العربيه اتخبطت وهيا واقفه + صور بعد التصليح

[J A G U A R]

كنت راكن العربيه على جنب فى امان الله طلعت لقيتها واخده خبطه فى الرفرف الخلفى شمال والرفرف متطبق والفانوس مكسور جزء من الجنب وطبعا الواحد دمه بيتحرق لما يشوف منظر زى ده واللى يوجع اكتر لما اللى يخبطك يمشى ومتبقاش عارف مين هو .. مع ان لو جه واتأسف ممكن الواحد يعفو عنه ويكون راضى والحمد لله ومفيش حاجه حصلت .. المهم فتحت الشنطه وفكيت جزء من الفرش ورديت الرفرف ب ايدى على قد ما قدرت لغايه ما روحت لسمكرى محترم ردها على البارد وحط كمباوند وخفف الخدش شويه وخد 70 جنيه فى 10 دقايق تصليح .. والفانوس طبعا كنت مغيره ف التوكيل كان ب 450 واستخسرت اجيب واحد استيراد واركن ده .. المهم لقيت افضل حل اجيب نيكل للفانوسين وركبتهم وعملو منظر كويس وأحسن من الاول وسعرهم 70 برضه .. وقولت بالمره اجيب سبويلر علشان كان نفسى فيه ب 260 جنيه وتركيبه 30 جنيه ومش عارف على ايه ال 30 جنيه دول .. ولسه هايترش لون العربيه مع ان شكله لايق مع الفيرانى لون العربيه .... والصور اهه ومعلش مخدتش راحتى ف التصوير علشان الجراج ضيق شويه

الرفرف بعد التصليح

السبويلر بعد التركيب ولسه هايترش

[م/أحمد عبد الفتاح]

الحمدلله إنها جت على قد كده- قدر الله وماشاء فعل- وربنا يباركلك فيها ويحفظك ويحفظها ويكفيك شرها وشر العين

[monamize4]

فداك ياباشا و مبروك السبويلر :)

[J A G U A R]

الحمدلله إنها جت على قد كده- قدر الله وماشاء فعل- وربنا يباركلك فيها ويحفظك ويحفظها ويكفيك شرها وشر العين

تسلم يا بشمهندس .. الحمد لله على كل حال وربنا يحفظنا ويحفظ الجميع

فداك ياباشا و مبروك السبويلر :)

ربنا يبارك فيك يا باشا :)

[omaranes77]

فداك يا باشا
المهم الابترا تكون بخير
و مبرةك الاسبويلر

[hossam_elwani]

لعله خير ... انت فى مصر

[J A G U A R]

فداك يا باشا
المهم الابترا تكون بخير
و مبرةك الاسبويلر

حبيبي عمر
ربنا يبارك فيك

لعله خير ... انت فى مصر

عندك حق
الحمد لله

[Omar Sarray]

المهم انك بخير وبعد كده خليها فى جراج او خليها فى مكان تركنها كويس مش صف تانى يعنى عشان تقدر تشوفها بين كل فتره وربك المسهل الحال

[J A G U A R]

المهم انك بخير وبعد كده خليها فى جراج او خليها فى مكان تركنها كويس مش صف تانى يعنى عشان تقدر تشوفها بين كل فتره وربك المسهل الحال

والله يا باشا راكن صف اول وركنه محترمه
بس هو نصيب بقى
الحمد لله

[Omar Sarray]

الحمدلله على كل شى المهم انت بخير والاسره الكريمه بخير ومش مهم العربيه العربيه حديد ويتصلح ويتعوض بس غلاوه روح الانسان ميتعوضش مش كده وله ايه

[J A G U A R]

الحمدلله على كل شى المهم انت بخير والاسره الكريمه بخير ومش مهم العربيه العربيه حديد ويتصلح ويتعوض بس غلاوه روح الانسان ميتعوضش مش كده وله ايه

اكيد يا باشا طبعا
ربنا يسترها مع الجميع