تركيب abs للاوبترا

[eng_amg]

هل ينفع اركب abs للاوبترا المواصفات المصري؟
لو ينفع منين وهل لازم اغير الضفيرة والكنترول؟
والتكلفة في حدود اد ايه؟
وشكرا..

[shake]

متابع

[hesham fawzy h]

متابع

[J A G U A R]

سمعت من ميكانيكى ان التكلفه ف حدود 3000

[mohamed_mohsen]

مش عارف
بس في رأيي إن الموضوع كبيرعلي صنايعية مصر
ده غير صيانة سيستيم زي كده
لو عربية تانية كنت هقولك بيعها و اشتري واحده فيها abs
بس للأسف اللي فيها abs قليلة في الأوبترا وقديمة فهتلاقي حالتها أي كلام غالباً.

[eng_amg]

سمعت من ميكانيكى ان التكلفه ف حدود 3000

طيب هوا بيغير الكنترول والضفيرة ولا بيبرمج الكنترول بتاعها؟

[eng_amg]

مش عارف
بس في رأيي إن الموضوع كبيرعلي صنايعية مصر
ده غير صيانة سيستيم زي كده
لو عربية تانية كنت هقولك بيعها و اشتري واحده فيها abs
بس للأسف اللي فيها abs قليلة في الأوبترا وقديمة فهتلاقي حالتها أي كلام غالباً.

بس ال abs غالبا لا يحتاج صيانة.. مشوفتش حد حصل عنده عطل في abs.
وبالنسبة للتركيب اعتقد حيبقى بدون تعديل لانه حبجيبه استيراد من عربية لاستي ويركب بالمسمار. والله اعلم.

[mohamed_mohsen]

بس ال abs غالبا لا يحتاج صيانة.. مشوفتش حد حصل عنده عطل في abs.

عشان معظم العربيات اللي متركب فيها abs في مصر بتبقي نازلة استوك مش متركب فأكيد النظام نفسه مابيبوظش بسهولة.

وبالنسبة للتركيب اعتقد حيبقى بدون تعديل لانه حبجيبه استيراد من عربية لاستي ويركب بالمسمار. والله اعلم.

المشكلة مش مشكلة تركيب مسمار وخلاص
ده ECU ووحدة الABS الهيدروليك نفسها وسنسور الABS في الأربع الأجناب بتوع العربية
ومش عارف كمان هتغير خطوط الزيت (اللي بتوصل زيت الباكم) اللي واصلة للأربع عجلات وبس وإلا لا

كل ده ممكن يتوصل غلط أو بمشكلة (في الفرامل)
خد في الإعتبار كمان إنك نظريا هتجيب قطع الغيار كلها إستيراد ومستعملة ومش هتبقي ضامن حالتها عاملة إزاي (ككفائة تشغيل مش شكل القطع نفسها)
عشان كده رأيي إن الموضوع hassle مالوش لازمه
بيع الأوبترا وإشتري واحده فيها ABS
أو دور علي ماركة تانيه يبقي نازل فيها ABS
وده رأيي

تقبل تحياتي

[J A G U A R]

طيب هوا بيغير الكنترول والضفيرة ولا بيبرمج الكنترول بتاعها؟

معنديش فكره والله

بس هيا فعلا ملهاش لازمه وهاتبقى تجربه مش مضمونه وتغيير العربيه هايبقى اسهل واحسن

[soltanfriend]

حاولت قبلك فى الالنترا وهايتم تغيير كارتة الكمبيوتر والضفيرة وال4 قطمات فى العفشة وحاجات تانية
وكلام المهندس قالى خارج التوكيل الكلام دا ممكن يخش فى حوالى 20 الف جنيه :(

[eng_amg]

حاولت قبلك فى الالنترا وهايتم تغيير كارتة الكمبيوتر والضفيرة وال4 قطمات فى العفشة وحاجات تانية
وكلام المهندس قالى خارج التوكيل الكلام دا ممكن يخش فى حوالى 20 الف جنيه :(

خارج التوكيل 20000 جنيه؟؟؟
غريبة جدا..
الحاجات دي استيراد متكملش 5000 جنيه بالمصتعيات.

[abou-yahia]

اعتيره من 5 المستحيلات

دور علي موديل 2009 نازل اصلي بيه

وعلي فكره مش حيفرق في قوه الفرمله

[drmagieed]

علي ما أعتقد في ضوء خبرتي البسيطة الموضوع ملوش علاقةُ بال ecu لأن الأوامر إللي بتروح للسنسورز بتروح من EBCM إللي هي Electronic Brake Control Moduel ودي علي سبيل المثال الويرنج بتاع أفيو 2009 أمريكي:

[AlphaCharlie]

اعتيره من 5 المستحيلات

دور علي موديل 2009 نازل اصلي بيه

وعلي فكره مش حيفرق في قوه الفرمله

مش فاهم ليه؟ مع ان نفس الشيب بينزل abs