اود ان اشتشير حضراتكوا في مشكلة في عربيتي

[طارق سمبر انور]

اخواني في الله .........
بعد التحية والتقدير
اود ان اشتشير حضراتكوا في مشكلة في عربيتي
بداية .... انا معايا اوبترا 2006 مانوال العربية دي جت فجأه وبطلت مني علي الطريق وجيت ادورها قالت والله مانا دايرة المهم دورت وبحثت علي منتدانا الغالي ودلوني رجالة المنتدي ان ده ممكن يكون عطل في حساس الكرنك وبالفعل قمت بحله بيدي وجبت واحد استيراد وركبته والعربية دارت تمام المشكله دلوقتي ان لمبة التشيك بتنور اوقات وبتختفي اوقات تانيه يعني شغاله بمزاجها وصوت الموتور مش سالك في زي هزة كده علي السلانسية ولما تقرص عليه وانت ماشي علي التاني تسمع تكركيعه كده وبعد كده العربية تسحب عادي دا غير ان شامم ريحة الدخان من الشكمان ودا غير كمان ان لما باجي ادور الصبح خصوصا في ايام البرد دي العربية متستجبش بسرعه وكمان في اول الدوارة الصبح بتبقي عامله زي المتلته كدا ومبيبقاش فيها عزم ياتري دا من ايه ويا تري لو حساس الكرنك متوصل غلط يعمل المشكله دي لان فيشته كانت بايظة وانا قطعتها وجبتله فيشة تانيه وركبتها ..... وهل ايه هي اعراض تلف حساس الشكمان لاني شاكك فيه.
اسف علي الاطاله ...... وشكرا جزيلا مقدما .

[م/أحمد عبد الفتاح]

كل اللى انت قلته ده أعراض حساس الأكسجين ( الجاكمان) فاضل بس تقول إنها بتستهلك بنزين زيادة - فى الغالب هو حساس الأكسجين بس لو قدرت تودى العربية عند واحد عنده كمبيوتر يقرا رقم كود العطل ويأكدهولك بعد كده تغيره .

[Sherif Mandoor]

ممكن يكون رشاش مش شغال

[طارق سمبر انور]

كل اللى انت قلته ده أعراض حساس الأكسجين ( الجاكمان) فاضل بس تقول إنها بتستهلك بنزين زيادة - فى الغالب هو حساس الأكسجين بس لو قدرت تودى العربية عند واحد عنده كمبيوتر يقرا رقم كود العطل ويأكدهولك بعد كده تغيره .

فعلا اخي الغالي ......... الله ينور عليك فعلا العربية بتستهلك بنزين كتير تقريبا 140 كيلو امبارح اخدت فيهم صفيحة وشوية كمان
الف شكر حبيبي

[طارق سمبر انور]

ممكن يكون رشاش مش شغال

لا ياغالي العربية دايرة اربعه عادي ورشاشاتها شغاله
شكرا علي المشاركه

[ahmed.zahra]

ده غالبا حساس الشكمان و ده اللي بيخلي لمبة الcheck تنور لما تكون على سرعة. بس الأفضل تتحط على سكانر