إستفسار عن زيوت وقطع غيار أفيو مانيوال

[مدحت هندسة]

السلام عليكم

أرجو الإفادة عن أفضل زيت لأفيو مانيوال موديل 2009 , عاملة 121 ألف
أجيب زيت محرك إيه؟ موبيل ولا شيل؟ وأجيبه 5W-30 ولا 10W-30 ؟ ولا حاجة غير دول؟
وزيت الفتيس أجيب إيه؟ وهل في حاجة بتتغير معاه؟
و عايز أغير الطنابير, أجيب Gm ولا حاجة تانية, سمعت عن أوبتيمال ألماني؟

و أخيرا بالنسبة للكاوتش
أجيب نوع إيه؟
سمعت عن بريدجستون بس في كذا بلد مصنعة مش عارف إيه الأفضل؟
ولا أجيب هانكوك أو ميشلان ولا إيه؟

ولكم جزيل الشكر

[ahmedbasto]

بالنسبة للزيت حضرتك حط حاجة لزوجتها عالية يعنى 15w50 او 20w50
بالنسبة للطنابير يستحسن الGM لو حضرتك حسيت انها غالية يبقى حط البريمبو دول احسن نوعين فى السوق
بالنسبة لزيت الفتيس هات جركن زيت الفتيس الموبيل بيبقى لونه ابيض
أى استفسار تانى تحت أمرك

[borio1704]

أنا هجاوبك بالنسبة للزيت..

أفضل شيء للموتور هو المكتوب في كتالوجها.. وزي ما حضرتك كاتب.. اللزوجة المطلوبة هي 5w-30 أو 10w-30

الكيلومترات مالهاش دخل نهائي بلزوجة الزيت.. دي أسطورة كاذبة وللأسف شايعة في مصر.

الحالة الوحيدة اللي تخليك تحط زيت أثقل (معدني) هي إن الزيت يكون بينقص.. وبالتالي يبقى استخدام الزيت التخليقي يعتبر إهدار لفلوسك

والزيت ممكن ينقص لكذا سبب.. تقدر تتعرف عليهم من الموضوع ده..

http://www.nilemotors.net/Nile/492938-a.html

عموما.. الشيء الأهم من اللزوجة هو كود مستوى الأداء بتاع الزيت المطلوب في الكتالوج.. واللي ﻻزم تجيب الزيت زيه أو أحسن منه..

عموما.. أنصحك بزيت موبل1 X1 بلزوجة 5W-30.. لإن مواصفاته فيها كل المطلوب في كتالوج عربيتك..

زي اللي في الموضوع ده..

http://www.nilemotors.net/Nile/495356-a.html

...