بفكر اشتري أفيو

[Mahmoud_Lutfi]

السلام عليكم و رحمة الله

عايز افكر معاكم بصوت عالي

و عاوز رأيكم

بقالي فترة بتابع و بشوف اخبار السيارات و مميزات و عيوب كل عربية

استقريت على اني اشتري عربية من الانواع دي ( زيرو )


شيفروليه افيو

رينو لوجان

هيونداي جراند 10

فيرنا

BYD F3



و قبل كل دول كانت عاجباني اوي هيونداي i20 بس للأسف مش بينزل منها زيرو

------------

و بالسؤال لقيت ان اكتر من حد بينصحني اني اشتري ياباني او كوري

و قالولي ابعد عن اللوجان عشان قطع غيارها ناااااااااار ومش كل الميكانيكية ايديهم فيها و سوق بيعها مش ماشي اوي


مع العلم اني لما اجيبها ان شاء الله هسافر بيها كل يوم 60 كيلو


يا ترى تنصحوني بإيه

و شكرا ليكم

[ARKOON]

انا شايف ان الافضل في مقارنتك الافيو لو فل اوبشن هتبقى بسعر 102 تقريبا .
ولو صيني ممكن تفكر في البي واي دي l3 برضو كويسة .
كل يوم سفر 60 كم لازم تحط اعتبار عوامل الامان والسلامة وتوفير البنزين .

[hesham fawzy h]

الافيو عالية و مش ثابتة . علشان السفر

و الفيرنا مش ثابتة برضو .. بس ممكن تجبها و تركبلها شدادات و جنوط و كاوتش اعرض و مساعدين مونرو و العربية هتبقى تمام .. و دى طبعا فكرة مش حلوة علشان حضرتك جايب جديد ..

و الله انا محتار معاك :)

[Mahmoud_Lutfi]

انا شايف ان الافضل في مقارنتك الافيو لو فل اوبشن هتبقى بسعر 102 تقريبا .
ولو صيني ممكن تفكر في البي واي دي l3 برضو كويسة .
كل يوم سفر 60 كم لازم تحط اعتبار عوامل الامان والسلامة وتوفير البنزين .

شكرا ليك arkoon على اهتمامك

تحياتي

[Mahmoud_Lutfi]

الافيو عالية و مش ثابتة . علشان السفر

و الفيرنا مش ثابتة برضو .. بس ممكن تجبها و تركبلها شدادات و جنوط و كاوتش اعرض و مساعدين مونرو و العربية هتبقى تمام .. و دى طبعا فكرة مش حلوة علشان حضرتك جايب جديد ..

و الله انا محتار معاك :)

انا بسأل بالصدفة النهاردة واحد صاحبي معاه افيو بقاله 3 سنين

بيقولي هي كويسة معايا و بيروح بيها من القاهرة للفيوم كل اسبوع و مش بيحس بالهزة دي إلا لو معدي جنب عربية نقل تقيل او اتوبيس عشان قوة دفع الهوا بس غير كدا بيقولي كويسه معاه جدا

و الفيرنا كتير حذروني منها و واحد منهم قالي بلاش تسترخص و تجيب فيرنا طالما هتجيب زيرو

بشكرك لاهتمامك و تحياتي ليك

[hesham fawzy h]

الافيو مش حلوة فى السغر انا مقلوب بيها على فكرة :)

بس لو سواقتك عادية متقلقش . الافيو والفيرنا و اللوجان عربيات مدينة و ليس سفر

[Mahmoud_Lutfi]

الافيو مش حلوة فى السغر انا مقلوب بيها على فكرة :)

بس لو سواقتك عادية متقلقش . الافيو والفيرنا و اللوجان عربيات مدينة و ليس سفر

مقلوب بيها ؟؟


طب انت سواقتك شكلها ايه و كنت بتجري على سرعة كام

[S O P H O S]

فراي خليك بي واي دي او لوجان

[bassemali]

بي واي دي او لوجان .. وممكن تشوف الاسبرانزا الانفي
لكن بلاش الافيو

[طاهرع الوهاب]

اخي الكريم السلام عليكم
نصيحتي ليك اشتري فيرنا بصراحه من افضل السيارات في السوق المصري وكمان سعرها معقول وقطع غيارها ببلاش بالنسبه للافيو وغيرها والعربيه ثابته الي حد ما مع اخويا المنول منها2014 ما شاء الله ملهاش حل وانا معايا افيو بس بحس انها افضل من الافيو كعربيه من ناحية اسعار قطع الغيار وكمان الميكانيكا والكهربي وحاجات كتير وكمان قصة ال60 كم سفر مش حكايه وربنا ييسرلك الامور
مع العلم ان من المشركات وردود حضرتك حاسس انك ميال للافيو

[Mahmoud_Lutfi]

فراي خليك بي واي دي او لوجان

بي واي دي او لوجان .. وممكن تشوف الاسبرانزا الانفي
لكن بلاش الافيو

الحمد لله استقريت على لوجان

[Mahmoud_Lutfi]

اخي الكريم السلام عليكم
نصيحتي ليك اشتري فيرنا بصراحه من افضل السيارات في السوق المصري وكمان سعرها معقول وقطع غيارها ببلاش بالنسبه للافيو وغيرها والعربيه ثابته الي حد ما مع اخويا المنول منها2014 ما شاء الله ملهاش حل وانا معايا افيو بس بحس انها افضل من الافيو كعربيه من ناحية اسعار قطع الغيار وكمان الميكانيكا والكهربي وحاجات كتير وكمان قصة ال60 كم سفر مش حكايه وربنا ييسرلك الامور
مع العلم ان من المشركات وردود حضرتك حاسس انك ميال للافيو

مع احترامي لرأيك الكريم

الفيرنا عربية كويسة لداخل المدينة لكن سفر فاشلة فاشلة فاشلة

مفيهاش اي وسائل امان

هي عبارة عن موتور كويس و تكييف تلاجة و قطع غيار وصيانة كويسة بس

لكن امان مفيش