بوابة وحساسات الاوبترا

[elkoumyelkoumy]

السلام عليكم اعضاء نايل موتورز
اتمني المساعدة من ذري الخبرة
بوابة الاوبترا عاوزة تتنضف بسبب رعشه ف لمبة الزيت من حين لاخر ع السرعات الهاديه
وبحث بتقل ف دواسه البنزين وان العربيه مكتومه من وقت للتاني وان كان دا اتحسن كتير بعد ما حطيت منظف دورة بنزين stp الفضي ب 90جنيه وفرق معايا ف السحب جدااااااا
اتمني ترشحولي ميكانيكي او كهربائي اروحله ف اي مكان انضف البوابه والحساسات.. ويا ريت حد يساعدني ف اسم الاسبراي المخصص للبوابة الكهربا والاسبراي الخاص بالحساسات ولكم جزيل الشكر
ياريت لو حد يقدر يساعدني يكتب ف المنتدي عشان الكل يستفيد . ودا رقمي بردك لو حابب يتصل ف اي وقت... وشكرا مقدما للجميع

[elkoumyelkoumy]

نسيت اكتب رقمي 01007872238

[elkoumyelkoumy]

يا جماعة الخير ارجو المساعدة

[abou-yahia]

http://www.nilemotors.net/Nile/287642-speed-service-center-enghany.html

[elkoumyelkoumy]

متشكر جدا ابو يحيي.. بعد الصيانه هكتب تجزبتي مع المركز

[elkoumyelkoumy]

الحمد لله تم تنظيف البوابه عند ميكانيكي ف الغربيه
قالي هات بخاخ من دا.. قريت اللي مكتوب لقيته منظف كربراتير مش انجكشن رفضت وقولتله للميكانيكي لازم منظف انجكشن رحت محل تاني واشتريته ب 35جنيه. هرفع صورته ان شاء الله
قريت اللي مكتوب.. مكتوب منظف بوابه ومكتوب انجكشن ومكتوب تعليمات الاستخدام والبوابه راكبه والعربيه شغاله.. الخطوات واضحة والنيكانيكي عمل كدا لوحده
قالي شغل العربيه وانا حاطت ايدي ع قلبي
رش بالبخاخ وبدا السواد ينزل زود البخ العربيه بطلت. قالي شغل تاني شغلت وهو بيحرك بكره اللي بتعلي الموتور فالبوابه تفتح فيرش رش خفيييف... تاني بقول رش خفيييف يا شباب.. ميسفش.. ميرشش كتير عشان العربيه متبرجلش وبعدين طلب مني منديل. جبتله من العربيه العلبه بدا ينشف ويمسح كويس وقفل ت كدا ف تحسن ف الصوت والسحب.. انا مكنش عندي مشكله كبيرة ف البوابه بس هي كانت بترعش مني وانا بركن عاوزة تفصل عملتها كام مرة. دي مش مشككله كبيرة بس كان نفسي انضف البوابه والحمد لله الموضوع طلع سهل الفضل اولا واخيرا لله.
تاني الملخص بسرعه
نضف والبوابه راكبه
منظف انجكشن وهرفعلكوا صورته
اهم حاجه ميرشش كتير.. يرش خفيف ويمسح خفيف ويمسح.
ان شاء الله ميكنش ف اي خساير