حد جرب فلتر k&n فى الابترا

[masterzmind]

يا جماعة حد جرب فلتر الهوا الرياضى فى الاوبترا اة اخبار السحب واستهلاك البنزين عامل اة

[masterzmind]

هوة السؤال غريب اوى كدة محدش بيرود لية يا جماعة مش دة بردو منتدى للسيارات

[Hosam_Optrawy]

اكيد محدش جربه عشان كدا محدش رد عليك

[masterzmind]

اتمنى ان حد يقول لأ مش يخوش يشوف الموضوع ويمشى ولة اة يا hanboly

[wael_adel31]

بص يا جميل أنا مركب عندى حاليا فلتر سيموتا أبو كفر استانلس كان عامل 280 وقابله كنت مغير بتاع 3 فلاتر تانية من أنواع مختلفة وقعدت فترة أقبل مشترى السيموتا بدور على ك & ن بس كل اللى لقيتة كان الطويل ومكنش ينفع يتركب عندى وعشان كده جبت السيموتا.
بالنسبة لطريقة التركيب: أنا جبت ماسورة حديد من عند مطراوى بتاع الشكمانات اللى فى الحرفيين ( أو من أى بتاع شكمانات) طولها حوالى 10-20 سنتيمتر ودى بدخلها فى الخرطوم اللى كان متركب فى الفلتر الأصلى (المربع الكبير)بعد متشيله كله وفائدة الماسورة بردو عشان تبعد الفلتر لأبعد مكان عن سخونة الماتور.
الأداء: أنا بصراحة بحس بالفرق فى الأداء أول مبشغل العربية وهيا باردة ولمدة ساعة عشان أول مالماتور بيسخن بلاقى الأداء بقى طبيعى وده بعرفة لما بحرق أولانى فى تانى ( النتش يعنى).
الصوت: الفلتر ده الوحيد اللى صوته باين فى العربية عن باقى الفلاتر وصوته جميل جدا مع الحرق.
العيوب: أنه محتاج نظافة أسبوعية عشان أول ميترب شوية بلاقى العربية اتخنقت مووت ( النظافة عن طريق فكه ورشه بالهوى المضغوط رشة جامدة)
أرجو أن أكون أفدتك وبالتوفيق