فتيس الاوبترا المانيوال قافش

[D.Ahmed Ismail]

السلام عليكم
اوبترا 2011 مانيوال 85000 كم
الاوبترا كانت زي الفل
من يومين كنت ماشي عادي 140-160 و هديت عادي عشان مطبات و بدي التاني لقيته تقيل قوي
قلت يكون تسريب زيت. نزلت بصيت ع الزيت كله تمام
رجعت اديت التاني زي الفل كان مفيش حاجة . كملت مفيش اي حاجة
النهارده رايح الشغل بعد ما مشيت 10 كم و اتكيت ع الثالت لحد 80 مرداش الفتيس يتحرك نهائي وكملت ع التالت
الدبرياج شغال تمام والزيت تمام و الفتيس مش بينقل والعربية مبطله حتي و مفيش ريحة شياط ولا اي حاجة والسحب كويس
شكرا مقدما

[hemaa_82]

غالبا الويرات فيها حاجة .... اتقل عليه "اتعافا عليه" لحد ما تكشف

[D.Ahmed Ismail]

غالبا الويرات فيها حاجة .... اتقل عليه "اتعافا عليه" لحد ما تكشف

هجرب و ربنا يستر
امشي ع التالت ماشي
انما هرجع ازاي

[Kmohamed1]

السلام عليكم
اوبترا 2011 مانيوال 85000 كم
الاوبترا كانت زي الفل
من يومين كنت ماشي عادي 140-160 و هديت عادي عشان مطبات و بدي التاني لقيته تقيل قوي
قلت يكون تسريب زيت. نزلت بصيت ع الزيت كله تمام
رجعت اديت التاني زي الفل كان مفيش حاجة . كملت مفيش اي حاجة
النهارده رايح الشغل بعد ما مشيت 10 كم و اتكيت ع الثالت لحد 80 مرداش الفتيس يتحرك نهائي وكملت ع التالت
الدبرياج شغال تمام والزيت تمام و الفتيس مش بينقل والعربية مبطله حتي و مفيش ريحة شياط ولا اي حاجة والسحب كويس
شكرا مقدما

دكتور احمد .... سبحان الله انا حصل معايا نفس الموقف بالظبط يوم السبت اللي فات انا عربيتي اوبترا مانيوال 2009 وعامله 95 الف كيلو كنت ماشي في الطريق الصحراوي قبل ميدان الرماية وبهدي عند مطب وبحاول اجيب التاني والفتيس قفش وحلف انه مينقلش الغيار اضطريت اني اقف علي جنب واتكيت عليه جامد لغاية لما جه ... فضلت ماشي علي الغيار التاني والتالت بالعافية لغاية لما رحت المهندسين وقلت اروح اكشف علي زيت الفتيس اول محطة بنزين فيها خدمة زيت كانت موبيل وان اللي جنب فندق اطلس في شارع جامعة الدول سالت الفني اللي هناك قالي العربية مانيوال عشان نكشف علي الزيت لازم يكون الميكانيكي موجود عشان بيحتاج يفك حاجة عشان يوصل لطبة الزيت وللاسف مكانش في ميكانيكي ساعتها ... المهم ربنا يكرمة الفني كان عنده ضمير ومخة نضيف قالي ممكن بس ابص علي حاجة نزلتله من علي العربية لقيتة نزل لتحت الدواسة وراح مرجع فرش الدواسة تحت كرسي القيادة بحيث يكون بعيد عن الدبرياج وبعدين قالي جرب المهم جيت اجرب لقيت كل حاجة بقت تمام وعرفت بعد كدة منه ان فرش الدواسة كان داخل تحت دواسة الدبرياج فبالتالي بتقطع نص السكة بس وبالتالي الغيار بيقفش والحمد لله الراجل المحترم ده وفر عليا حاجات كتير وشغلانة ملهاش لازمة لو حد تاني مبيفهمش هو اللي عملها .. عامة حبيت انقل لحضرتك تجربتي ممكن تكون نفس المشكلة عند حضرتك وميكونش الموضوع زيت او غيره

[D.Ahmed Ismail]

اللي حصل معايا الان
فتحت الكبوت لقيت زي عصاية من الفتيس تحت جنب القربة . حركتها اتحرك معاها الفتيس
رحت حركت الفتيس اشتغل بس وهيه واقفة
وانا مروح هجرب ربنا يسهل

[D.Ahmed Ismail]

حتي الان زي الفل
من غير حرق . بكره هروح للميكانيكي

[mahmoud.69]

ممكن يكون جلب عصاية الفتيس اتكلت وعايزة تتغير او مسمار الفتيس مش مظبوط وعلشان كدة الغيارات مش في مكنها

[J A G U A R]

الحركه دى احيانا بتحصل معايا بس فى المارشدير لما اجى ارفع السوسته واحرك لقدام الغيار مبيجيش بس برفع رجلى دبرياج وادوس تانى واعشق الغيار بيييجى على طول