الفتيس الاوتوماتيك للأوبترا وعلبة الديركسيون

[myatooooo]

ازيكم يا احلى منتدى كنت رايح احجز اوبتر وقلت اكلم ناس من شيفورلية عشان اعرف اية نظام الفتيس الاوتوماتيك
كلام المبيعات : الفتيس يابانى 100%
كلام خدمات ما بعد البيع : الفتيس كورى و ثمنة لا يقل عن 32000جم

طب و موضوع علبة الديركسيون

الرد ان فى فئة من السيارات بها هذا العيب ويتم معالجة بعد الصيانة لظهور العيب
طب وان رجع تانى زى ما حدث مع بعض اعضاء المنتدى
الرد : تتغير تانى طول ما السيارة بفترة الضمان

من هنا انا طلعت بموضوعين
1- الفتيس كورى وثمنة مبالغ فية جداً ولا يتم تصليحة ويتم تغييرة مباشرة وان كانت السيارة بالضمان فأن التوكيل يتكفل بكل شىء ام لو خرجت برة الضمان فالعميل يدفع 32000جم شاملة رسوم الجمارك والتركيب
2- علبة الديركسيون ما زالت بها عيوب ولم يتم التعديل حتى الأن وهى حالات و حالات يعنى انت و حظك

طب انا واحد هدفع 97000جم فى الزمن دة وهشترى سيارة لمدة 3 سنوات او 60000كم فقط وبعد ما الضمان يخلص هغير العلبة و الفتيس بالشكل دة
اعتقد ان الميزة السعرية للسيارة هو لمدة 3 سنوات لا غير وبعدها لازم تغير

النهاية انا قلت اقولكم اللى حصل وكل كلمة هنا موجودة بالفعل واى رأى هو رأى شخصى لا غير
يا ريت لو حد يعرف اى حاجة تانية يقولى
وشكراً

[sab3aawy]

طبق سؤال برضه علشان الصورة تكمل

هل فيه شكاوى ظهرت من جيربوكس الأوبترا؟

[osman hisham]

هوه الحقيقه ان المشكله فعلا فى عربة الدريكسيون و دى غيرتها 3 مرات خلال سنتين و نصف فى الضمان بس الشهاده أن الأتومتيك مفيهوش اى مشكله بالعكس ده سلس جدا و مفهوش مشاكل خالص و ما سمعتش أى حد بيشتكى منه .

[mhashem]

يعنى فعلاً مشكلة الأوبترا هية علبة الديركسيون اعتقد ان دية مش حاجة قليلة وممكن على المدى تسبب لا اقدر الله حوادث ولا اية طب فين مالكى الأوبترا عشان نعرف الموضوع ماشى ازاى

[wael333]

ان كنت عايز افهم ياريت بالتفصيل ما هى مشكله علبه الدركسيون

لانى الحمد الله لا يوجد عندى شىء وكنت سألت فى التوكيل (الهرم) اذا كان فى عيب بهذا الاسم قالوا لى ان هذا عيب فى موديل 2006 وتقريبا 2007 ولكن صلحوه من بعد ذلك وان 2008 لا يوجد بها عيب الحمد الله

[Hosam_Optrawy]

معايا 2008 ومفيش اى مشاكل الحمد لله

[dinow]

الفتيس فعلا يابانى و ده فى الموقع الرسمى ل GM Daewo

[mhashem]

رد

الفتيس فعلا يابانى و ده فى الموقع الرسمى ل GM Daewo

حضرتك انا اتصلت بالمهندس شريف بالهرم و اكدلى ان الفتيس كورى 100% وان ثمنة جديد فعلاً يتراوح ما بين 32000جم

ولو حد مش مصدق يكلمة!!!

[hisham132]

وانا كمان معايا 2008 ومفيش اى مشاكل

[mokhtar]

فتيس اتوماتيك ب32000 جنيه ........ليييييييييييييييييييه....هوفتيس اوبترا ولا دودج تشارجر بجد سعره مبالغ فيه اوى خصوصا ان الاوبترا ماتعتبرش شيفروليه 100 فى100 يعنى مش صناعه امريكيه عشان تبقى قطعه منها غاليه اوى كده




..mokhtar..

[wael_adel31]

أنا بردو مش فاهم ايه مشكلة علبة الدريكسيون مع انى معايا أوبترا 2006 وعمرى مشتكيت من علبة الدريكسيون مع العلم انى مجنط 18 وبقالى فترة يعنى حمل أكبر على الدريكسيون ؟

[tarkally]

فعلا دة اكيد نصب واستهبال علي المستهلك المصري يجب الشكوي الي جهاز حماية المستهلك بجد يا اوبتراوية واعتقد رقمة 155

[menabigboss]

فتيس اتوماتيك ب32000 جنيه ........ليييييييييييييييييييه....هوفتيس اوبترا ولا دودج تشارجر بجد سعره مبالغ فيه اوى خصوصا ان الاوبترا ماتعتبرش شيفروليه 100 فى100 يعنى مش صناعه امريكيه عشان تبقى قطعه منها غاليه اوى كده




..mokhtar..

عايز اقول لحضرتك حاجة....
الفتيس الاوتوماتيك هو تقنية غالية جدا في كل ماركات السيارات وليس في الاوبترا فقط ..ممكن حضرتك تسأل علي سعر الاتوماتيك بتاع اللانسر حتلاقي سعرة 30000جنية ايضا ولكن محدش سمع بمشاكل فية او في الاوبترا اطلاقا...