إستفسار بخصوص rpm للأوبترا

[wael_dosoky]

السلام عليكم
عربيتي اوبترا اتوماتيك 2010
دلوقتي فيه مشكلة بدأت تظهر مش فاهمها
العربية عاملة زي ما تكون الكهرباء بتاعتها واطية ياعني وانا بسخنها او وانا طالع بيها كأنها عاوز تقف
ال rpm كنت متعود لما اسخنها الصبح انتظر لغاية ما ينزل الي 900 وبعدها ابدأ اتحرك
المشكلة لو انا بعد ما سخنتها وجيت اتحرك للخلف لو ما دوستيش بنزين جامد ال rpm ينزل إلي 500 والعربية تروح مبطله
ياعني لازم ازود سنة بنزين وانا راجع للخلف
هو احساس كأن الكهرباء واطية في العربيات المانيول
الموضوع ده جديد ما كنيش فيها قبل كده
ياتري ده من ايه؟

[abou-yahia]

الاغلب بوابه مش نظيفه

مبدئيا اعملها

[wael_dosoky]

الاغلب بوابه مش نظيفه

مبدئيا اعملها

هو انا فعليا عامل صيانة عند المهندس هاني من شهرين كده وكانت زي الفل ونظف البوابة وقتها وكانت تمام
لكن بعدها بيجي شهر كده بعد ما فولت بنزين العربية فضلت كام مرة كده فجاءة تترجرج وما بتستجيبش لزيادة البنزين كأنها مخنوقة وفسرت ده وقتها ان ممكن يكون البنزين إلي فولت منه كان مش نظيف لأن لما فولت بعدها راحت الرجرجرة بس ظهر بأه حوار ال RPM ]i

[aymanshebl]

ينزين مغشوش هو اللى عمل المشكلة ديه

[wael_dosoky]

ينزين مغشوش هو اللى عمل المشكلة ديه

البنزين غلي وهيغلوه تاني وكل ده ويغشوه
حسبنا الله ونعم الوكيل

[alizahran5]

غير فلتر البنزين

[mohamedehab95]

-كانت حصلت معايا المشكلة دي كانت العربية طول مانا ماشي تبطل لازم ادوس بنزين جامد ومترضاش تدور
وكان المشكلة من حساس الكرنك
بس لازم تتاكد من ميكانيكي يكون ممتاز والاهم يكون امين ومحل ثقة