إستفسار في صيانة أوبترا

[AlphaCharlie]

السلام عليكم.
يا شباب افتوني في أمرين بالنسبة للأوبترا الشكل القديم 1600

أولا: صديق لي معاه موديل 2014 وكان بيغير سيور في التوكيل.
سمع من مهندس في التوكيل ان لابد من تغيير طلمبة المياه مع كل مرة يتم تغيير سير الكاتينة.
طبعا رفض وقال حيغير سير الكاتينة فقط. المهندس قاله طيب بس اكتب امام طلمبة المياه انك غير موافق علي التغيير. علشان لو باظت وبوظت الموتور يبقى علي مسؤوليتك.

إيه رأيكم في الكلام دا؟ وهل موديلات 2014 تعامل معاملة موديلات 2004 الي 2012؟

ثانيا: طول عمري اعرف ان الاوبترا بتنزل بعدد 2 مروحة للريداتير والتكييف.
لكني رأيت أكثر من عربية نازلة بعدد 1 مروحة علي اليسار والجزء اليمين فاضي...

ايه رأيكم أيضا؟؟

وشكراا

[AlphaCharlie]

???????????????????

[ahmed.zahra]

ايوة فعلا بتغير طرمبة المياة مع سير الكاتينة. بس مفيش مشكلة لو مغيرتهاش طالما انها شغالة كويس و صويتها مش خشن. لكن انا فعلا بغير معاها لسبب بسيط و هو انك لما تحب تغيرها بعد كدة حتفك سير الكاتينة. فبوفر المصنعية و اغير الاتنين مع بعض و اريح دماغي بدل ما اروح للميكانيكي مرتين و في نفس الوقت بتطمن على دورة تبريد العربية.
و فعلا في الموديلات الأخيرة للأوبترا بقت بتنزل بمروحة واحدة معرفش ليه. لكن اعتقد لو حبيت تركبها برة مفيش مشكلة

[AlphaCharlie]

ايوة فعلا بتغير طرمبة المياة مع سير الكاتينة. بس مفيش مشكلة لو مغيرتهاش طالما انها شغالة كويس و صويتها مش خشن. لكن انا فعلا بغير معاها لسبب بسيط و هو انك لما تحب تغيرها بعد كدة حتفك سير الكاتينة. فبوفر المصنعية و اغير الاتنين مع بعض و اريح دماغي بدل ما اروح للميكانيكي مرتين و في نفس الوقت بتطمن على دورة تبريد العربية.
و فعلا في الموديلات الأخيرة للأوبترا بقت بتنزل بمروحة واحدة معرفش ليه. لكن اعتقد لو حبيت تركبها برة مفيش مشكلة

شكرا لرد حضرتك..

[mohamedmody]

اولا بالنسبه طلمه الميه افضله جدااااا انه يغيرها لانها بتضرب و بتعمل مشكله سواء هى او كوعه الميا ه الفيبر اللى فيها السيرموستات بدل متضرب منو ويتر يفك التقسيمه تانى و نصيحه للى حيغير طلمبه بره التوكيل وعن تجربه بلاش الكورى اللى ب100 او 120 وحشه جدااااا مبتعش و تضرب تانى يجيب ال gm الاصلى احسن بكتير
اما بالنسبه للمروحه فالعربيه المانول بتنزل مروحه واحده و الاتوماتك 2 ده اللى اعرفو

[AlphaCharlie]

اولا بالنسبه طلمه الميه افضله جدااااا انه يغيرها لانها بتضرب و بتعمل مشكله سواء هى او كوعه الميا ه الفيبر اللى فيها السيرموستات بدل متضرب منو ويتر يفك التقسيمه تانى و نصيحه للى حيغير طلمبه بره التوكيل وعن تجربه بلاش الكورى اللى ب100 او 120 وحشه جدااااا مبتعش و تضرب تانى يجيب ال gm الاصلى احسن بكتير
اما بالنسبه للمروحه فالعربيه المانول بتنزل مروحه واحده و الاتوماتك 2 ده اللى اعرفو

شكرا يا باشا علي الرد.
تقريبا الطلمبة الأصلية بتعمل 350 جنيه. هي دي الي حضرتك تقصدها؟

[Sherif Mandoor]

الافضل تغييرها مع السبر وتركب الجى ام الاصلى

[mohamedmody]

بالظبط اللى الطرمبه اللى سعرها 350 و حتلاقى محفورعليها علامه الدايو