طلب هام :- اسعار الصيانات و قطع الغيار لشيفورليه اوبترا

[MohabSaeed]

السلام عليكم و رحمة الله و بركته

بعد اذنكم انا محتاج مساعدتكم فى عمل موضوع احصائى عن اسعار الصيانات و قطع الغيار فى التوكيل
لكذا موديل - منهم شيفورليه اوبترا
و بعد كده حكتبهم فى موضوع واحد فى قسم المقارنات و يبقى مرجع لينا كلنا و لاى حد بيفكر يشترى العربيه علاشان يبقى عرف و هو بيشترى العربيه حيدفع كام فى صيانتها و قطع غيارها

المطلوب من حضراتكم الاتى :-

1- اسعار الصيانات الاساسيه و الدوريه :-

صيانه ال 10000
صيانه ال20000
صيانه ال40000
صيانه ال80000
مع ذكر قطع الغيار الى بتتغير فى كل صيانه " لو توافرة هذه المعلومه " .

2- اسعار قطع الغيار :-

قطع الغيار الميكانيكيه :
- طقم كاتينه ( سير , بلية شداد )
- سيور خارجيه ( تكيف و دينامو )
- موبينه
- طرمبه بنزين
- طرمبه ميه
- طقم دبرياج

قطع غيار العفشه :
- مساعدين
- تيل فرامل
- علبة دركسيون
- مقصات
- دسكات فرامل و الطنابير
-بليه العجل الامامى - الخلفى

الاجزاء الخارجيه :
- الرفارف " امامى خلفى "
- اكصدامات
-فوانيس اماميه - خلفيه


* ياريت اى حد عنده اى اسعار لأى قطعة غيار مايبخالش علينا بالمشاركه .. حتى لو اجزاء و قطع بره القايمه الى انا كاتبها
حتى لو سعر مسمار او صاموله او مصنعيه ..... اى اسعار حتفيدنا

* طبعا احنا بنتكلم على الاسعار فى التوكيل " فقط "

و لكم جزيل الشكر

[MohabSaeed]

يا حضرات طيب سعر صاموله العجل ....اى معلومه / معقوله محدش اتعامل مع التوكيل ؟
محدش معاه اوبترا غير تيل فرامل / عمل صيانه !!

[aif]

كان فيه موضوع مكتوب فيه اسعار الصيانات و القطع ..... انا لسة ما كملتش 10000 ف طبعا ماعرفش الاسعار
اعمل سيرش ح تلاقي الموضوع اللي باقولك علية .... انا قرأتة قبل كدة

[MohabSaeed]

شكرا لحضرتك على الرد , ححاول اوصل للموضوع ده

[Hosam_Optrawy]

كان نفسى افيدك بس انا برضه لسه معملتش صيانه ال 5000 حتى

[sem123]

المرايا

أنا لسة مغير المرايا اليمين للأوبترا فى العوض جروب ب 525 جنيه ده غير المصنعيات حوالى 25 جنيه كمان

[MohabSaeed]

ايوا كده شاركونا لو حتى مشاركه وجدانيه (:
شكرا لحضراتكم على المشاركه .

[mohamed10]

على فكرة انا كان لى موضوع به صورة من صيانات التوكيل باسعارها هنا فى احدى مشاركاتى فى هذا القسم ولا اعرف لماذا لم يتم تثبيتها مع انه هناك فى الاقسام الاخرى جداول مشابهة له وتم تثبيتها

[mohamed10]

هذا هو عنوان الموضوع

http://www.nilemotors.net/Nile/showthread.php?p=192036#post192036

[MohabSaeed]

تسلم ايدك يا استاذ محمد ..... هو ده الى بتكلم فيه من زمان

ياريت فعلا موضوعك يتثبت لانه مهم جدا جدا
و ياريت يبقى فى مواضيع مثبته فى كل قسم لاسعار الصيانات و قطع الغيار " و تكون مواضيع فعليه , مش مجرد عناوين "
اتمنى لو عندك الصوره " مكبره " تبعتهالى و ان شاء الله حنعيد تنسيقها .. لان فى بعض الارقام مش واضح اذا كان 2 او 3
بس بجد مشاركتك فالجول و فى وقتها .. بعد ماكنت فقدت الامل
الف شكر

[menabigboss]

Inside mirror = 108 L.E. including taxes

[dark_smoky]

الموضوع ده مهم جدا يا جماعة يا ريت لو فعلا نعمل حاجه تكون دليل لأسعار صيانات الاوبترا و قطع الغيار

[aymanmaly]

ادخل على الموضوع دة هتلاقى كل الى انت عايزة

http://www.nilemotors.net/Nile/38458-a.html

و بعد ما تخلص ابعتلى اية الى نائقصك حتى 65000
و فى نفس اللينك دة هتلاقى لينك تانى تجربتى مع الاو بترا هتلاقى الى مش موجود فى الصيانات

[dark_smoky]

أشكرك جدا .. لكن مازال الكتير من أسعار قطع الغيار مش معروف ، كان نفسي يبقي في موسوعة لأسعار قطع الغيار

[Hosam_Optrawy]

والله ياجماعه انا حاولت اجيب اسعار قطع الغيار كلها سواء فى التليفون او وانا فى المركز باعمل صيانه

ورفضوا يدونى الاسعار معرفش ليه

اللى يقولى اصلها كل شويه بتتغير

وكلام اهبل كدا

عموما دا رقم قسم قطع الغيار فى مركز الهرم 38387294

ممكن كل فتره واحد فينا يختار كام حاجه يسأل عليها

وبكدا ممكن نجمع كل الاسعار

وانا برضه هاقول اللى اعرفه

صيانة ال 5000 مجانيه

صيانة ال 10000 ( اسمها صيانة كل 5000 الاف ) مصنعيتها 144 جنيه

صيانة ال 15000 مصنعيتها 184 جنيه

صيانة ال 20000 ( صيانة كل 5 الاف ) 153 جنيه

زيت موبيل وان 10 الاف 235 جنيه

فلتر زيت 33.75 جنيه