استفسار عن علبة محول الحفاز ( علبة البيئه او الكاتالايزر ) اوبترا 2006

[tselpr]

السلام عليكم
اخدت مطب وحك فى مقدمة الشكمان قرب مروحة التبريد كده وظهر صوت زنه خفيفه كده عند الفرن مع دوس البنزين او تحس انه زنه مع تنفيس هواء قلت يمكن الشكمان اتخرم ولكن بعد الفحص اتضح انها اثرت على علبة البيئة او الكاتالايزر يظهر الخبطة عوجت حاجه او بيقولوا أفعت ،، المهم طلعت بـ 4600 ج وعند التوكيل فقط
فى حد من اصحاب الخبرة يقولى اعمل ايه ممكن يوفر عليا شويه لو فى حلول بديله

[Hosam_fouad]

العربيه موديل 2006 حرام تدفع فيها 4600 في علبه البيئه .


شوفها وشوف المسامسير بتاعها سليمه ولا لا لو ينفع اي تصليح ليها صلحها ... لو مينفعش هاتها استعمال هتلاقيها ب 200 او 300 ....

كان فيها مشكله عندي كانت بتنفس وعامله صوت عالي طلع العيب في مسمار وصلحته .

[tselpr]

شكرا حسام باشا هروح اجرب عند ابو اليزيد يمكن عنده حل

[Sherif Mandoor]

الخبطه اثرت على الفحم داخل العلبه فممكن يكون ده سبب الصوت

[tselpr]

جبت علبة استيراد ب 950 جنيه واتركبت وراح الصوت ، المهم العلبة الاصليه فحمها نضيف جدا غير المستعملة واللى انا حاسيته ان استهلاك البنزين زاد عن ما كان يعنى ممكن تكون العلبه المستعمله مكتومه ولا حاجه لأن فحمها كان لونه محمر من جهة الفرن وبيج عادى من جهة الشكمان اما علبتى الاصليه كان لونه بيج من الجهتين والاصابة كانت فى فلانشة العلبه عند مسامير الربط مع الفرن