معاناه مع الاوبترا ..ياريت الخبراء يكون عندهم حل

[ٌRamy]

بسم الله الرحمن الرحيم

انا اشتريت عربيه اوبترا 2009 من حوالى 4 شهور وكانت كويسه ..وبعد مرور تقريبا 3 اسابيع على الشراء لاحظت ارتفاع مؤشر الار بى ام لوحده وثباته ونزوله على فترات وبالذات اما اوس بنزين يبقى طبيعى......المهم رحت لميكانيكى كشف بالكمبيوتر وقال العربيه مفيهاش حاجه بس البوابه عاوزه تترستر او حاجه زى كده ..وبالفعل عمل كده واشتغلت العربيه فتره ورجعت نفس المشكله فرحتله قالى العربيه معلمه بوابه على الكمبيوتر ولا زم تتغير فجبتله واحده استيراد وركبتاه والعربيه بقت تمام . المشكله عندى دلوقتى تتلخص فى انى الصبح والعربيه بارده اما ادوس بنزين العربيه تكتم والربى ام ينزل تحت ال 1000 لغاية ماشيل رجلى من على الدواسه والعمليه دى بتبدا تخف اما العربيه تسخن ..غيرت ماتور طرمبة بنزين المشكله راحت ورجعت فى ايام بسيطه ..والميكانيكى بيقولى البوابه تمام وكل حاجه تمام ومفيش مشاكل على الكمبيوتر خالص ..انا عارف انى طولت عليكم بس انا بعانى بجد ياريت لو حد قابلته المشكله دى وعنده حل ليها يقول

[amr011111]

غير الميكانيكى وأنصحك تروح لمركز المهندس هانى وبالتوفيق

[hema111]

(غيرت ماتور طرمبة بنزين المشكله راحت ورجعت فى ايام بسيطه ..والميكانيكى بيقولى البوابه تمام وكل حاجه تمام ومفيش مشاكل على الكمبيوتر خالص)
اعتقد من طرحك للمشكلة انها تتعلق بصورة كبيرة بطرمبة البنزين واعتقد أيضا ان الميكانيكى لما غير موتور الطرمبة لم يقوم بغسل وتنظيف فلاتر الطرمبة (موجودة خارج جسم الطرمبة البلاستيك او داخلها) وبنسميها المصفاه أو الصفاية ودى المفروض انها تنظف بالتنر لانها بتكون مليئة بالشوائب وحبيبات الرمل الصغيرة وتؤثر على اداء الطرمبة ولكن مش بصورة كبيرة.
للاسف احنا فى مصر! ولو كان فى ورش بتقيس ضغط طرمبة البنزين ونقارنها بالضغط القياسى الموجود فى كتالوج او مانيوال العربية كنا عرفنا المشكلة من الطرمبة ولا لأ .. وبالتالى هانضطر للتجريب والتخمين علشان نقدر نوصل للمشكلة.
فى حاجة تانية فكرت فيها وهى موتور الطرمبة الجديد اللى الميكانيكى ركبه .. هل الموتور ده اصلى؟ ولو اصلى اتاكدت ازاى؟ لان السوق مليان بقطع الغيار المغشوشة بلاش نقول مغشوشة ولكن ادائها اقل بكثير من قطع الغيار الاصلية وعلشان كده أنا بقدملك مقترح يمكن يكون صح ويمكن يكون لا
ممكن تروح للميكانيكى وتطلب الاول انه ينظف صفاية الطرمبة بالتنر وتجرب ولو العربية ادائها لم يتحسن هاتعمل حاجة تانية وهى انك تشترى طرمبة بنزين كاملة استيراد من محل سمعته كويسة وتركبها وتجرب لان محتمل ان يكون موتور الطرمبة اللى انت ركبته مغشوش او مقلد
وبالتوفيق فى الاصلاح ان شاء الله