لخبراء الأفيو مطلوب الدخول فورا

[ahmednawar]

سؤالى هيبقى محدد
لو عاوز اشترى اختار ايه
افيو كورى ولا مصرى ولييييه ؟

السؤال ده علشان انا اسمع ان الأفيو فيها مشاكل طب المشاكل الكتير دى فى إيه المصرى ولا الكورى
ولا الاتنين وبالأخص مشكلة الrbm

الأرجو الأفاده

[أشرف العدوي]

انا معايا 2008 مصري
و مافيش مشاكل خالص لحد دلوقتي
و لا حتى الار بي ام غير مرة واحدة اول ما جبتها و بعد كدة ما عملتهاش
هتى ان انا معرفتش ان هي مشكلة غير من المنتدى هنا
و نصيحة لو انت مش مقتنع بيها بلاش تجيبها هات حاجة تانية في نفس السعر مثلاً شيفروليه لانوس
انا عن نفسي جبتها عن اقتناع تام

[shady_elkady]

الكورى احسن علشان الدهان و الشكمان و الزجاج و الفرش مش ناشف علشان المصرى تاكى و بس لكن مافيش فروق غير انك هتخسر المرايات الكهرباء قصدا حاجات اكتر احسن لكن اى عيوب فى العربية هتكون واحدة

[ahmednawar]

مساعده

ممكن اعرف هل فى فروق تانيه بين الموديلين ولا لاء ولو الأختلاف فى الشكمان والزجاج والدهان ايه يعنى هنا مستخدم ايه وهنا مستخدم ايه
يعنى مثلا الزجاج هنا عازل للحراره وهنا لاء ولا ايه ياريت التوضيح لو سمحت وشكرا لمشركتك




اما بالنسبة لعضونا اللى اشترا افيو مصرى 2008

انا فعلا مقتنع بالعربية جدا بس دلوقتى انا عاوز اعرف ايه الفروق بينهم لان انا من كتر الكلام اللى هنا فى المنتدى ده حسيت ان المصرى احسن من الكورى ولا ايه رايكم

[احمد عز]

انا معايا الكورى وفعلا مش حاسس ان فى فرق فى الشكل

[mada121977]

نصيحه لوجه الله ..اشترى عربيع غيرها يعنى شوف النيو اكسنت مثلا

[modamody_5]

على فكرة العربية بسم الله ماشاء الله عليها جميلة جدا ولحد دلواتى مفيش اى مشاكل غير حاجة واحدة بس انى بزعل لما بنوصل المكان اللى رايحينه من متعة سواقتها

[modamody_5]

نسيت اقولك ان الكورى احسن بكتير على الاقل فى الشكل من ورا هتلاقى الشكمان مش باين فى الكورى لكن المصرى باين غير انى فى المعرض ركبت مصرى لكن اللى جبناها كورى حسيت ان فرشها احلى وتقفيل الكبوت احلى