مشكلة فى افيو 2008

[saosama2010]

عندى افيو 2008 .... بسمع زنة اول مشغل الكونتاك بتقعد حوالى خمس ثوانى و تروح لوحدها هل دى مشكلة و لا طبيعى ؟؟
ثانيا بسمع صوت زى فرقعة لما اقرص على العربية فى نهاية النقلات و خصوصا فى نهاية النقلة التانية و التالتة ( العربية اوتوماتيك ) فاية المشكلة ؟؟
ثالثا سعات بيبقى صوت العربية عالى اول مشغل العربية يعنى rpm بيبقى 1.5 او 2 و سعات بيبقى صوتها عادى و بيبقى rpm على 1 فهل دة طبيعى ؟؟

[م/أحمد عبد الفتاح]

أنا معنديش افيو بس لغاية ماحد يجاوبك حاقولك بصفة عامة :
هى العربية معاك من زمان ولا لسه مشتريها - لو لسه مشتريها يبقى ده ممكن يكون صوت طلمبة البنزين وده عادى فى بعض العربيات - الصوت العالى ممكن يكون فى اول الدوارة وبعد دقيقتين تلاته بينزل عدد اللفات والصوت بيقل - الفرقعة دى هل هى فرقعة بنزين من الجاكمان ولا صوت هبدة او خبطة لما الفتيس ينقل ؟؟؟

[saosama2010]

هو صوت زى الفرقعة بيستمر حوالى 5 ثوانى عند نهاية النقلة لما بقرص عليها و يروح و بسمعة من ناحية الموتور

[HMA_82]

الصوت الونة اللى فى الأول دا عادى صوت طرمبة البنزين بتقرأ حساستها و تستعد علشان تشتغل و الصوت بيروح اول ماتدور ,و الصح غنك مابتدورش إلا لما الطرمبة تقرا و تبقى مستعدة يعنى لما الصوت يخلص, بالنسبة للrpm طبيعى فى بداية التشغيل يكون عالى و ينط فجاة و بعدين تبدا العربية تظبط نفسها و الموتور يسخن و ينزل للمستوى الطبيعى .