غليان فى قربه المايه فو الاوبترا

[tatooo_2011]

ازيكم ياشباب انا عندي استفسار انا لسه شارى العربيه من شهر من كام يوم خرطوم الموعه اتقطع و غيرته بعديها بيومين الميه نقصت جامد و زوتها ومن ساعتها منقصتش و العربيه مبتسخنش بس لو فتحت القربه و العربيه على السخونه الطبيعيه بلاقى الميه فارت فى ميكانيكى قالى ده جوان و ميكانيكى تانى قالى ده طبيعى فى الاوبترا و النوبيرا اعمل ايه دلوقتى انا قلقان من العربيه

[dbabis8]

عندى نوبيرا من سنتين و طبيعية و لو فتحت القربة و العربية سخنة عادى تجهز عربية الاسعاف الاول

[tatooo_2011]

بس حاليا فى حاجه غريبه العربيه كل اسبوع بتنقص لتر مايه يعنى كل اسبوع القربه بتفضى خالص

[tasaka]

ازيكم ياشباب انا عندي استفسار انا لسه شارى العربيه من شهر من كام يوم خرطوم الموعه اتقطع و غيرته بعديها بيومين الميه نقصت جامد و زوتها ومن ساعتها منقصتش و العربيه مبتسخنش

دى معناها انك لم تأخذ الهوا من الدوره بعد تغيير الخرطوم و اضافه الميه

و ان كميه الهوا فى الدوره كانت كتير ( نقصت جامد )

الهوا فى الدوره بيخلى اجزاء من الموتور لا تبرد لعدم وجود الماء فى تلك اللحظه .. و ان السخونه موش منتظمه لكل اجزاء الموتور فى نفس الوقت .. ده موش كويس .. و ان شاء الله لا تتسبب فى مشاكل لان الفتره قليله ( يومين قبل التزويد )

و الهوا برضه بيؤئر على اضافات الميه الملونه .. يعنى بينقص من عمرها او يستهلكها بالكامل مع الوقت لو كان لسه فيه هوا فى الدوره .. و ان شاء الله لا تتسبب فى مشاكل لان الفتره قليله ( يومين قبل التزويد ) .. بس تضع فى اعتبارك ان لو صلحت كل الاسباب و لقيت سخونه انك تضع عامل الميه فى الاعتبار

بس لو فتحت القربه و العربيه على السخونه الطبيعيه بلاقى الميه فارت فى ميكانيكى قالى ده جوان و ميكانيكى تانى قالى ده طبيعى فى الاوبترا و النوبيرا اعمل ايه دلوقتى انا قلقان من العربيه

موش المفروض انك تعمل كده فى اى عربيه لان الدوره بتكون تحت ضغط .. و انواع دورات التبريد كتير و كل واحده لها تصميم

فيه مواضيع كتير فى المنتدى عن اعراض جوان وش السلندر .. اعمل بحث و شوف

الاعراض بتختلف حسب مكان القطع فى الجوان ..
اللى فاكره انك بتدور العربيه الصبح على البارد .. و افتح القربه و خلى حد يدور العربيه و تشوف فى اول الدواره هل ظهرت فقاقيع فى القربه ( اول الدواره مباشره ) ..
و برضه من ضمن الاعراض ميه مستمره من الشكمان

بس حاليا فى حاجه غريبه العربيه كل اسبوع بتنقص لتر مايه يعنى كل اسبوع القربه بتفضى خالص

الكلام متناقض ؟؟
انت شارى العربيه من شهر .. و قطع الخرطوم كان من كام يوم .. و انت قلت انك زودتها بعدها بيومين و مبتنقصش ؟؟

يبقى ازاى كل اسبوع ؟؟

لو استمر النقص .. ابحث عن مكان التسريب

و راجع على كل الخراطيم ( لان فعلا عندك خرطوم اتقطع ) .. يعنى ممكن ده يكون سبب ( شرخ خفيف او قطع موش باين فى خرطوم )

و اتأكد من غطا القربه و الراديتير انهم كويسين .. و رباط الكوليهات و لو التسريب خفيف جدا موش حيبان لانه حيكون بيتبخر لحظيا من مكان اتصال الخرطوم بالماسوره



طريقه اخذ الهواء اعمل بحث فى المنتدى حتلاقى طرق مفصله ..

لكن مبدئيا هى كالاتى .. ( موش متذكر بالظبط )

تزود الميه و تقفل غطا القربه .. تدور العربيه .. تفتح زرار السخن بتاع التكييف و تخليه على اعلى درجه سخونه ( مهم جدا علشان الهوا اللى جوه الدفايه يطلع ) .. و تسيبها دايره لعايه المروحه ما تشتغل .. ارفع لفات الموتور دقبقتين تلاته على الفين لفه .. بطل العربيه .. سيبها تبرد .. زود الناقص

تابع العربيه خلال اول يومين و زود الناقص .. و استمر فى المتابعه اول اسبوع او اثنين

[tasaka]

موضوع نقص الميه ده من الحاجات اللى لازم تتحل بسرعه و بدون تهاون .. لان كل مره الميه بتنقص الموتور بيسخن اكتر من اللازم ( حتى لو المؤشر فى النصف ) .. و ممكن تحصل حاجه ما تعجبكش

روح لواحد بتاع راديتير كويس .. يراجع التسريب من اين ؟؟

و خليه يراجع لك على جوده الخراطيم .. و غير اللازم

[tatooo_2011]

معلش سوال تانى انا روحت لواحد قالى مايه القربه فيها صدى و ده معناه الردياتر مش كويس هل ده ممكن يكون السبب

[tatooo_2011]

معلش سوال تانى انا روحت لواحد قالى مايه القربه فيها صدى و ده معناه الردياتر مش كويس هل ده ممكن يكون السبب

وًموضوع نقص المايه ده لاحظت انو مبيحصلش غير لما اشغل التكييف

[tasaka]

معلش سوال تانى انا روحت لواحد قالى مايه القربه فيها صدى و ده معناه الردياتر مش كويس هل ده ممكن يكون السبب

الصدأ ده ممكن بسبب استعمال ميه الحنفيه .. او ميه ملونه و لم يغيرها فى ميعادها يعنى سابها 5 سنين مثلا

اعتقد الصدأ حيكون فى الدوره كلها موش الراديتير بس ( غير متأكد )

ممكن يكون الرادياتير لسه كويس .. و تعمل تنظيف للدوره و تخرج الصدأ .. و بعدبن تحط ميه ملونه ( حسب مواصفه الكتالوج سواء التركيز او نوع الميه ( موش الماركه ) .. مهم جدا جدا جدا ) .. و انتبه جدا جدا فى اختيار الميه المناسبه لان فيه انواع ميه ما تنفعش تتخلط على بعض ( يعنى تبوظ لك موتور .. و الافضل مائه مره انك تشتريها من التوكيل او من بره بس تكون نفس بتاعه التوكيل الاصليه

وًموضوع نقص المايه ده لاحظت انو مبيحصلش غير لما اشغل التكييف

يبقى احتمال دوره ميه الدفايه جوه الصالون فيها مشكله

اما خراطيم داخله من جوه الكبوت .. زو اما الراديتير الصغير بتاع التكييف

روح اكشف و يمكن تكون حاجه بسيطه خرطوم موش راكب كويس او مقطوع او ما شابه ذلك

[tatooo_2011]

انا اسف على الازعاج انا نضفت الردياتر و مستنى اشوف النهارده الصبح حاجه غريبه حصلت العربيه دارت بصعوبه شويه و لما بجيب ال d كان فى زى رجه و لمبه ال hold كانت تنور و تطفى بعد ما مشيت بيها شويه اختفت و كل حاجه رجعت طبيعي

[tasaka]

انا اسف على الازعاج انا نضفت الردياتر و مستنى اشوف النهارده الصبح حاجه غريبه حصلت العربيه دارت بصعوبه شويه و لما بجيب ال d كان فى زى رجه و لمبه ال hold كانت تنور و تطفى بعد ما مشيت بيها شويه اختفت و كل حاجه رجعت طبيعي

معنديش فكره

بس الاوتوماتيك بيكون ليه تبريد .. يعنى الزيت بيمشى فى ماسوره جوه الرادياتير علشان يتبرد

لو انت كنت فكيت الرادياتير .. يبقى ده احتمال يكون سبب اللى حصل معاك .. و لما زيت الفتيس ملئ الماسوره و اخذ دورته الطبيعيه .. كل شيئ اتظبط ؟؟ احتمال