علبة الدريكسيون فى الاوبترا 2009

[Nike2212]

يا جماعة انا عايز اعرف مشكلة علبة الديركسيون دى ايه ؟؟؟ انا قرأت لناس كتير هنا عامليين يقولوا و يكتبوا علبة الديركسيون ,, علبة الديركسيون ,هل فى مشكلة فى علبة الديركسيون و لو فى ايه هيا المشكلة عشان انا لسا جايب اوبترا من شهريين كدا و عايز اخود بالى هل فى حاجة عندى ولا لآ ؟؟ و هل المشكلة دى فى موديلات معينة ولا شاملة كلة ؟؟؟

[Hosam_Optrawy]

والله انا كمان بسمع زيك ومش عارف هو عباره عن ايه
العربيه معايا بقالها 5 شهور ومش ملاحظ حاجه فيها
بس بعد التدقيق الشديد
لاحظت ان الصبح وانا بسخن لو لفيت الدركسيون للاخر او لفيته بسرعه اسمع صوت تزييق خفيف
بس بعد ما العربيه بتسخن يعنى بعد 5 دقايق كدا مفيش اى صوت
وبعدين مش دايما بيحصل الموضوع ده
يعنى احيانا مش كل يوم

[Nike2212]

انا كمان عندى الموضوع داه ... بس انا سمعت ان دى حاجة طبيعية !! يرييت يا جماعة حد يفيدنا و يؤلينا اية هيا مشكلة علبلة الديركسيون .. و الصوت الى بيبئا فى اول دقيقة فى العربية داه او اول ما تدور بداية الطلعة بس طبيعيى ولا لآ ؟؟؟

[osman hisham]

الصوت فى الأول بيبان و انت واقف على السلانسيه أو على ال N لو أتوماتيك و فى مكان هادىء و طافى الكاسيت حتسمع صوت تزييق من الدركسيون كأنه عايز يتزيت .
الصوت كأنه طالع من الطاره بس هوه من العلبه و طبعا حيزيد مع الوقت و اللى مش حتاخد بالك منه أن البور بيتقل بس علشان أنت حتتعود على العربيه مش حتحس بيه غير لما تركب عربيه تانيه .

[shady_elkady]

صوت تزيق بسط مش هتسمعة غير فى السكون و طبعا من غير م تلف الدركسيون على الاخر

[raed badr El Kelany]

االسلام عليكم
ااانا معايا اوبترا 2006 وكان فيها العيب ده بس ظهر بعد حوالى 16000 كم - وبلغت التوكيل فى الهرم وتم عمل التعديل بعلبة جديدة 2008

واختف الصوت تماما لمدة 15000 كم تقريبا ومنذ شهر تقريبا بدات اسمع الصوت تانى بمعنى انه تقريبا عيب اساسى فى السيارة الاوبترا ليس له حل فى الوقت الحالى حتى لو تم تعديل العلبة وتغييرها ب 2008

[Nike2212]

طب معلش الصوت داه ايه مشكلتة ؟؟؟ هل بيبوظ حاجة او هاينتج من عليه حاجة او مشكلة ؟؟؟ ولا هوا بس المشكلة الى الناس بتكلم عانها على موضوع علبة الديركسيون انوا بيزيق

[osman hisham]

الأستاذ رائد عنده حق , و العيب ده فى علبة الدركسبون محدش عارف أثاره فى المستقبل بس المؤكد الصوت ده حيعلى لو مغيرتهاش و كمان زى ما قولت الدركسيون بيتقل وأنت مش حاسس لأنك سايقها على طول و أيدك بتتعود عليها .

[osman hisham]

وأنصحك يا رائد تلحق تغير العلبه قبل ما يفوت الضمان لأن تمنها 4000 بالتركيب ,أنا غيرتها 3 مرات فى سنتان و نصف و كنت عامل 30000 كم بس و الحمد لله بعتها.

[raed badr El Kelany]

شكرا لنصحيتك يااستاذ / عثمان - انا باحاول الان الاتصال بالتوكيل لاخذ ميعاد لحل المشكلة .

[hanyathlon]

العلبة مش ب 4000 العلبة ب 1200 جنية
وكمان الصوت دة مبيقصرش فى حاجة دة مجرد صوت انما لا توجد فية تأثير تمامما
والعربية ممتازة ولا توجد بها اى عيوب
وكمان التقل اللى فى الدريكسيون دة مش تقل انا من اول ما استلمت العربية زيرو
وهى الباور بتاعها تقيل اصلا
اتقل من التيوتا والانسر واليابانى عماتا الباور بتاعها عامل زى الفرنساوى وللعلم انا كان معايا رينو 2005 قبلها
متقلقلوش ولا تتوسوسو من موضوع البور اهم حاجة ان ميكونش فية بوش او صوت طرقعة

[myatooooo]

1200??? دة السعر دة فين يا باشا