افيو 2015 - تيل فرامل

[AhmadMira]

السلام عليكم ورحمة الله
أنا معايا افيو 2015 اوتوماتيك كنت جايبها زيرو Baseline
بعمل كل صياناتي في معادها في التوكيل، في صيانة ال 30000 المهندس بلغني ان تيل الفرامل الأمامي محتاج يتغير فغيرناه (أول مرة).
النهاردة كنت بعمل صيانة ال 40000 والمهندس برده بلغني ان التيل عايز يتغير وانا لقلة معرفتي وعدم تذكري وافقت فغيرته واتكلف تقريبا 500 جنيه بالمصنعية. والغريب انه ماحطليش التيل القديم مع باقي قطع الغيار المستبدلة. لما ناقشت المهندس قاللي ان متوسط التيل 10000 ل 15000 كيلو فده عادي ما تقلقلقش.

الصراحة عندي شوية أسئلة من غير سوء ظن في حد لو هتقدروا تساعدوني.
1- الصراحة مش مقتنع ان متوسط عمر تيل اصلي بالمبلغ ده من التوكيل يقعد 10000 بس مهما كان الاستخدام، برجاء التأكيد والتوضيح وفاهم طبعا ان التوكيل بيغير بدري حبة علشان الطنابير، بس هل ده معدل فعلا متوسط؟
2- هل التوكيل ممكن يحاسبنس علس قطع غيار ومايعملهاش فعلا؟ ولا ممكن يكون مجرد سهو من المهندس انه يحط القديم -ان بعض الظن اثم-
3- هل تغيير التيل حارج التوكيل يخرجني من الضمان، بمعني اشمل، ايه من اعمال الصيانة ممكن اعمله خارج التوكيل من غير ما اخرج من الضمان؟
4- لو تأكد فعلا ان ده قليل علي عمر التيل، فايه الاجراء المناسب لاسترداد حقي او تصعيد مشكلة؟

اسف علي الاطالة وارجو الافادة :)

[tameem2010]

تيل الفرامل عمره من 15 ل20 الف كم
لو سواقتك عنيفه ممكن ميكملش ال15 الف
ده طبيعي جدا
التيل الصيني او الكوري اللى برا برده بيقعد نفس الوقت مالهاش علاقة بالاصلي او غيره بس الفرق خامة التيل
ممكن يكون خشن يجرح الطنبورة او ممكن يكون العجينه بتاعته مش حلوة فتلاقيه بيمسك اقل وممكن يظلط منك بعد 5الاف كم
ده مش بيحصل في الاصلي
الاصلي مستواه ثابت
اللى برا كل تيل وظروفه ممكن تجيب تيل يبقى احسن من الاصلي وتيجي تجيبه تاني وترميه بعد 1000 كم

عمر التيل متوسطه من 15 ل20 الف
بس الفيصل هو اسلوب السواقة
مالوش معيارم عين

[AhmadMira]

شكرا ليك، انا حبيت اتأكد بس انه بيحصل :)

[Waelalsallami]

اخي العزيزي حابب انقل لك تجربتي مع نفس استفساراتك عن تيل الفرامل الأمامية للافيو، لأَنِّي جبت Aveo 2014 زيزو من التوكيل وعند استخدامي البسيط الذي لم يتجاوز عشر ايام كنت اسمع صوت صرير عند بداية التحرك وبعدها من الممكن ان يختفي وخصوصا عند السرعة العالية، توجهت التوكيل وقد طلب مني تغيير التيل عند دور الصيانة القادم (١٠٠٠٠كيلو) ولكن لانه لم تكن تجربتي بالسيارات جديدة وقد تعاملت مع سيارات كثيرة، تركت التوكيل من حينها وسيارتي قطعت حاليا 72,000 كيلو ومازلت اتمتع بفرامل طبيعية ولا يوجد اي مؤشر على تاثر الطنابير بشكل غير طبيعي، ولكن مع العلم انني لا استخدم السيارة بالمدن المكتضة الا نادرا وكل هذه المسافة قطعت بالخطوط السريعة، تستطيع ان تقول ٢٠٠٠٠ على الأقل كانو قيادة في المدن مثل القاهرة والإسكندرية مثلا،