الفتوح كان رد فعل السوق حيكون مختلف
اخيرا هي رأس الحربه في فئتها في السوق المصري لو المستهلك عارف ازاي يختار دون الانصياع وترديد جمل عفا عليها الزمن ويعمل نفسه الناصح
ايه اللي يخليني اجيب سياره في حدود 155 الف لما ممكن اجيب عربيه كمتوسط سعرها 125 واوفر الباقي واستمتع بسياره ذات اعلي قيمه في فيئتها ونسبيا مع الحاله الماديه والاقتصاديه للمستهلك المصري
هذا والله اعلم والموفق والمستعان ودمتم بود

[ابو ياسمين]

الأخ الفاضل luckyman

جزيل الشكر والأمتنان على زيارتك للموضوعات التى كتبتها فى المنتدى

وانا لظروف خاصة لم ادخل المنتدى منذ شهر كامل واعتذر للتأخر فى الرد

وانا متفق معك تماما فيما جاء فى مشاركتك الأخيرة خصوصا وانى لم اقرأ حتى الأن نقد موضوعى محدد للسيارة

مثلا ان نقول هناك عيب عام فى العبشة او الفتيس او ضعف فى اداء كذا او كذا

فليس هناك شكوى جماعية من اى شئ !

لا يوجد ابدا مثل هذا لذلك انا متأكد ان هناك قدر من الظلم تتعرض له هذه السيارة

ولا اعفى التوكيل من المسؤلية عن هذا لأن دوره ان يقدم السيارة للسوق بطريقة اكثر اقناعا

خصوصا بعد ان قام بالفعل بتخفيض ثمنها وهى النقطة التى كانت محل اعتراض سابقا

وسأقول رأى شخصى فى هذا الأمر

ان قرار سجمو بتسويق السيارة تحت اسم شيفرولية اوبترا قد يكون قرار جيد فى بلاد اخرى

ولكنه لا يناسب السوق المصرى لأنه وضع سيارة صينية فى مقارنة ومواجهه مع سيارة كورية تعود عليها الناس طويلا

وتبعا لطريقة التفكير السائدة عندنا فسيتم رفض البديل الصينى فورا مهما كانت كفائته

هل تعرف يا عزيزى ان هذه السيارة لوكانت دخلت مصر بأسم

( شيفرولية بايون ) لتتجنب مقارنة البعض مع اوبترا الكورية

وبعلامة شيفرولية واعلن الوكيل ان هذه أول سيارة صينية سيدان فى مصر مستوردة بالكامل

تصنعها جنرال موتورز بمحركاتها وضمانها

وليست سيارة صينية مجهولة الهوية للمستهلك كالأخرين

وانها ستنافس صراحة فى سوق الصينى وفى حدود اسعاره

اقسم لك انها كانت ستأكل كعكة سوق السيارات الصينية فى مصر وحدها تقريبا !

وخصوصا وان جميع المنافسين فى سوق الصينى اما يعانون من سوء التجميع

او موديلات قديمة او ماركات لم يسمع بها احد وليس لها بريق علامة شيفرولية

ولذلك اقول ان سياسة تسويق هذه السيارة كانت من البداية خطأ

وهو خطأ فرضته سجمو على التوكيل فى مصر وضيعت عليه فرصة تقديم البديل القوى والمبهر

للعك والمهازل التى تملئ سوق السيارات الصينية فى مصر

وان يسأل التوكيل بكل ثقة عملاء السيارت الصينية وقد اصبحوا عدد هائل

(لماذا تشترى سيارة صينية مجهولة ما دمت قادرعلى ان تشتريها من شيفرولية)

وهذا رأى شخصى كما قلت ويحتمل الصواب او الخطأ

ولك خالص تحياتى

[mr_sese]

العربية معايا بقالها شهر................ان شاء الله هاتكون الحصان الاسود فى السوق المصرى..........ممتعة و ثابتة و جراية قوى

[azkol2005]

المهم السحب مع التكييف واستهلاك البنزين ؟؟

[mr_sese]

المهم السحب مع التكييف واستهلاك البنزين ؟؟

ممتازة فى السحب ...
بتعمل فى الصفيحة من 200 الى 260 كيلو مع التكيف لو جو البلد او برة البلد و هى ممتازة جدا فى البنزين
لان موتورها بتكنولوجيا dvvt الموفرة فى البنزين مع سحب عالى

[mr_sese]

مراجعة سريعة لأحد ملاك السيارة
من خلال موقعهم على الفيس بوك


فيديو سريع للسيارة

https://www.youtube.com/watch?v=a97rxDKrbJI&feature=youtu.be

موقع ملاكها على الفيس بوك
new optra club egypt

https://www.facebook.com/groups/480533585418187/