شيفروليه كابرس 81

[lion7777]

ممكن اعرف عفشجى كويس فى الهرم او فيصل بيشتغل فى كابرس وياريت كمان ميكانيكى و شكرا

[samyyousef]

اتابع معك، و يا ترى ايه اخبار العربية دية

[lion7777]

عفشجى محترم للامريكانى فى الهرم

بعد بحث طويل عن عفشجى للامريكانى شيفروليه كابرس كلاسيك لقيت واحد محترم جدا فى شارع زغلول اسمه شعبان والناس كلها بتشكر فيه وفعلا هو عنده اسطوات كويسين جدا و كمان رخيص

[lion7777]

كابرس 81 عربيه محترمه جدا جدا جدا

العربيه فعلا كويسه و بتستحمل
انا لما حبيت اشترى وضعت مبلغ 30 الف و دورت على اعلى مواصفات ( شاسيه صلب - اتوماتيك و باور - زجاج كهرباء - صاج محترم و جامد جدا - عربيه واسعه جدا جدا - ...................) صعب تلاقى كل ده بالسعر ده
انا شوفت سوزوكى ماروتى (لعبه الاطفال )بتتباع 33 الف فى سوق السيارات - بصراحه العربيه محترمه وكمان قطع الغيار متوفره جدا على عكس الشائعات وسعرها مناسب جدا

[lion7777]

كابرس 81 عربيه محترمه جدا جدا جدا

بلاش قطع غيار من فوزى الخواجه فى الهرم خالص - هو عباره عن ...... دائما بيبيع بضعف الثمن

[lion7777]

كابرس الاسطوره

[بعد طول استخدام شاق للسياره كابرس كلاسيك اود ان انوه للاتى :
السياره قويه وثابته جدا فى الطرق المصريه الغريبه - كنت فعلا خايف من قطع الغيار لكن ولله الحمد القطع متوفره جدا جدا جديد واستيراد فى الهرم وفيصل و التوفيقيه و المريوطيه - فعلا الامريكى امريكى

[waleed alsudy]

انا قدامي شيفروليه بليزر 81 العرابيه عجباني علشان عاليه وانا من هواه العربيات دي بس عايز اعرف نظامها ايه
هيا مكنه 3200 جاز لسه صاحبها مسقطها عايز اعرف قطع غيار العرابيه دي ايه
وسحب الجاز من ناحيه الاداء والاستهلاك ايه
وهيا مش مكيفه فهل ينفع يركبها تكييف

[ahmed_eng2001]

ربنا يباركلك فى العربية .... اخبار استهلاك البنزين ايه ؟ الموتور ال 350 ؟ اخبار الفتيس ايه ؟

[lion7777]

كابرس والبنزين

استهلاك العربيه من وجهه نظرى معقول جداجدا يعنى الصفيحه تعمل حوالى 100 كم وعلى الطرق السريعه اكثر من كده -- فى ناس فاكره ان الموتور 5700 يعنى يستهلك زى العربيه 2000 سى سى حوالى 3 مرات
غلط جدا جدا العربيات دي لها قدره على التسارع و العزم شديده علشان 8 سلندر لكن البنزين استهلاك عادى جدا و انا شايف امام القوه والثبات مش مشكله شويه بنزين زياده شويه - الفتيس ممتاز 700 -
وعلى فكره انا جربت قياده حاجات كثيره اتوماتيك لكن الامريكى ثم الالمانى ثم اليابانى و دى حاجه حسب وجهه النظر و رجل اللى سايق العربيه

[ahmed_eng2001]

استهلاك العربيه من وجهه نظرى معقول جداجدا يعنى الصفيحه تعمل حوالى 100 كم وعلى الطرق السريعه اكثر من كده -- فى ناس فاكره ان الموتور 5700 يعنى يستهلك زى العربيه 2000 سى سى حوالى 3 مرات
غلط جدا جدا العربيات دي لها قدره على التسارع و العزم شديده علشان 8 سلندر لكن البنزين استهلاك عادى جدا و انا شايف امام القوه والثبات مش مشكله شويه بنزين زياده شويه - الفتيس ممتاز 700 -
وعلى فكره انا جربت قياده حاجات كثيره اتوماتيك لكن الامريكى ثم الالمانى ثم اليابانى و دى حاجه حسب وجهه النظر و رجل اللى سايق العربيه

لو حضرتك ذكرت الاستهلاك ده امام اغلب مالكى السيارات ... حيتهموك باللاسراف و البذخ :)

و بالفعل الاستهلاك مش 3 اضعاف المحرك 2000 سى سى ... بس استهلاك عالى مقارنة بعربيات الركوب العادية .... و مش حجيب سيرة الماروتى خالص :)

البليزر معايا بتعمل تقريبا 90 كيلو فى الصفيحة .. و ساعات كتير اقل

و على ما اعتقد .... ان الموتور الى عندك هو الى راكب فى البليزر ... و هو الى راكب فى كل عربيات جى ام ال 8 سلندر فى سنوات الانتاج دى و ده ال 350 او ال 305

و نقلا عن صديق ... الفتيس ال 700 اعطاله كتير فى عربيات الدفع الرباعى ... بالرغم من انه اقوى من ال 400 ... و لكن ال 400 بيستحمل عنه .. انا عندى الفتيس ال 3 سرعات المانيوال

ربنا يباركلك فى العربية