انا حاسس ان انا فى مصيبة

[اسلام شعبان]

انا اشتريت عربية افيو موديل 2008 خلييجى من واحد صاحبى هوا اللى جابهالى وعلشان كنت واثق فيه مدورتش بقا على السمكرة والدواخل والأمور دى وبعدين بعد شهرين اكتشفت ان السيارة مغيرة سقف وفيها ماتور كروز 1600 ولآن العربية دى خلييجى كان فييها الإيرباج وهى اصلا اتوماتيك وفيها شوية رفاهية كويسين ومع انها ثابتة جدا على الطريق وفى الملفات وده ممكن لآنها مواصفات خلييجى وتقفيل كورى بس اعمل ايه فى موضوع السقف ده انا كده حاسس ان انا اتخبورت وازاى اعرف ان انا اعالجه " يعنى الفلتات " ازاى ارجعها تانى لأصلها من غير محد ياخد باله ... ارجوكم انا حاسس ان انا فى ورطة...
وأسف للإطالة

[adel1212]

ليك و لا للسوق

[اسلام شعبان]

للسوق

[اسلام شعبان]

وكنت عاوز اعرف متوسط سعر البيع بتاعها كام النهادره لو حبيت ابيعها

[Sameh samy]

انت اشتريت العربية بكام ؟؟؟ اصل السقف المتغير دة معناة ان العربية مقلوبة كمان تغيير الموتور دة يشكك لان مواتير الافيو زي الانوس اصلا موش بتفوت لانها 8 صباب وكامة واحدة فبتعيش فغالبا هتلاقي النص قدام متغير او مشغول فالعربية علي الحالة دي موش هاتعدي 40000 جنية

[اسلام شعبان]

انا اتأكدت من حوض العربية والدواخل بتاعتها ودورت لحد ما وصلت للسمكرى اللى كان عاملها والكهربائى والميكانييكى ولفيت لما دوخت .... الميكانييكى قاللى ان المكنة القديمة كانت عاوزة تعمر وكانت مقاسات المكنة مش موجودة بالظبط لأنها كانت خلييجى فجاب لى واحدة استيراد تانية واللى كان فيها قبل ده كانت نفس المكنة دى برضه كانت بتاعت كروز 1600 لانها خلييجى...يعنى هو شال المكنة وحط واحدة تانية ليها قطع غيار متوفرة هنا !!! والسمكرى قالى ان السقف بس اللى اتغير نتيجة لان اللى كان راكبها قبلى كان نزل بيها فى مصرف وهو السمكرى بنفسه الى راح طلعها من هناك ..... لكن اساس العربية كله كويس ماعدا السقف ..
ارجو الإفادة على هذا الوضع والسيارة كاملة اتوماتيك..
واسف للشرح الزياده ده

[اسلام شعبان]

ولو فى سمكرى ابن ناس كويس يعرف فى الأمور دى ارجو التوصية

[drmagieed]

الأفيو الخليجي بتنزل زي الأمريكي ماتور 1600 سي سي 16 صباب 2 كامة وموجود منه إستيراد كتير في السوق (إللي منصور بينزله في الأوبترا)

[اسلام شعبان]

الله ينور عليك هو ده بالظبط اللى عندى حتى قطع غيار الماتور بجيبها يا اما نيوبيرا او كروز
لكن برضه عاوز اعرف اعمل ايه فى فلتات السقف علشان ارجعها لأصلها تانى
وأسف على التأخير فى المتابعة

[abou-yahia]

مادام مش مضايقاك في حاجه كمل

لانك لو حتبيع حتخسر جامد ومش حتعرف تركب بتمنها حاجه

[اسلام شعبان]

والله مش هضحك عليك هى فعلا جميلة جداً معايا بس الوسواس بقا والكلام ده ..... المهم ربنا يكفينا شرها وخلاص وشر سرقتها ..÷ههههههههه

[S O P H O S]

فرأي طالما ماشية كويس كمل بيها
وتجنب الخسارة لانك اكيد هتقول للمشتري الحقيقة