شيفروليه شبارك 2015

[tito2020]

السلام عليكم

الرجاء من الاعضاء افادتي وايه رايكم فى شيفروليه سبارك وهسهل الموضوع عليكم
العربيه للمدام معاها حاليا ماروتى والصيف داخل مشكلتها الوحيده فى التكييف
بفكر اجدد وبدام هجدد يبقي يهمنى الشكل برضه فكرت فى الالتوا حسيت انى معملتش حاجه غير التكييف
ممكن تفيدونى فى السبارك ولا السيلاريو ولا ليكم راى تاني بس زيرو مش مستعمل اسف للاطاله

[ahmed.zahra]

سبارك الجديدة شكلها جميل بصراحة و ممكن تبص على البيكانتو و الهيونداي i10

[Abo_Mazen]

بلالالالالالالالالالالالالالالالالالالالالالالالال الالالالالالالالالاش ال i10 ..قريت هنا كام مشاركه مرتين تقريبا لناس مش لاقيين حاجاتها في التوكيل ..مش هقولك في السوق ..لأ ..في التوكيل ..وحاجتها في السوق ناااااااااااااااااااااااااااااااااااااااااار نار ..ريداتير ب 1200 جنيه ..فانوس ب 800 جنيه ..إكصدام من غير شبكة ب 600 جنيه ..أحيه أحيه ..بلاش الــ i10....لو جينا نقارن ما بين البيكانتو والسبارك ..فرق السعر لصالح السبارك ..وفرق سعر مش قليل ..ده ممكن يوصل لعشرين الف تقريبا يقلوا شوية ..السبارك عربيه قديمه في السوق ...وقطع غيارها موجوده سوق وتوكيل ..وخصوصا السبارك لايت ..اللي هو الشكل ا لقديم ..خصوصا إن منصور صرف نظر عن الشكل الجديد اللي هو كان نازل في 2012..ونزلها تاني بالشكل القديم ....خليك في السبارك يبقى على الأقل معاك تكييف وباور

[tito2020]

بس انا كلمت التوكيل وقالوا مفيش أخبار عن اسبارك 2015 ده خلاني قلقان وخصوصا العربيه مش منتشرة قوي

[Abo_Mazen]

بس انا كلمت التوكيل وقالوا مفيش أخبار عن اسبارك 2015 ده خلاني قلقان وخصوصا العربيه مش منتشرة قوي

ياباشا إزاي بس العربيه مش منتشره قوي ..هي موجوده في الشارع زيها زي الــ i10 ...عادي جدا ..وجدا لو موجوده 2014 في التوكيل هاتها ..بقول لحضرتك حاجتها موجوده توكيل وسوق ..يعني مش هتعاني أصلا في حاجتها ..وبعدين لو حبيت تطلع درجه لفوق أقرب حاجه ليك البيكانتو ..ده طبعا مع الوضع في الإعتبار إن الصيني خارج أي حسابات