الكروز ٢٠١٦ جامدة جداااااا

[alnmr79]

بعد ما كنت مقطنع لا sx4 وخلاص دفعت المقدم واوفاجاء بالكروز الجديدة شغل غير من ورا وقدام مع الصالون الرياضى والماكنة والفتيس الالمانى بتاع الاوبل وخاصة انى ركيب اوبل ل٦ عربيات كورسا واسترا وفيكترا سى بس صيانات الاوبل الكتيرة زهقتنى وانا مش فاضى زى زمان لوقفت الصنايعية والخلاصة كانت لصالح الكروز لوجود توكيل محترم وقطع غيار متوفرة بسعر معقول وقلة الاعطال بعد موديل ٢٠١٥ بعد تعديل المحرك والفتيس اللى كانت سمعته وحشة بالاضافة لاعادة البيع بسعر كويس عن الاوبل والسوزوكى..
تنصحونى بقى بانهى لون؟؟؟؟

[hesham fawzy h]

مبرووووووووك

هتها فحلقى

[Abo Hur]

أنا حاسس انها دعايه للكروز....وبعدين انا عمرى ما سمعت ان فيه حد بيشكر فى توكيل منصور!!!!

[melouk1]

توكيل محترم !!!!
ده أسوأ توكيل في الوطن العربي قاطبةً يا راجل !!!!!
و حضرتك زهقان و تعبت من الأوبل و تروح تشتري عربية كل حاجتها أوبل :)))
أنا حاسس إن ( إقطناعك ) ده وراه حاجه
بهزر معاك بس بجد انت اول واحد بقول كده :)))

[Rsarabia]

الكروز هى الاسترا فالافضل بلاش وجع دماغ و اشترى كورى فرع كوريا مش فرع المانيا :d

[mif]

الكروز هى الاسترا فالافضل بلاش وجع دماغ و اشترى كورى فرع كوريا مش فرع المانيا :d

عندك حق
دايو من ساعة ما اشترتها جي ام الامريكية و هى الاسوء و مفيش منها كوري
و منصور بيجيب قطع غيار مضروبة كمان

و الافضل يجيب هيونداى او كيا فعلا

[melouk1]

عندك حق
دايو من ساعة ما اشترتها جي ام الامريكية و هى الاسوء و مفيش منها كوري
و منصور بيجيب قطع غيار مضروبة كمان

و الافضل يجيب هيونداى او كيا فعلا

بس عربيات كوري يعني ايرباجين و abs
يعني بمفاهيم دلوقتي زيرو امان

[fares_311]

مادام مقطنع اتوكل على الله فيها

[hugan]

السنترا بعد السعر الجديد
تعتبر افضل عربيه في فئتها حاليا

[alnmr79]

ايه يا جماعة الخيروكلكم عليا والا ايه!!!!!!!!
يعنى رايكم بلاش واجيب السوزوكى احسن؟
والا الاسترا افضل ؟!!!!
انا حاسس انى مش فى قسم الشيفورليه ....ده كل الردود مش فى صالحها.
التويوتا تركيا وفيها مشاكل وخاصة الفرامل من ناس راكبينها.السوزوكى ملهاش قطع غيار.اللانسر القرش سيئه جدا من ٢٠١٠ البومة احسن منها بكتير.الاسترا روحوا شوفو مشاكلها ةفى ةالكتيرة فى التوكيل حريقة بنزين .نتشة فى النقلات.كركرة فى الطلعة لازم بنزين ٩٥ علشان العربية تظبط معاك....يعنى مفيش ٢ متفقين على عربية واحدة كل حاجة فيها مميزات وفيها عيوب بس كل واحد لية اللى يناسبه.....الكروز سعر كويس خامات وتقفيل ممتازة توكيل مضمون وقطع غيار متوفرة وشكل جديد غير ٢٠١٥ من برة وكتيرةوفى السوق واللى جاب و٢٠١٥ بيشكر فيها جدااا ودة ثبت قناعتى وخاصة بعد ما جربتها على طريق سريع ثبات خرافى وتجميع ممتاز وبتجيب ال٢٠٠ عادى.اعتقد الافضل بالنسبة لسعرها١٦٥ بعد زيادة الاسعار.

[ابو ياسمين]

ايه يا جماعة الخيروكلكم عليا والا ايه!!!!!!!!
يعنى رايكم بلاش واجيب السوزوكى احسن؟
والا الاسترا افضل ؟!!!!
انا حاسس انى مش فى قسم الشيفورليه ....ده كل الردود مش فى صالحها.
التويوتا تركيا وفيها مشاكل وخاصة الفرامل من ناس راكبينها.السوزوكى ملهاش قطع غيار.اللانسر القرش سيئه جدا من ٢٠١٠ البومة احسن منها بكتير.الاسترا روحوا شوفو مشاكلها ةفى ةالكتيرة فى التوكيل حريقة بنزين .نتشة فى النقلات.كركرة فى الطلعة لازم بنزين ٩٥ علشان العربية تظبط معاك....يعنى مفيش ٢ متفقين على عربية واحدة كل حاجة فيها مميزات وفيها عيوب بس كل واحد لية اللى يناسبه.....الكروز سعر كويس خامات وتقفيل ممتازة توكيل مضمون وقطع غيار متوفرة وشكل جديد غير ٢٠١٥ من برة وكتيرةوفى السوق واللى جاب و٢٠١٥ بيشكر فيها جدااا ودة ثبت قناعتى وخاصة بعد ما جربتها على طريق سريع ثبات خرافى وتجميع ممتاز وبتجيب ال٢٠٠ عادى.اعتقد الافضل بالنسبة لسعرها١٦٥ بعد زيادة الاسعار.

عزيزى alnmr79

لا يوجد احد عليك ولا شئ من هذا فكل الزملاء الكرام الذين وضعوا ردودهم هم ( جماعة الخير ) كما وصفتهم

وكل الأراء سواء المؤيدة او المعارضة لا تقصد الا الخير ولكل رأى احترامه

ولرأيك الشخصى كل الأهمية لأنك صاحب القرار والمال الذى سيكون ثمنا للسيارة

فألف مبروك مقدما وجعلها الله فاتحة خير وبركة بأذنه

وهذه يا زميلنا العزيز كل الوان كروز 2016 فى مصر

من الموقع الرسمى للسيارة مع أسماء الألوان

ولو كنت سأختار لنفسى لأخترت اللون الأحمر ولكن قد تفضل أنت لون آخر

Carbon Flash Metallic

Dark Expresso Brown

Mars Stone

Satin Steel Grey

Summit Whit

Switch Balde Silver

Velvet Red

هذه جميع الألوان الموجودة على موقع السيارة الرسمى

وقد لاحظت ان اللون الأسود وجميع درجات الأزرق غير موجودة

فأذا كانت هناك الوان أخرى غير هذه الألوان السبعة

فعلى التوكيل أن يقوم بتحديث موقعه الرسمى

وتحياتى لصاحب الموضوع ولكل الزملاء المحترمين المشاركين فيه

[hossam_elwani]

كروز وش

[bassemali]

مش هاقولك غير جمله واحده
تغور... من وش منصور
وانت كاتب ان الاوبل الاسترا فيها مشاكل وعايزه بنزين 95 تقوم تروح شاري عربيه كلها اوبل استرا بس تجميع كوريا.. السوزوكي او السيات توليدو او الالنترا او السيراتو او الكورولا برقبتها.. ده رأيي وانت حر.. واعتقد ان ده راي 90% من اللي ردوا عليك برضه

[svneleven]

مش هاقولك غير جمله واحده
تغور... من وش منصور
وانت كاتب ان الاوبل الاسترا فيها مشاكل وعايزه بنزين 95 تقوم تروح شاري عربيه كلها اوبل استرا بس تجميع كوريا.. السوزوكي او السيات توليدو او الالنترا او السيراتو او الكورولا برقبتها.. ده رأيي وانت حر.. واعتقد ان ده راي 90% من اللي ردوا عليك برضه

ال سيات التوليدو فتيس dsg و الا فتيس عادي؟

[alnmr79]

مش هاقولك غير جمله واحده
تغور... من وش منصور
وانت كاتب ان الاوبل الاسترا فيها مشاكل وعايزه بنزين 95 تقوم تروح شاري عربيه كلها اوبل استرا بس تجميع كوريا.. السوزوكي او السيات توليدو او الالنترا او السيراتو او الكورولا برقبتها.. ده رأيي وانت حر.. واعتقد ان ده راي 90% من اللي ردوا عليك برضه

عزيزي احنا في مصر مفيش توكيل اصلا خايف على العميل كله بيسلخ. بس اختياري للكروز عن السابقين لوفرة قطع الغيار وانتشار العربيه مع معدلات أمان وثبات أفضل من سابقتها.