جهاز حماية المستهلك

[khaledhendawy]

ارسلت شكوى لجهاز حماية المستهلك بخصوص
انا عندى أفيو المصرى 2008 لاحظت بعد 3 شهور من الاستعمال ان (احيانا)عداد ال RPMبيفضل ثابت فوق لمدة وصوت الموتور بيفضل عالى بالرغم انى دوست فرامل ودبرياج والعربية تقريبا وقفت فى مكانها واحيانا بيعلى كمان يبدا ينزل بمجرد ان اخف الضغط على الدبرياج
ذهبت مركز خدمة ش الطيران ومركز اتوماستروالمركز الرئيسى بالهرم
وعملو RESET لبرمجة العربية ولكن دون جدوى واخيرا قالوا
ان ده عيب فى عربيات الافيو وجربو نظافة بوابة الحقن والرشاشات وعملوا جميع المحاولات فى عربيات تانيه ولكن دون نتيجة
واخيرا سيتم مخاطبة الشركة المصنعة فى كوريا لايجاد حل حسب كلام السادة المهندسين ارسلت الشكوى على موقع منصور للسيارات ولا حس ولاخبر
وان المشكلة بقالها سنة بدون حل
اتصلوا بى تانى يوم وطلبوا بعض الاوراق
وقالوا يا ريت ان تكون المشكلة عامة
فارجو من الاسادة الاعضاء أصحاب نفس المشكلة
ارسال شكوى للجهاز
بالبريد الإلكترونى : info@cpa.gov.eg
االتقديم المباشر : يمكنك تسليم الشكوى باليد بمقر الجهاز بالعنوان التالى:96 شارع أحمد عرابى – المهندسين - الجيزة
إلكترونيا : كما يمكنك إرسال شكواك إلكترونياً بالضغط هنا أو إستيفاء نموذج الشكوى وإرساله بالبريد الإليكترونى مرفق معة صورة من فاتورة الشراء.

[mada121977]

الاخ الفاضل الاستاذ خالد احنا عندنا عربيه افيو موديل 2009مانيوال كورى جايبينها ب 82 الف بندق (على رأى اخويا احمد سامى ) وحصلت فيها نفس المشكله وهيا لسه ماكملتش 500 كم وروحنا لمركز الخدمه الرئيسى اللى فى الصحراوى وضحكوا علينا بشويه كلام اهبل زيهم وعملوا برضه reset للكومبيوتر بتاع العربيه وبعد 200 كم رجعت المشكله تانى والان والعربيه عامله 1000 كم لمبه الشيك انجن منوره واحنا قرفانين جدااااااااااااااا من العربيه الزباله دى ومن توكيلها السىء

[mada121977]

نصيحه لوجه الله يا جماعه لتانى مره محدش يشترى العربيه الافيو دى عربيه سيئه وتوكيل اسؤ

[ahmadSayed]

السلام عليكم

واحد صاحبى كان عنده فيرنا جديده عملت معاه نفس الحركه طبعا التوكبل قعدو يلفو حوال نفيسهم شهر بي هو كان شغال فى شركه Valeo بتعمل وحدات تحكم فى العربيات قلولو على ان المشكله ده سببها ال TPS (Throttle position Sensor)

http://en.wikipedia.org/wiki/Throttle_position_sensor

وده مشكله شبهها حصلت فى عربيه تانيه

http://en.allexperts.com/q/Hyundai-Repair-815/High-engine-RPM-idling.htm

المهم قلهم عليه نضفو العربيه اشتغلت كويسه لفتره ويعد كده باظت تانى راح ابو رواش ظبطوه والعربيه كويسه دلوقتى

هوه كل ده على الهيونداى انا عارف بس اكيد فى الأفيو فى حاجه مشابهه