افيو 2016

[africano19_5]

السلام عليكم
انا هستلم الافيو الاوتوماتيك واخترت اللون النبيتى يارب تدعولى ربنا يدينى خيرها ويكفينى شرها بس انا مش لاقى اى صورة للافيو الجديدة وكمان باللون النبيتى واللا زى ما بيقولوا احمر غامق ياريت لو حد عنده صورتها ينزلهالى واكون شاكر كمان بعد اذنكم حابب اعرف امكانيات العربية دى وايه اللى اعملوا بعد ما استلم العربية يعنى اروح بيها مباشرة لتوكيل الصيانة واللا ايه بالظبط واسف للاطالة وفى انتظار ردودكم وشكرا

[khaled edrise]

اولا الف مبروك ثانيا اللون احمر غامق ثالثا هتمشي بالعربيه الف كيلو هتشوفه في عداد لعربيه تتصل بالكول سنتر بعد الف كيلو و تحدد ميعاد لصيانة 1000 دي تشييك و تغيير زيت خد بالك بلاش في الألف كيلو تقرص ماتعديش 90 كيلو سرعه و ألأر بم ما يزدش عن 3 و الف مبروك مقدما

[africano19_5]

أشكرك على الرد استاذ خالد وياريت اعرف الاوبشن اللى فى العربية وامكانياتها والتعليمات اللى دايما امشى عليها طول ما انا سايق الافيو 2016 وشكرا لحضرتك ولاى حد هيهتم ويرد

[khaled edrise]

بص يا باشا ألأفيو نفس ماتور و شاسيه لانوس يعني عربيه خفيفه يبقب اول حاجه اخرك 100 كيلو ماتزودش ده حرصا علي سلانتك و سلامت ألأسره و خود بالك الفرامل عاديه من غير abs او مانع انغلاق يعني في خالة رمله او مطر امشي علي ماهللك لان لو فرملة فرمله مفاجئه العجل هايقفش و ده خطر حافظ علي صياناتك في التوكيل اثناء الضمان و لما هتروح صيانة 1000 هيفهموك تيجي امتي و سيستم الصيانه الدوري ماتور الفيو 83 حصان بس مناسب لوزن العربيه وماتاور عمره الفتراضي طويل اول ماتستلم استلم مع العرابيه الكتلوج و اقراه كويس هتعرف كل الوبشن فيهه في الول امشي علي مهللك و احفظ ابعاد العربيه و متنساش لو قيه امكانيه تدبح علشان العين لو دي اول عريه ليك امن عليهه تامين شامل ده لو فيه امكانيه و مجمل القول هي عربيه قطع غيارهه موش غاليه بس موش عربية جرييييييي ودي اهم النصائح

[africano19_5]

واللهى يا استاذ خالد انا مش عارف اشكرك ازاى كل نصايحك على راسى وهعمل بيها كلها ان شاء الله وخاصة موضوع الدبح ده لانها فعلا اول عربية ليا والعين وحشة وانا كمان لسة بتعلم سواقة يعنى على ادى فربنا يستر ونصايح المشى على مهلى اكيد هعمل بيها وارجوك متحرمناش من نصايحك دى وتابع موضوعى لحد ما العربية تيجى وهنقلك انطباعاتى عنها اول بأول فمتحرمناش من ردودك وكتر خيرك وشكرا مرة تانية

[khaled edrise]

لا شكر علي واجب يا باشا انا استفدت من العضاء كتير و لازم انقل اي خبره ليه لياقي ألأعضاء و هتايع البوست بتاعك و اي سؤال انان تحت امرك

[Samah AbdAllah]

الف مبروك وان شاء الله تستلم على خير وفى انتظار تقرير الاستلام وتجربة السيارة

ودى صورة الافيو الجديدة 206

[africano19_5]

شكرا استاذ خالد واستاذة سماح على الاهتمام والمتابعة ويا مسهل انا فى الانتظار ادعولنا بس ان الانتظار ميطولش واستلم على طول ومتشكر مرة تانية