استفسار مهم لشراء اوبترا... ارجو مساعدة الاعضاء للاهمية و لضعف خبرتي

[B911]

مقبل علي شراء سيارة اوبترا ارجو للافادة هل السعر كويس و لا غالي

السيارة 2008 مانيوال و ماشية 71000 كم و السيارة فابريكة بالكامل و حالتها نضيفة جدا من حيث الموتور و العفشة و الصالون و البوية و كمان الاستبن لم يستعمل بتاع الفابريكة و كل صيانتها في التوكيل و العربية خليجي مش منصور و كماليتها اقل من منصور ( بدون المفتاح اللي بيفتح الشنطة و متركب لها انذار عادي و المرايات مش كهرباء و الزجاج الخلفي مانيوال وبدون مسند يد و بدون جراب نضارة) و الكماليات تكييف ثلاجة و باور و 2 زجاج كهرباء فقط و بها طقم كاوتش جديد بريدجستون ياباني و فيها رخصة سنتين باسم المالك و بصراحة مافيهاش اي مصروف علي الاطلاق

صاحب السيارة كان طالب 78 و وصلت معاة بالعافية 76 الف هل كدة السيارة غالية و لا سعرها معقول
ارجو الافادة للاهمية

سؤال كمان هل فعلا الاوبترا القديمة سعرها هايغلي بسبب ان الجديدة صيني و هاتمسك سعر و لا الكلام دة مش صحيح

الف شكر للمساعدة

[ARKOON]

سعرها مناسب كدا وعلى فكرا موديلات 8 و9 في الاوبترا تحفة وثبات وعربية عملية بجد . سافرت بيها 1200 كم في يوم واحد والعربية ماشتكتش وماشاء الله على ثباتها في الطريق .
وانتظر رد أ/ جاكور احد ملاك السيارة حاليا وياما سافر بيها : ) تحياتي.

[eng_amg]

بص الاوبترا حلوة مفيش كلام. موتور فظيع خصوصا المنوال واقتصادية في البنزين وقطع غيار معقوله جدا
بس موضوع انها 2 زجاج كهرباء ومرايات عادية وبدون إنذار اصلي وشوية الاوبشنز دول ممكن يعملك مشكلة في اعادة بيعها..
خصوصا اني شايف ان السعر مش لقطة يعني.. ممكن تجيب عربية بتاعة منصور بسعر ذي دا..

[ahmedelrayan]

بص الاوبترا حلوة مفيش كلام. موتور فظيع خصوصا المنوال واقتصادية في البنزين وقطع غيار معقوله جدا
بس موضوع انها 2 زجاج كهرباء ومرايات عادية وبدون إنذار اصلي وشوية الاوبشنز دول ممكن يعملك مشكلة في اعادة بيعها..
خصوصا اني شايف ان السعر مش لقطة يعني.. ممكن تجيب عربية بتاعة منصور بسعر ذي دا..

الكلام دا سليم 100 فى 100 خاصة فى اعادة البيع اى حد هيلاحظ انها مختلفة عن الاوبترا المتعارف عليها وكمان سعرها عادى جدا مش لقطة خالص

[B911]

الف شكر للرد السريع و متفق جدا مع ان الوبشن بتاعها هو المشكلة بس الي مغري فيها الحالة كانها جديدة لان صاحبها محنتف فيها جدا و حالتها مانها كسرزيرو مع انها ماشية 70000كم و انا اتفرجت علي اوبترا كتير بس المشكلة ان العربيات مهلوكة
سؤال كمان هل فعلا الاوبترا القديمة سعرها هايغلي بسبب ان الجديدة صيني و هاتمسك سعر و لا الكلام دة مش صحيح؟؟؟؟

و الف شكر &ahmedelrayan &ARKOON&eng_amg

[J A G U A R]

كتير طبعا عليها
78 الف يجيبو 2010 حاله كويسه

السعر لغايه دلوقتى زى ما هو مفيش تغيير والله اعلم

[yasser100]

بص يا ريس . انا كان معايا اوبترا 2008 و بعتها . بس مواصفاتها غير اللى انت بتقول عليها . هيه كانت مانيوال . 4 زجاج كهربا . مرايات كهربا .

فابريكه بره و جوه 11000 كم فقط . بعتها على 85000 جنيه .

اولا السعر اللى بتقول عليه فى الاوبترا ده مش عالى . العربيه بياعه بجداره . عايز اقول لك بعتها فى ساعتين فقط من ساعة ما نزلت الاعلان على النت و انا قاعد فى بيتى .

ثانيا العربيه انضف كتيرررر من اللى نازله دلوقتى و عليها طلب زيرو و المعارض بتجبها للزبون بالعافيه و سعرها زيرو ارتفع .

ثالثا موتور جباااار مع الفتيس المانيوال و ثبات رهيب على سرعة 180 كم و عفشه مالتى لينك وسع محترم جدا صالون و شنطه و تكييف تلاااجه و قطع غيار و صيانه عاديه و متوفره .

رابعا يعيبها فقر الاوبشن جدا و فراملها ضعيفه شويه مع حجم العربيه و وزنها .

و بالتوفيق انشاء الله .