مشكلة لمبة افيو (!)(p)

[ronozoro]

السلام عليكم ... انا معايا افيو 2009 ..جميع الكماليات مانيول

وانا راجع النهارده من الشغل لقيت لمبه ولعت احمر كدا ف التبلون اول مره تولع شكلها كدا

(P)(!)

تحت عداد السرعه ... يا ريت مساعدة ... علشان خايف امشى عليها وهييا كدا

[shake]

اللى على الشمال حزام الامان اليمين مش واضحة الكاميرا مش حلوة

[shake]

الهاند بريك يا باشا

[ronozoro]

الهاند بريك يا باشا

طيب ودى معناها ايه برده ؟ فيه مشكله ف الزيت بتاع الفرامل ولا ايه بالظبط ؟ ؟
ع ف انا اقصد الى هيا كدا (p)(!)

[shake]

الهاند بريك اللى هى فرامل اليد

[ronozoro]

الهاند بريك اللى هى فرامل اليد

تمام .. بس فرامل اليد مش مرفوعه وانا ماشى !.. دى منوره علطول .. سواء انا رافعها او لاء !

[shake]

مش عارف الصراحة بس العلامة اللى انت قصدك عليها هى فرامل اليد

[graffittiii]

العلامة مش باينه أوي ... بس لو هي علامة الهاند بريك .


يبقي زيت الباكم ناقص .. خلي حد يبصلك عليه .. الموضوع بسيط .

ملحوظه : في وجهة نظر بتقول أن لو تيل الفرامل قرب يخلص مستوي الزيت بيبان إنه قل شويه بس ده بيكون مقياس وهمي لانك لو ركبت تيل جديد هيرجع مستوي الزيت للمستوي الطبيعي .

وجهة النظر التانية دي أنا مش مقتنع بيها بس حبيت أقولك اللي سمعته بس مش عارف بصراحة المعلومة دي صحيحة ولا لأ .

[ronozoro]

العلامة مش باينه أوي ... بس لو هي علامة الهاند بريك .


يبقي زيت الباكم ناقص .. خلي حد يبصلك عليه .. الموضوع بسيط .

ملحوظه : في وجهة نظر بتقول أن لو تيل الفرامل قرب يخلص مستوي الزيت بيبان إنه قل شويه بس ده بيكون مقياس وهمي لانك لو ركبت تيل جديد هيرجع مستوي الزيت للمستوي الطبيعي .

وجهة النظر التانية دي أنا مش مقتنع بيها بس حبيت أقولك اللي سمعته بس مش عارف بصراحة المعلومة دي صحيحة ولا لأ .

وفيه برده علامه (p) كدا يا باشا جنبها .. دى بتاع ايه ؟

[Abo_Mazen]

بص ..هي القصة دي كلها سواء اللمبة اللي على اليمين اللي علامة التعجب ..أو اللمبة اللي على الشمال اللي هي حرف ال p..الموضوع ليه علاقة بالفرامل وزيت الفرامل ..شيك على زيت الفرامل عندك وشيك على التيل لإنه ممكن يكون قرب يخلص فالزيت نزل وشيك على صباع النور بتاع الهاند بريك ..

[ronozoro]

متشكر جدا ليكوا يا شباب :) :) .. زيت الباكم كان ناقص وزودته .. وكمان زيت الفتيس .. خد كيلو ونص