ما سبب هذا التسريب على الموتور ؟

[khashabawy88]

لو سمحتم يا رجاله عاوز الناس اللى متأكده بس ترد على الموضوع



أنا عربيتى أفيو 2014 ... عامله 13500 كيلو فقط



من يوم ما جبتها و فى ترشيح زيت على الموتور



فى صيانة ال 5000 .. تم إبلاغهم و لكن كل اللى عملوه هو تقريط المسامير و غسل الموتور بالجاز


فى صيانة ال 10.000 .. قاموا بتغيير جوان غطى التكيهات



العربية مازالت بترشح زيت .. و الصور تم رفعها لحضراتكم



عاوز أصحاب الخبرة المتأكدين يساعدونى أعمل إيه و هل الترشيح دا له حل ؟


أنا حجزت صيانة يوم الإثنين فى فرع إسكندرية الصحراوى الكيلو 4.5 .


المرتين اللى فاتوا كنت بعمل صيانتى فى جسر السويس .

[aymanshebl]

متابع هى مشكلة جوان مش اكتر

[Mecha]

الصور دي زي مكان تعريق الزيت القديم قبل تغيير الجوان ,الجوان الجديد نضيف ,اغسلها بديجريزر

[drmagieed]

الصور دي زي مكان تعريق الزيت القديم قبل تغيير الجوان ,الجوان الجديد نضيف ,اغسلها بديجريزر

إحتمال كبير ... جرب!!!

[mohamedibk]

بص ياباشا المشكلة دية كانت عندى زى الصور التى انت منزلها وكانت فى عربيتى الافيو بسبب تلف جوان غطاء التاكيهات مع العلم انا سبت الترشيح ده حوالى 3شهور تقريباً لما اكتشفته وتابعت حالة الزيت من حيث النقص والحمد لله منقصش زيت الماتور وبعد تغيير الجوان بجديد سيبت العربية من غير غسيل لمدة اسبوع وكان موجود اثار الترشيح القديم وكأن لازال التاكيهات بتجيب ترشيح وقمت غسلها ومظهرتش المشكلة دية لحد يومنا هذا
فالخلاصة اغسل حوض العربية كويس وتابع فى اليوم التالى فى ترشيح ولا حاجة تانية وان ظهرت تلك المشكلة يبقى فى مشكلة ممكن تكون فى الجوان وان شاء الله تكون مشكلة غسيل فقط وتروح المشكلة وشوف برده مستوى الزيت عندك فيه نقص
وشكراً

[khashabawy88]

شكراً لكم على الردود

أنا غسلت الموتور أكثر من مره بالجاز و تابعت الترشيح و لكنه مازال موجوداً

و تم تغيير جوان التكيهات و لكن ما زالت المشكلة موجوده

فى الصور المرفقه مع الموضوع ... جوات التكيهات لا علاقة له بالترشيح ولا دليل على أن الترشيح منه

برجاء التركيز أكثر .. لأن المشكلة صعبه وبدأ يظهرلى لمبة ال check engine

[aymanshebl]

ممكن جوان وش السلندر مساميره مش مربوطة كويس او عاوز يتغير

[abou-yahia]

شكراً لكم على الردود

أنا غسلت الموتور أكثر من مره بالجاز و تابعت الترشيح و لكنه مازال موجوداً

و تم تغيير جوان التكيهات و لكن ما زالت المشكلة موجوده

فى الصور المرفقه مع الموضوع ... جوات التكيهات لا علاقة له بالترشيح ولا دليل على أن الترشيح منه

برجاء التركيز أكثر .. لأن المشكلة صعبه وبدأ يظهرلى لمبة ال check engine

لاسباب عندي

الصور مش ظاهره ليه

جوان التاكيهات متقلقش منه لو فيه ترشيح بسيط

مقياس الزيت عندك مضبوط

يعني مش فوق العلامه

لمبه الشيك انجن تقريبا ملهاش دعوه بالحوانات الاغلب ده بنزين مش نظيف

عموما ما دام اللمبه ديه ظهرت لك روح علي التوكيل وش

تحياتي

[swimmer25]

أكني شايف لانوس
هو ده مش جوان وش السلندر يا شباب
ممكن يكون الزيت نقص وعشان كدا اللمبة نورت
بس فعلا مالهاش حل غير التوكيل مادام العربية لسه في الضمان

[khashabawy88]

السلام عليكم ورحمة الله وبركاته

تم الذهاب اليوم إلى التوكيل و بعد الكشف على العربية ... قالوا إن المشكلة من ال head بتاع الموتور و عمود الكامات

تم حجز العربية للإصلاح و سيتم استلامها غدا إن شاء الله تعالى

أتمنى إن ده يكون الحل النهائى بإذن الله تعالى