الكروز جابت فتيس ومحتاج حل دلوقتي

[mohamedsaber2]

السلام عليكم

انا طلعت بعد العصر عالصحراوي بتاع اسكندريه، الفتيس فصل.
بطلت العربيه وبصيت علا الموتور لقيته متغرق كله زيت من الجنب.
جبت ونش وطلعت علا ورشه فالرست قالي هات 4 علب زيت نشوف التسريب منين. جبتهم ب80 جنيه.

قالي مش عارف، العربيه دي كده جابت فتيس وعاوز 50 جنيه والونش اخد 200 جنيه والونش اللي هيوديني مصر عاوز 700 جنيه.

انا هقطرها واوديها المقطم اركنها عند البيت، ياريت لو حد يقدر يفيدني اكون شاكر جدا ليه.

انا قرفت من العربيه دي بجد والواحد زهق من العيشه فبلد ......... دي.

كلمت الونش وجايلي فالطريق قام وقفلي ونش تاني وفضل لحد ما اللي انا كلمته جه، بقول للونش اللي مستنيه شيل العربيه يقولي معلش مش هينفع اجي علا ونش واقف قبلي ده عرف بينا.؟

ده عرف بينا

ده ................ بينا

[ahmedsrs]

السلام عليكم

انا طلعت بعد العصر عالصحراوي بتاع اسكندريه، الفتيس فصل.
بطلت العربيه وبصيت علا الموتور لقيته متغرق كله زيت من الجنب.
جبت ونش وطلعت علا ورشه فالرست قالي هات 4 علب زيت نشوف التسريب منين. جبتهم ب80 جنيه.

قالي مش عارف، العربيه دي كده جابت فتيس وعاوز 50 جنيه والونش اخد 200 جنيه والونش اللي هيوديني مصر عاوز 700 جنيه.

انا هقطرها واوديها المقطم اركنها عند البيت، ياريت لو حد يقدر يفيدني اكون شاكر جدا ليه.

انا قرفت من العربيه دي بجد والواحد زهق من العيشه فبلد التعريص دي.

كلمت الونش وجايلي فالطريق قام وقفلي ونش تاني وفضل لحد ما اللي انا كلمته جه، بقول للونش اللي مستنيه شيل العربيه يقولي معلش مش هينفع اجي علا ونش واقف قبلي ده عرف بينا.؟

ده عرف بينا

ده ................ بينا

حضرتك مقلتش العربية موديل كام بتعمل الصيانات فىين وبعدين ايه علاقة القرف من العيشة وبلد ........ بتلف الفتيس

[mohamedsaber2]

العربيه 2013 ومبعملش صيانات فالتوكيل

الفتيس ملهوش اي علاقه بالقرف من البلد، انا جزئية البلد اقصد بيها المعامله واكيد حضرتك داري بمعاملة البشر هنا وعايش معانا فالبلد.

انا بقالي ساعتين عالقهوه مستني الونش يتكرم ويجيلي.
بالبلد اقصد الناس الي زمتها زي الفل وزي البفته البيضا وبتراعي ربنا في اكل عيشها.

انا بعد ما حاسبت الميكانيكي 130 جنيه عشان بس يعرفني ان الفتيس بايظ
قفل الورشه ومشي وببص عالموتور لقيته سايب الطبه بتاعت زيت الفتيس مفتوحه وقعدت اركب فيها 10 دقايق وايدي اتحرقت من الموتور.

تحب احكيلك تاني عن البلد ولا كفايه، انا قاعد عالقهوه مستني الونش وموراييش حاجه

[volociximab]

و عليكم السلام

اهدى يا عمنا الحمد لله على كل حال انت لا عملت حادثه ده كله حديد و ان شاء الله تلاقي حل
بس اهدى غضبك مش هيحل حاجة

[AlphaCharlie]

قدر الله ماشاء فعل.
معلش الحمد لله جت بعيد عن الصحة والاهل.

[volociximab]

انا شاكك اصلا ان الميكانيكي عارف جابت فتيس و لا لا

[mohamedsaber2]

موجوع يا باشا، 1250 جنيه فلحظات عالهوا بدون اي لازمه

ربنا سترها.

المشكله لما هروح التوكيل الزفت هيظبطني ف15 ولا 20 الف.

وانا لسه مطلعها من كم شهر ودافعلها فوق 50000 جنيه ده غير الست شهور اللي بدفعلهم قسط شهري 3000 جنيه

يعني العربيهقعدت معايا سنتين، ركبتها سنة وكم شهر بس وبرضه بدفع

الحمد لله

[mohamedsaber2]

ربنا يخليكم كلكم علا زؤكم واهتمامكم.
انا بس كنت عاوز حد يعرفني سكه غير التوكيل عشان العمليع عالاقد.

[mohamedsaber2]

السلام عليكم يا شباب

انا دلوقتي لفيت الحرفيين

والخيارات قدامي كالتالي

عمرة فتيس من 7000 الى 10000 جنيه
فتيس استعمال من غير تركيب وهياخد اللي عندي 15000
موتور 1800 سي سي كامل بالكبالن وهياخد اللي عندي 18000 والمصنعيه 2000

في ناس حذرتني من موضوع الموتور بالفتيس لانه هيظبط كهرباء العربيه كلها بالضفيره وبيقولولي مفيش حد هيعرف يعملها ولا حتى التوكل، الكلام ده صح ولا ايه.

وياريت تشوروا عليه اعمل ايه

مستنيكم

[Sherif Khalifa]

الفتيس تمنه فى التوكيل 14 الف علي حسب كلام زاحد كان لسه هناك من كام يوم
فى مركز فى العامريه اسكندريه اسمه عصفور متخصص فى فتيس الكروز تحديدا
ممكن تكلمه و تستشيره او تبعتاه العربيه

https://www.facebook.com/asfourauto?fref=ts

Asfour Car Clinic

ممكن اعرف التوكيل قلك ايه ؟؟

[mohamedsaber2]

الفتيس تمنه فى التوكيل 14 الف علي حسب كلام زاحد كان لسه هناك من كام يوم
فى مركز فى العامريه اسكندريه اسمه عصفور متخصص فى فتيس الكروز تحديدا
ممكن تكلمه و تستشيره او تبعتاه العربيه

https://www.facebook.com/asfourauto?fref=ts

asfour car clinic

ممكن اعرف التوكيل قلك ايه ؟؟

التوكيل قالي هتعمل عمره فحدود 10000
وفيها كنترول وكلاتشات

[wdz81]

هو مش 2013 ديه يعنى لسة فى الضمان ؟؟
انا معايا كروز 2010 و حصلى مشكلة فى الكنترول الى تمنه 12000 بس عشان الضمان دفعت 1500.

[mohamedsaber2]

هو مش 2013 ديه يعنى لسة فى الضمان ؟؟
انا معايا كروز 2010 و حصلى مشكلة فى الكنترول الى تمنه 12000 بس عشان الضمان دفعت 1500.

السياره خارج الضمان للاسف

[Sherif Khalifa]

التوكيل قالي هتعمل عمره فحدود 10000
وفيها كنترول وكلاتشات

يا فندم كلم الناس الى بعتلك تفصيلهم دول
دول متخصيصين فى قتيس الكروز تحديدا و غالبا التوكيل هيبعتلهم الفتيس بتاعك
لان التوكيل م بيصلح حاجه

[mohamedsaber2]

يا فندم كلم الناس الى بعتلك تفصيلهم دول
دول متخصيصين فى قتيس الكروز تحديدا و غالبا التوكيل هيبعتلهم الفتيس بتاعك
لان التوكيل م بيصلح حاجه

شكلها يا استاذ شريف هترسى على كده ان شاء الله وهوديلهم العربيه خلال الايام دي, ربنا يسهل.

انا كده كده ان شاء الله ناوي ابيع بعد ما اصلح الفتيس, ممكن اعرف تجيب كم؟

موديل 2013