محتاج مساعده كروز 2010

[Fady.magdy]

شباب انا عايز اشتري كروز مستعملة 2010
في ناس بتقول ان فتيس الاتوماتيك معيوب ... ده حقيقى ولا لأ ؟
لى الصيانات بتتعمل كلها فى معادها والزيت بيتغير في خوف من الجيربوكس
ولو لقدر الله باظ سعرة كام فى التوكيل وبره التوكيل ....

[eng_amg]

سألت السؤال دا كتير ومحدش جاوب إجابة وافية..
إلا إن بعض الأعضاء لديهم هذا الموديل وأكدوا عدم شكواهم من شيئ
عموما .. متابع معاك

[muby33]

أنا معايا كروز و لسة جايبة فتيس من 10 أيام.. التوكيل قاللي الفتيس ب 62 ألف و سألت تاني قالولي 37 والكلام بيتغير.. الفتيس الجديد ده بيبقي معدل بتاع الموديل الجديد فمش بيبقي فيه مشكلة.....نصيحة بلاش الكروز موديل 2010 و ريح دماغك

[J A G U A R]

ثلاثه او اربعه اعضاء اشتكو من موضوع الفتيس فى الموديل ده

[eng_amg]

أنا معايا كروز و لسة جايبة فتيس من 10 أيام.. التوكيل قاللي الفتيس ب 62 ألف و سألت تاني قالولي 37 والكلام بيتغير.. الفتيس الجديد ده بيبقي معدل بتاع الموديل الجديد فمش بيبقي فيه مشكلة.....نصيحة بلاش الكروز موديل 2010 و ريح دماغك

يااااه.
62 الف...
طيب الفتيس الاستيراد حد سأل عليه؟
أنا بقول كدا لأن فتيس البومة cvt رغم أنه مبالغ جدا في سعره نتيجة لأن تاكسيات السبيرانزا بيشتروه هو و الموتور لعربياتهم فسعره لا يتجاوز 6000 جنيه استيراد.

[hugan]

اوعي
واحد اعرفه باعها فطيس بسبب الفتيس

[dragon1]

بلاش الموديل ده بالذات الواقعه فيه وحشه

[ENG.MaRk]

الكروز قبل الفيس ليفت كانت فاشلة ... عبارة عن تغيير شكل الأوبترا مع تكبير حجمها و زيادة وزنها مع نفس الموتور الضعيف (قصدي سحبه مش زي المتوقع منه) ... أنا عارف اتنين أصحابي كان معاهم كروز 2010 و باعوها بخسارة بس حسوا بارتياح إنهم خلصوا منها ... لو ناوي تصرف و تدفع دم قلبك يبقي اشتريها ... لو عجباك اكروز بيقي ادفع اللي معاك مقدم للفيس ليفت و قسط الباقي و أعتقد القسط مش هيبقي كبير

[legend_mohsen]

موضوع الفتيس اولا .....الناس كانت مش فاهمه العربية و كانوا بيزويدوا زيت الفتيس علشان كده كان بيبوظ ......الفتيس مافيهوش عيوب ...الفتيس فيه عيوب فردية و الا كان التوكيل بقى يغيرة للناس ببلاش و كان اتعرف زي موضوع فتيس ماواتير الباسات و dsg
الفتيس استيراد ب 5 تقريبا .....من التوكيل ب 35 ......
مش هتصدق لو قلتلك ان مشاكل موديل 2013 و 2014 اكتر كتييييييييييييييييييييير الفتيس بيعلق و يبطل ينقل !!
الخلاصة .....العربية محترمة من اول 2010 لحد 2014 بس اشتري حاجه صيانة توكيل

[muby33]

يااااه.
62 الف...
طيب الفتيس الاستيراد حد سأل عليه؟
أنا بقول كدا لأن فتيس البومة cvt رغم أنه مبالغ جدا في سعره نتيجة لأن تاكسيات السبيرانزا بيشتروه هو و الموتور لعربياتهم فسعره لا يتجاوز 6000 جنيه استيراد.

أنا لسة مسألتش عليه استيراد لأني عشمان أني أصلحه في التوكيل و أتحمل مبلغ و هما مبلغ
و الحمد لله توصلت معاهم لكده بس لسة مش أكيد
و الموديلات الجديدة مسمعتش عنها مشاكل زي ال 2010
و أنا ان شاء الله هغير فتيس و أبيعها

[muby33]

موضوع الفتيس اولا .....الناس كانت مش فاهمه العربية و كانوا بيزويدوا زيت الفتيس علشان كده كان بيبوظ ......الفتيس مافيهوش عيوب ...الفتيس فيه عيوب فردية و الا كان التوكيل بقى يغيرة للناس ببلاش و كان اتعرف زي موضوع فتيس ماواتير الباسات و dsg
الفتيس استيراد ب 5 تقريبا .....من التوكيل ب 35 ......
مش هتصدق لو قلتلك ان مشاكل موديل 2013 و 2014 اكتر كتييييييييييييييييييييير الفتيس بيعلق و يبطل ينقل !!
الخلاصة .....العربية محترمة من اول 2010 لحد 2014 بس اشتري حاجه صيانة توكيل

مع احترامي لكلام حضرتك أنا اعرف واحد معرفة شخصية عربيته جابت فتيس أثناء فترة الضمان و صلحوهاله ببلاش و كان بيعمل الصيانات كلها هناك و مغير زيت الفتيس هناك .....و شركة جي ام كوريا كانت بتتحمل المبلغ هي و منصور ومع مرور الوقت شالوا ايديهم من الموضوع

[mamo206]

طيب سؤال بعد اذنكوا انا قدامي لاسيتي 2010 ماشيه 44 الف كيلو صاحبها بيقول ان الموتور 1800 بس مثبوته 1600 هل الفتيس بتاعها برضه في نفس المشاكل بتاعة الكروز ولا لا