حد يساعدني بخصوص موتور أوبترا

[falak]

يا جماعة حصل لي مشكلة في سيارتي ( اوبترا 2009 أوتوماتيك ) اضطريت أغير الموتور
وجبت بالفعل موتور إستيراد ،، بس من ساعة ما ركب وهو عامل رعشة كده باحس بيها في دواسة البنزين ،، وخاصة عند أر بي إم 1و نصف تقريباً أو اعلى سِنة بسيطة
واحد النهاردة قاللي إن المفروض أروح التوكيل يعمل لي برمجة على الكمبيوتر عشان الموتور الجديد يتعرف على الفتيس !
يا ترى الكلام ده حقيقي !
وإيه سبب الرجرجة دي ؟
وأشكركم مقدماً

[mhopa2440]

هو حضرتك حوار ان الموتور يتعرف على الفتيس اظنه فلم هندي

هو الطبيعي انك لما بتغير موتور تحط العربية على الكمبيوتر يعمل ريست لكل الحساسات ويقرا كلها وريست للكمبيوتر نفسه بحيث كله يبقى طبيعي

انا الرعشة حضرتك دي من احد اسبابها هو قواعد المتور او ممكن الرجة من الموتور نفسه بسبب حساس او شئ بس لما يحط على الكمبيوتر كله هيظبط وبالمرة تراجع قواعد الموتور

وبالتوفيق ان شاء الله ويارب يكون ف اي افادة من الرد

[drmagieed]

جبت الموتور بكام ومنين ومواصفاته أية لو سمحت!!!

[falak]

هو حضرتك حوار ان الموتور يتعرف على الفتيس اظنه فلم هندي

هو الطبيعي انك لما بتغير موتور تحط العربية على الكمبيوتر يعمل ريست لكل الحساسات ويقرا كلها وريست للكمبيوتر نفسه بحيث كله يبقى طبيعي

انا الرعشة حضرتك دي من احد اسبابها هو قواعد المتور او ممكن الرجة من الموتور نفسه بسبب حساس او شئ بس لما يحط على الكمبيوتر كله هيظبط وبالمرة تراجع قواعد الموتور

وبالتوفيق ان شاء الله ويارب يكون ف اي افادة من الرد

أشكرك شكراً جزيلا ،، يعني فيه أمل إن شاء الله الرجرجة دي تروح ،، مش كده ؟
ويا ترى ري سيت للكمبيوتر ده يتكلف كام ؟

[falak]

جبت الموتور بكام ومنين ومواصفاته أية لو سمحت!!!

جبته من واحد في صقر قريش ،، بيبيع مواتير إستيراد
جبته بـ 4000 جنيه ،، من غير الحساسات والحاجات دي

[drmagieed]

سعره ممتاز