مؤشر rpm مرتفع دائما"

[عمرو الشريف]

من حوالى يومين قمت بتنظيف منظم الهواء ولكن بعد التنظيف اصبح عندى مؤشر ال rpm مرتفع دائما" فوق رقم 2 واحيانا" 3 والسيارةشغالة ومن غير ما ادوس بنزين خالص .

[عمرو الشريف]

[tameem2010]

حساس الايديال
عاوز يتنضف

[عمرو الشريف]

[QUOTE=tameem2010;3876019428]حساس الايديال
عاوز يتنضف[/QUOT

هل حساس الايدل هو نفسه صمام الايدل ؟ وايه شكلهم ؟ وهل حساس اليديل هو نفسه حساس الrpm ارجوالافادة وشكرا"

[tameem2010]

الحساس ده بيكون جوا البوابه لما تفكها
ده اللى هو بيخلي العربيه مظبوطة على السلانسيه ومتطفيش
لو حصل فيه مشكلة بتلاقي العربيه تبرجل على السلانسيه تعلى وتوطى
ده بس تقريبا جه عليه اسبراي او تراب عليه اسبريه عمل طينه على حرفه ومتمسحش فالحساس بيقطع
هتفك البوابه تنضفه وتاكد انك مسحته ونشفته كويس

[عمرو الشريف]

الحساس ده بيكون جوا البوابه لما تفكها
ده اللى هو بيخلي العربيه مظبوطة على السلانسيه ومتطفيش
لو حصل فيه مشكلة بتلاقي العربيه تبرجل على السلانسيه تعلى وتوطى
ده بس تقريبا جه عليه اسبراي او تراب عليه اسبريه عمل طينه على حرفه ومتمسحش فالحساس بيقطع
هتفك البوابه تنضفه وتاكد انك مسحته ونشفته كويس

شكرا" لك على الافادة , الموضوع بالتفصيل :- انا سيارتى شيفورليه اوبترا 2008 فتيس عادى
الاسبوع الماضى سيارتى جابت وش سلندر , وبعد الميكانيكى ما فك الوش وخرطه وعمل شغله كله وقفل الموتور , ظهر ت عندى المشكلة بتاعت عداد rpm وهى انه مرتفع اثناء الوقوف على السلانسيه واقف على رقم 2, علشان كده ذهبت لكهربائى ففك البوابة ونظفها بالبنزين والاسبراى , وبعد كده لقيت المؤشر رافع على رقم 3 ( يعن كده العداد زادت قراءته قبل كده كانت 2 ) فالكهربائى فصل الكهرباء عن الحساس وقال سيبها كده 3 ايام وبعد كده وصل الكهربا تانى للحساس , ولكن للاسف بعد ال3 ايام وبعد توصيل الكهربا لقيت المشكلة زى ما هى العداد واقف عند رقم 3 , ده كل اللى حصل بالضبط , على فكرة قبل موضوع وش السلندر المشكلة ده مكنتش موجودة كله كان تمام . ارجوا الافادة

[tameem2010]

هو لما عداد rpm يبقى عالى ده اما بوابه وحساس ايديال او الانجيكشن نفسه
بس طالما فك وش السلندر يبقى خليه يعمل تشيك على حساس الكامه

[عمرو الشريف]

هو لما عداد rpm يبقى عالى ده اما بوابه وحساس ايديال او الانجيكشن نفسه
بس طالما فك وش السلندر يبقى خليه يعمل تشيك على حساس الكامه

هو حساس الكامة فن مكانه ؟

[tameem2010]

بيكون برا على الوش ظاهر لاي حد عند الانجيكشن بتاع العربيه .. انت ممكن تفكه وتنضفه بنفسك

[lancer06]

السلام عليكم ورحمة الله وبركاتة
مرحبا أخى الكريم
المشكلة بسيطة بإذن الله
اختلفت قراءه حساس الايدول وبدل ما يبقى على 800 بقى على 3000 لفة
الحل بسيط بإذن الله هتفصل كابلات البطارية وتسيب العربية ساعة او اكتر
او سيبها بالليل وركبها الصبح
دور وسمى بالله هتلاقى كل حاجة رجعت لوضعها
الفكرة ان الحساس بيدى القراءة لكمبيوتر العربية حتى لو قراءة خاطئة وبتتسجل على كدة
لما بتفك كابلات البطارية بتعمل للكمبيوتر ريست او استعادة
وبتتحل المشكلة

[mohamed200952]

اخى الكريم
عربيتى كروز 2010 مانيوال لما تكون العربية ماشية واجى ادوس دبرياج عشان اغير او امور عشان اقف صوت الماتور بيعلى والrbm بيعلى و ممكن يوصل 3000 روحت التوكيل غير حساس الاكسجين و المشكلة زى ما هي ما رايك

[mero100]

عربيتي شيفروليه لانوس 2011 ( مع الاعتذار لماركه شيفروليه ) و الاعتذار ايضا ( لموديل لانوس )

عانيت من اول ما جبت العربيه من موضوع ارتفاع مؤشر ال rpm بين النقلات ( يعني و انت عالتاني و بتنقل مثلا للتالت ...أثناء النقل يعلي ال rpm لوحده ) ... و احيانا يبدأ من 2.5 عند بدايه تدوير العربيه ..

المهم :

تجربتي في حل الموضوع كان من خلال التوكيل بإنهم حطوا ماده اسمها ( جل حراري في الفيشه بتاعت بلف الايدل و المشكله ظهرت بعد سنه تقريبا ...و نفس القصه يحطوا ( جل حراري ) ... انا غيرت البلف نفسه للتجربه و لقيت نفس المشكله ... يبقي الحل في ماده ( الجل الحراري ) ....

ده بلف ايدل ...



ارجو اكون أفدت الناس ... لأني مجرب معاناه الناس في موضوع العربيات ده ... حاجه مقلقه و مزعجه .

[smsmsmsm1983]

بالنسبة للمشكلة اللى حصلت بعد التنظيف
بعد فترة هيرجع طبيعى

[yastoor]

لمبه الهولد بتنور وتطفي ف اوبترا 2010

لو سمحت ياجماعه
انا عندي مشكله ومحيراني
العربيه عندي اوبترا 2010 اتوتماتيك لمبه الهولد عندي بتنور وتطفي سرعه80 المهم رحت لاتنين ميكانينيه واحد قالي الفتيس عايز يتغير لان العربيه مش بتنقل بعد التالت وده فعلا
التاني قالي لا غير زيت الفتيس وفلتر زيت الفتيس والعربيه هتبقي تمام غيرت الزيت ونظفت الفلتر بس برضوالعربيه زي ماهيا
وانا الصراحه مش مقتنع بكلام الميكانيكي الاولاني
واحد قالي الزيت ممكن يكون مضروب عشان كده مفيش تغير
وواحد صاحبي قالي د ممكن يكون كنترول الفتيس باظ وعايز يتغير
هيا ممكن تكون حساسات الفتيس ؟؟؟
ياريت حد يرد عليا ضروري ويرسيني لاني محتار خالص

[lancer06]

لو سمحت ياجماعه
انا عندي مشكله ومحيراني
العربيه عندي اوبترا 2010 اتوتماتيك لمبه الهولد عندي بتنور وتطفي سرعه80 المهم رحت لاتنين ميكانينيه واحد قالي الفتيس عايز يتغير لان العربيه مش بتنقل بعد التالت وده فعلا
التاني قالي لا غير زيت الفتيس وفلتر زيت الفتيس والعربيه هتبقي تمام غيرت الزيت ونظفت الفلتر بس برضوالعربيه زي ماهيا
وانا الصراحه مش مقتنع بكلام الميكانيكي الاولاني
واحد قالي الزيت ممكن يكون مضروب عشان كده مفيش تغير
وواحد صاحبي قالي د ممكن يكون كنترول الفتيس باظ وعايز يتغير
هيا ممكن تكون حساسات الفتيس ؟؟؟
ياريت حد يرد عليا ضروري ويرسيني لاني محتار خالص

نصيحتى ليك اكشف كمبيوتر
وكود الخطأ اللى هيظهر هيحددلك العطل فين فى الفتيس
المشكله دى بتتكرر فى فتيس الاوبترا