مشاكل الشيفروليه كروز

[Mahmoudgebril]

السلام عليكم اعضاء المنتدي الاعزاء .انا عاوز اشتري عربية جديدة ومحتار جدا بين كروز او ياريس رغم اتي ميال للكروز عن الياريس لكن ناس كتير بتحذرني من مشاكل الكروز الكتير خاصة الفتيس فهل هذا صحيح يوجد مشاكل في فتيس الكروز وابعد عنها والا ايه رايكم وشكرا لكم

[mohamed2015]

السلام عليكم

يا باشا افخم سيارة هتركبها و اجمل اداء هي الكروز انت بتقارن بينها و الياريس و انا شايف انة لا يوجد وجة مقارنة بينهم

[Mahmoudgebril]

يا باشا افخم سيارة هتركبها و اجمل اداء هي الكروز انت بتقارن بينها و الياريس و انا شايف انة لا يوجد وجة مقارنة بينهم

بس في ناس كتير مخوفاني من الفتيس بتاعها وبيكلمو علي عفشتها ناشفة وانها واطيه جدا علي الارض. ايه راي حضرتك في الكلام ده

[islam khirat]

المشكلة فى نوع الزيت وطرقة تغيير الزيت مش الفتيس
ارجع لموضوع - كيفية الحفاظ على فتيس الاوتوماتيك للرائعة شيفورلية كروز

[nO wAy]

الموديلات من 2010 الى 2012 كان فيها مشاكل فى الفتيس و كانت بتحك فى المطبات فعلا
الفيس ليفت الجديد بعد كده الموتور و الفتيس اتغيروا بقوا نفس اللى فى اوبل استرا و ارتفاع العربيه زاد مبقتش بتحك فى المطبات تقريبا على ما اذكر انه 15 سم

[Mahmoudgebril]

الموديلات من 2010 الى 2012 كان فيها مشاكل فى الفتيس و كانت بتحك فى المطبات فعلا
الفيس ليفت الجديد بعد كده الموتور و الفتيس اتغيروا بقوا نفس اللى فى اوبل استرا و ارتفاع العربيه زاد مبقتش بتحك فى المطبات تقريبا على ما اذكر انه 15 سم

يعني اتوكل علي الله تنصحني بيها . انا كنت ابتديت افكر في الفلونس الفءة اولي اتوماتيك او كرولا فئة اولي اتوماتيك بس بصراحة لو لخدت كرولا هضغط ماديا جامد عشان كدة بفكر في الكروز او الفلوانس. . وهل حضرتك شايف ان اعادة بيع الكروز كويسة والا لا وشكرا جدا ليك

[dreslam]

العربيه ممتازه كروز 2014 -2015 بناءا على اختياراتك وفي الفئه السعريه اللي حضرتك محددها هي افضل الموجود

[nO wAy]

يعني اتوكل علي الله تنصحني بيها . انا كنت ابتديت افكر في الفلونس الفءة اولي اتوماتيك او كرولا فئة اولي اتوماتيك بس بصراحة لو لخدت كرولا هضغط ماديا جامد عشان كدة بفكر في الكروز او الفلوانس. . وهل حضرتك شايف ان اعادة بيع الكروز كويسة والا لا وشكرا جدا ليك

لو هتقدر تضغط نفسك فى الفلوس و توصل للكرولا اوتوناتيك الفئه اولى فساعتها انت تقارن بينها و بين الفلوانس e3 .. و من رايي الفلونس تكسب ... فاول حاجه تعملها انك تحط السعر اللى هتقدر تدفعه و ساعتها تقدر تقارن صح

[Hooba17]

الموديلات من 2010 الى 2012 كان فيها مشاكل فى الفتيس و كانت بتحك فى المطبات فعلا
الفيس ليفت الجديد بعد كده الموتور و الفتيس اتغيروا بقوا نفس اللى فى اوبل استرا و ارتفاع العربيه زاد مبقتش بتحك فى المطبات تقريبا على ما اذكر انه 15 سم

لا فرق في الارتفاع بين كافة موديلات الكروز وماشفتهاش بتحك في المطبات الا لو فيه 5 في العربية وشنط في شنطة العربية، ولو اخدت المطب صح في الحالة دي مش بتحك (معايا 2011)

أما بالنسبة للفتيس، فلو إهتميت بنوعية الزيت ومواعيد تغييره، مش هتلاقي مشاكل، لو مفيش اهتمام، هتحصل مشاكل، حتى لو موديل 2015
مشكلة الزيت هي في النوعية بتاعته ومواصفاته، لأن الفتيس بتاع الكروز كهرباء، ودا مختلف عن كل العربيات أو معظمها، وبالتالي له زيت معين ATF Dexron 6 ودا غالي شوية، الكيلو في حدود 100 جنيه، والعربية بتاخد حوالي 6 كيلو في الغيار، ونادراً ما هتلاقي ميكانيكي فاهم الزيت المطلوب للكروز (دا عن تجربة) ، فلازم إنت اللي هتكون فاهم.
كل ميكانيكي بيجري على زيوت موبيل وخلاص ومن غير فهم.

أي استفسار تاني أنا في الخدمة
أخوكم م. إيهاب الشرقاوي

[dreslam]

مافيش مشاكل فنيه في الفيتيس ولا في الارتفاع للكروزالموديلات ٢٠١٤ ٢٠١٥.والياريس فئه مختلفه عن الكروز لان الكروز فئه اعلى.ركوبه ممتعه وقياده شبابيه من الطراز الاول.ثقه زائده على الطريق بسبب الثبات وعزل اعلى من فئتها السعريه ب ٣٥ الف جنيه على الاقل.توكل على الله بدون شك

[drcobra]

فين يا جماعة تقارير الملاك
اية هى الاجاء المشتركة بين الكروز والاسترا زى الموتور والفتيس والعفشة

انا واحد من الناس كنت محتار بين الفلوانس والكروز لاخر لحظة
قسم رينو مفصص العربية عايزين قسم شيفى هو كمان يعمل احلى تقارير

لازم تقرير مفصل بالصور بين كروز 2010 و2015

تحياتى للجميع

[Hooba17]

فين يا جماعة تقارير الملاك
اية هى الاجاء المشتركة بين الكروز والاسترا زى الموتور والفتيس والعفشة

انا واحد من الناس كنت محتار بين الفلوانس والكروز لاخر لحظة
قسم رينو مفصص العربية عايزين قسم شيفى هو كمان يعمل احلى تقارير

لازم تقرير مفصل بالصور بين كروز 2010 و2015

تحياتى للجميع

المواضيع المثبتة مليانة تقارير عن الكروز كتيرة اوي، ومهما اتكلمنا مش هنقول زي ما الاخوة الافاضل تفضلوا وقالوا، ويمكن الرجوع للمشاركات المثبتة وهتلاقوا فيها فايدة كويسة، أنا هحاول أعمل تقرير خاص بيا كمالك ومستخدم للعربية دي، ولكن بمنتهى البساطة.

التقرير الشخصي ليا كمالك كروز بقالي حوالي 4 سنين، معايا موديل 2011
- فخامة وقوة في الشكل الخارجي، بيعبر عن كدة أشكال الفوانيس والمقدمة الشرسة والضخمة.
- شياكة وفخامة رائعة من الداخل مع ملائمة أنوار التابلوه للعين وهدوءها الرائع إللي بيدي شياكة حلوة أوي للوحة العدادات والكونسول الأوسط.
- عزل الصوت سواء الخارجي أو صوت الموتور رائع جداً جداً وهتبقى قاعد في العربية في منتهى الهدوء والراحة، بغض النظر عن إن صوت الموتور هادي جداً من الأساس.
- العربية واسعة جداً من جوة خصوصا للراكب الامامي والسائق، وأيضاً من الخلف بس بشرط ماترجعش الكرسي كله لورا، عشان مشوار الكراسي الامامية طويل فبيدي إيحاء بضيق المساحة الخلفية.
- ثبات العربية مع السرعات ممتاز جداً وبيخليك سايق وإنت حاسس بأمان مع أي سرعة، ممكن توصل لـ 160 كم/س ومش هتعرف من غير ما تبص للعداد، في بعض الطرق بمشي على 200 كم/س والعربية متماسكة وثابتة جداً ما شاء الله، مقاس الكاوتش 205/65/15 ودا مقاس معقول ومش بيخلي الاحساس بالمطبات واضح.
- تسارع العربية من الثبات وبدء تحركها مش سريع، يعني لا يقارن بالهيونداي والكيا ومثيلاتهم، الطلعة بتاعت العربية تشبه الأوكتافيا والجيتا، بعد الغيار التالت للفتيس هتلاقي التسارع مختلف عن البداية والإستجابة أسرع.
- الفتيس 6 نقلات ودا هيديك نعومة في الغيارات جميلة جداً ومع وجود الستيبترونيك هتقدر تتعامل مانوال وقت ما تحب وخصوصا في الطرق المزدوجة عشان تقدر تتخطى بسهولة، والعربية هتساعدك على القيادة الرياضية بالشكل دا وهتستجيب استجابة ممتازة.
- استهلاك البنزين جيد جداً من وجهة نظري وبالمقارنة بسيارات كتير، متوسط الإستهلاك على مختلف الطرق (سفر او داخلي) 250 - 260 كم/ صفيحة، مع مراعاة إن الإستهلاك بيزيد طبعاً مع السرعات العالية، فوق الـ 110 و 120 كم/س مثلاً (عشان فيه ناس مش بتاخد بالها من كدة)
- هتقعد فيها وإنت سايق مرتاح ومش مجهد وحابب السواقة وإنت جواها وقاعد في منتهى الراحة والإسترخاء.
- الإرتفاع عن الأرض ممتاز جداً، ومش بتحك في مطب إلا لو محملة أوي وأنا ماهتمتش بإني أخد المطب بهدوء كويس، شخصياً ممكن أتحرك أو أسافر ومعايا المدام وبنت وولد صغير وشنط سفر وماتحكش نهائي في أي مطب وبدون عبور المطب بميل.
- غيار زيت الموتور 3.5 لتر بدون فلتر و4 لتر لو هتغير الفلتر.
- تانك البنزين سعة 60 لتر، ودي سعة ممتازة لطرق السفر الطويلة، القاهرة - الغردقة بتانك إلا ربع، إسكندرية رايح جاي مع جولة في البلد بردو بتانك إلا ربع، بشرط ماكونش ماشي على سرعات عالية أوي لزيادة الإستهلاك مع سرعات فوق الـ 120 كم/س.
- إستجابة الفرامل كويسة جداً رغم عدم وجود abs وما إلى ذلك.
- المرايات كحجم وتوجيه ممتازة في إنك تقدر تظبطها بكل الأوضاع إللي هتحتاجها وتديلك الرؤية المطلوبة بأي شكل إنت عايزه، وحجمها كويس لرؤية كويسة جداً
- مساحة الشنطة الخلفية كويسة جداً ومناسبة للسفريات العائلية.
- شاشة البيانات بتوضحلك أي مشكلة تحصل لا قدر الله في العربية مع توضيح كود للمشكلة فوراً.
- كمبيوتر رحلات بيحتوي على كيلومتراج، متوسط سرعة، متوسط إستهلاك بنزين، إستهلاك بنزين لحظي، المسافة المتبقية حتى فراغ التانك.
- تحكم في السنترلوك والإنذار، عن طريق التحكم الشخصي للسائق، مثل: فتح الأبواب كلها مع التوقف أو فتح باب السائق فقط أو عدم فتح أي باب.
- السنترلوك بيقفل أوتوماتيك مع سرعة 15 كم/س مباشرة.
- لو نسيت الأنوار وإنت طالع البيت، العربية بتفصل كل الأنوار لتأمين البطارية بعد دقيقتين.
- فيه إمكانية تشغيل النور العالي اوتوماتيك قبل قفل السنترلوك عشان ينور الطريق لو انت طالع البيت والدنيا ضلمة وبيفصل بعد 30 ثانية.
- العفشة من وجهة نظري كويسة جداً جداً والعربية ناعمة ومريحة ومش متعبة نهائي
- قطع الغيار مش رخيصة، ودي من عيوب العربية من وجهة نظري.

الخلاصة:
العربية ممتازة ما شاء الله ولكن ماينفعش الموتور يتقارن بالإلنترا أو السيراتو (دا عشان معظم أو كل الناس بتقارن العربية من الأساس بالإلنترا والسيراتو)، أما فعلياً فالعربية دي مش من فئتهم خالص، مع إحترامي وحبي للعربيتين، العربية دي مقارنتها فعلياً وعالمياً مع الكورولا أو الفانتازيا.
هتبقى راكب ركوبة جميلة وشيك وفخمة وقوية

أعتذر للإطالة وأعتذر لأن معظم التقرير كان كلام بالعامية لسهولة توصيل المعلومة.

أخوكم م. إيهاب الشرقاوي

[drcobra]

المواضيع المثبتة مليانة تقارير عن الكروز كتيرة اوي، ومهما اتكلمنا مش هنقول زي ما الاخوة الافاضل تفضلوا وقالوا، ويمكن الرجوع للمشاركات المثبتة وهتلاقوا فيها فايدة كويسة، أنا هحاول أعمل تقرير خاص بيا كمالك ومستخدم للعربية دي، ولكن بمنتهى البساطة.

التقرير الشخصي ليا كمالك كروز بقالي حوالي 4 سنين، معايا موديل 2011
- فخامة وقوة في الشكل الخارجي، بيعبر عن كدة أشكال الفوانيس والمقدمة الشرسة والضخمة.
- شياكة وفخامة رائعة من الداخل مع ملائمة أنوار التابلوه للعين وهدوءها الرائع إللي بيدي شياكة حلوة أوي للوحة العدادات والكونسول الأوسط.
- عزل الصوت سواء الخارجي أو صوت الموتور رائع جداً جداً وهتبقى قاعد في العربية في منتهى الهدوء والراحة، بغض النظر عن إن صوت الموتور هادي جداً من الأساس.
- العربية واسعة جداً من جوة خصوصا للراكب الامامي والسائق، وأيضاً من الخلف بس بشرط ماترجعش الكرسي كله لورا، عشان مشوار الكراسي الامامية طويل فبيدي إيحاء بضيق المساحة الخلفية.
- ثبات العربية مع السرعات ممتاز جداً وبيخليك سايق وإنت حاسس بأمان مع أي سرعة، ممكن توصل لـ 160 كم/س ومش هتعرف من غير ما تبص للعداد، في بعض الطرق بمشي على 200 كم/س والعربية متماسكة وثابتة جداً ما شاء الله، مقاس الكاوتش 205/65/15 ودا مقاس معقول ومش بيخلي الاحساس بالمطبات واضح.
- تسارع العربية من الثبات وبدء تحركها مش سريع، يعني لا يقارن بالهيونداي والكيا ومثيلاتهم، الطلعة بتاعت العربية تشبه الأوكتافيا والجيتا، بعد الغيار التالت للفتيس هتلاقي التسارع مختلف عن البداية والإستجابة أسرع.
- الفتيس 6 نقلات ودا هيديك نعومة في الغيارات جميلة جداً ومع وجود الستيبترونيك هتقدر تتعامل مانوال وقت ما تحب وخصوصا في الطرق المزدوجة عشان تقدر تتخطى بسهولة، والعربية هتساعدك على القيادة الرياضية بالشكل دا وهتستجيب استجابة ممتازة.
- استهلاك البنزين جيد جداً من وجهة نظري وبالمقارنة بسيارات كتير، متوسط الإستهلاك على مختلف الطرق (سفر او داخلي) 250 - 260 كم/ صفيحة، مع مراعاة إن الإستهلاك بيزيد طبعاً مع السرعات العالية، فوق الـ 110 و 120 كم/س مثلاً (عشان فيه ناس مش بتاخد بالها من كدة)
- هتقعد فيها وإنت سايق مرتاح ومش مجهد وحابب السواقة وإنت جواها وقاعد في منتهى الراحة والإسترخاء.
- الإرتفاع عن الأرض ممتاز جداً، ومش بتحك في مطب إلا لو محملة أوي وأنا ماهتمتش بإني أخد المطب بهدوء كويس، شخصياً ممكن أتحرك أو أسافر ومعايا المدام وبنت وولد صغير وشنط سفر وماتحكش نهائي في أي مطب وبدون عبور المطب بميل.
- غيار زيت الموتور 3.5 لتر بدون فلتر و4 لتر لو هتغير الفلتر.
- تانك البنزين سعة 60 لتر، ودي سعة ممتازة لطرق السفر الطويلة، القاهرة - الغردقة بتانك إلا ربع، إسكندرية رايح جاي مع جولة في البلد بردو بتانك إلا ربع، بشرط ماكونش ماشي على سرعات عالية أوي لزيادة الإستهلاك مع سرعات فوق الـ 120 كم/س.
- إستجابة الفرامل كويسة جداً رغم عدم وجود abs وما إلى ذلك.
- المرايات كحجم وتوجيه ممتازة في إنك تقدر تظبطها بكل الأوضاع إللي هتحتاجها وتديلك الرؤية المطلوبة بأي شكل إنت عايزه، وحجمها كويس لرؤية كويسة جداً
- مساحة الشنطة الخلفية كويسة جداً ومناسبة للسفريات العائلية.
- شاشة البيانات بتوضحلك أي مشكلة تحصل لا قدر الله في العربية مع توضيح كود للمشكلة فوراً.
- كمبيوتر رحلات بيحتوي على كيلومتراج، متوسط سرعة، متوسط إستهلاك بنزين، إستهلاك بنزين لحظي، المسافة المتبقية حتى فراغ التانك.
- تحكم في السنترلوك والإنذار، عن طريق التحكم الشخصي للسائق، مثل: فتح الأبواب كلها مع التوقف أو فتح باب السائق فقط أو عدم فتح أي باب.
- السنترلوك بيقفل أوتوماتيك مع سرعة 15 كم/س مباشرة.
- لو نسيت الأنوار وإنت طالع البيت، العربية بتفصل كل الأنوار لتأمين البطارية بعد دقيقتين.
- فيه إمكانية تشغيل النور العالي اوتوماتيك قبل قفل السنترلوك عشان ينور الطريق لو انت طالع البيت والدنيا ضلمة وبيفصل بعد 30 ثانية.
- العفشة من وجهة نظري كويسة جداً جداً والعربية ناعمة ومريحة ومش متعبة نهائي
- قطع الغيار مش رخيصة، ودي من عيوب العربية من وجهة نظري.

الخلاصة:
العربية ممتازة ما شاء الله ولكن ماينفعش الموتور يتقارن بالإلنترا أو السيراتو (دا عشان معظم أو كل الناس بتقارن العربية من الأساس بالإلنترا والسيراتو)، أما فعلياً فالعربية دي مش من فئتهم خالص، مع إحترامي وحبي للعربيتين، العربية دي مقارنتها فعلياً وعالمياً مع الكورولا أو الفانتازيا.
هتبقى راكب ركوبة جميلة وشيك وفخمة وقوية

أعتذر للإطالة وأعتذر لأن معظم التقرير كان كلام بالعامية لسهولة توصيل المعلومة.

أخوكم م. إيهاب الشرقاوي

تقرير رائع شكرا جزيلا

محتاجين تقرير من ملاك 2015 عن التحديثات الجديدة
واهم حاجة الفتيس والموتور الجديد

[ashouhdy]

كل ما تتمناة عن الكروز في المواضيع المثبتة في اول القسم

الكروز 2013 2014 2015 اعلى في الارتفاع من ما قبلها بحوالى 3 سنتي فرق يايات (سوست)

الموديلات الجديدة بتاخد كميات زيوت اكبر من القديمة في الموتور واقل في الفتيس

اقرا المواضيع المثبتة بعدين لما تقف حاجة قدامك اسأل واحنا موجدين في الخدمة

[drcobra]

كل ما تتمناة عن الكروز في المواضيع المثبتة في اول القسم

الكروز 2013 2014 2015 اعلى في الارتفاع من ما قبلها بحوالى 3 سنتي فرق يايات (سوست)

الموديلات الجديدة بتاخد كميات زيوت اكبر من القديمة في الموتور واقل في الفتيس

اقرا المواضيع المثبتة بعدين لما تقف حاجة قدامك اسأل واحنا موجدين في الخدمة

الف شكر

اخر حاجة الكنبة الخلفية اخبار وسعها اية؟
شكرا مقدما