ما لم تعرفه عن شيفروليه افيو

[deaaelshazly]

موضوع استهﻻك البنزين ده مطهقني في عيشتي
انا معايا موديل 2016 .. اتصلت بالشركة وطلبت ميعاد وللعلم انا لسه معملتش 5000 كيلو .
المهم رحت المركز اللي ف الكيلو 4.5 وطلبت الكشف على الحساسات يعني كنت بقول ان فيه عطل ف حساس .

وبعد طول محايلة دخلو العربية الورشه وبعدين طلبت اسأل المهندس ف حاجة ﻻن ممنوع دخول الورشة ..ولما دخلت كان موصل العربية على جهاز اﻻعطال وبعدين قالي العربية مفيهاش حاجه.. فضلت اقوله العربية اللي كانت معايا قبل دي مكانتش مجنونه كده ف حرق البنزين ﻻني بمشي بالعربية 300 كيلو واخل افول اﻻقيني حطيت 38 لتر .. يعني العربية بتعمل معايا ف اللتر الواحد 8 كيلو متر يعني الصفيحة بتعمل معايا 150 كيلو في حين ان العربية اللي قبلها كانت فيرنا وكانت بتعمل ف الصفيحة 210 كيلومتر

المهندس قاللي مش هندخل ف مقارنه انت عربيتك سليمه..لو عايز تتأكد هتحجز ميعاد تاني ويطلع معاك فني هتفول العربية من البنزينه اللي جنبنا وتمشي بالعربية 50 كيلو على سرعة 90 وتبقى قافل الزجاج ومفيش مطبات ف الطريق وترجع نفس المشوار تدخل على نفس البنزينه وتفول العربية تاني وتحسب الكمية اللي حطيتها على عدد الكيلو مترات اللي قطعتها وساعتها هتعرف ان عربيتك مظبوطة.
قلتله مانا كان معايا فيرنا ومكنتش محتاج اعمل اللي بتقولي عليه ده وكانت اقتصاديه عن ام اﻻفيو دي...وبعدين طريق ايه وميكونش فيه مطبات انت اكيد بتهزر شوف انت نفسك ساكن فين وشكل الطريق اللي بتمشي عليه شكله ايه ...
ورحت قافل بقى وواخد عربيتي ومشيت
وحسبي الله ونعم الوكيل
اضف الى مكتبتك هذه المعلومات
العفشه اﻻماميه زبالة وخصوصا من ناحية اليمين وانت نازل من على اي مطب .. قالولي اظبط الكاوتش على مقاس 30 ومجبش نتيجه
2- الزجاج اﻻمامي لو انت نزلته شويه وانت ماشي بتسمع منه صوت تزييق وتخبيط .. الحل انك ترفع الزجاج سنه بسيطه الصوت هيروح

ياريت اللي عنده حل يقول

[egysilver]

1- موضوع استهلاك البنزين جوه البلد ده مش لاقيله حل بس فى ناس بتقول انه بسبب حساس الشكمان بس هى على الطريق استهلاكها ممتاز بتعمل معايا فى التانك 600 كيلو فى السفر و300 جوه البلد
2- العفشه الاماميه اكشف على جلب المقصات وتيش الميزان والبارات واخيرا المساعدين وجرب تربطها عن عفشجى علشان هى اصلا بتطلع من المصنع محتاجه تربيط.
3- موضوع الزجاج ده بسبب المسمارين اللى ماسكين الزجاج من جوه الباب بيبقوا مهوين شويه ومحتاجين بس تفك فرش الباب وتربطهم كويس.

[deaaelshazly]

ياباشا اﻻستهﻻك عندي زفت سواء جوا البلد او على الطريق السريع
موضوع العفشه شكله طابع عام ف اﻻفيو
موضوع الزجاج ده هشوف كده الحل بتاعك .. وﻻ ايه رايك اكلمهم ف التوكيل عليه اصل انا رايح يوم اﻻربعاء اللي جاي صيانه 5000 اقولهم عليه وﻻ ممكن يخربوها بزياده وﻻ اطلع بره عند واحد حبيبي بتاع زجاج

والف شكر على ردك الجميل

[M.aboulelah]

يا باشا متتعبش نفسك انا عندي نفس المشكله واشتكيت كتير ومفيش حل

[Mecha]

خلاص هو دا معدل العربيه!!!!
هتدخل في تعديلات تقلل الاستهلاك هتشتكي بعدها من السحب وتبا دايره مغلقه.

[omar_saad]

معدل استهلاك البنزين ده -- زايد حتي عن اوبل استرا القديمة
وبصراحة التوكيل ده لا أثق فيه ابدا

[deaaelshazly]

خلاص هو دا معدل العربيه!!!!
هتدخل في تعديلات تقلل الاستهلاك هتشتكي بعدها من السحب وتبا دايره مغلقه.

يعني ياباشا هو ده اخرنا هههههههههه
المشكلة ان الحساسات مينفعش انها تبقى فيها عطل او نص شغال ..الحساسات ياتبقى شغالة ااو بايظة ..والمشكلة اني لما كشفت كانت سليمه

[freeman12581]

انا كان معايا واحده 2007 خربت بيتى فى البنزين وخلصت منها الحمد لله
سفاحه بمعنى الكلمه

[م أحمد]

هتفول العربية من البنزينه اللي جنبنا وتمشي بالعربية 50 كيلو على سرعة 90 وتبقى قافل الزجاج ومفيش مطبات ف الطريق وترجع نفس المشوار تدخل على نفس البنزينه وتفول العربية تاني وتحسب الكمية اللي حطيتها على عدد الكيلو مترات اللي قطعتها وساعتها هتعرف ان عربيتك مظبوطة.

أؤيد هذا الكلام و ممكن تعمله على طريق مصر اسكندرية صحراوى

[Colin Chapman]

خلاص هو دا معدل العربيه!!!!
هتدخل في تعديلات تقلل الاستهلاك هتشتكي بعدها من السحب وتبا دايره مغلقه.

[Mecha]

يعني ياباشا هو ده اخرنا هههههههههه
المشكلة ان الحساسات مينفعش انها تبقى فيها عطل او نص شغال ..الحساسات ياتبقى شغالة ااو بايظة ..والمشكلة اني لما كشفت كانت سليمه

العربيه زيرو الزيرو 2016 , جديده نوفي مبروك عليك
فقبل ماتفتح في حاجات كتير فلوس وعطله، اتاكد من المعدل اصحابها، لانك عاوز تراجع ع الفبريكه
بالنسبه للحساسات فيه نص ونص او بتهيس واشارة الخرج مش في الحدود، الحساس المش شغال هيقطع خالص ويقلب حال المتور وممكن ميدورش ودا لما يكون قديم، بردك قيم السوفت وير لو بره الحدود هتشتغل بس غلط. او مقاس رشاشات غلط
تحياتي

[deaaelshazly]

العربيه زيرو الزيرو 2016 , جديده نوفي مبروك عليك
فقبل ماتفتح في حاجات كتير فلوس وعطله، اتاكد من المعدل اصحابها، لانك عاوز تراجع ع الفبريكه
بالنسبه للحساسات فيه نص ونص او بتهيس واشارة الخرج مش في الحدود، الحساس المش شغال هيقطع خالص ويقلب حال المتور وممكن ميدورش ودا لما يكون قديم، بردك قيم السوفت وير لو بره الحدود هتشتغل بس غلط. او مقاس رشاشات غلط
تحياتي

كلامك مظبوط فعلا والله
انا قبل ما اروح التوكيل .. كنت كشفت ع العربية على جهاز عند ميكانيكي محترم معرفه قديمة
المهم لقيت ع الشاشة بتاع الجهاز عنده ظهر عطل في حساس التانك fuel sensor level high voltage
وقالي انا مش همسح العطل من ع الجهاز عشان لما تروح التوكيل يبقوا يشوفوا المشكلة ويحلوهالك..

المهم لما روحت التوكيل وطلبت الكشف ع الحساسات عشان استهلاك البنزين العالي ولما المهندس وصل الجهاز .. مظهرش حاجه عنده وقالي مفيش اعطال ومفيش ف الافيو حساس تانك (( على فكرة حساس التانك بيبقى فيشه بحساس تحت الكنبة الخلفية وفوق التانك)) وقعد يقنعني المهم اضطريت اقتنع عشان امشي من قدامه ..
ومازال البحث جاري عن حوار الاستهلاك العالي وان شاء الله هوصل لحل وننقل الصورة للاستفاده