أستشارة في كاسيت افيو ( صيانة كلاريون )

[أشرف العدوي]

الكاسيت عندي باظ بقى يطلع الشريط لوحدة
المهم اتصلت بالتوكيل قالولي روح كلاريون احمد عرابي و هم بيصلحوه بدون مقابل إذا كانت السيارة في الضمان
روحت و ديت الكاسيت امبارح و اتصلت انهاردة و كانت المفاجآة
تكلفــــــــــــة التصلبح 590 غير شامل الضريبة قولتله هما في التوكيل قالولي انه بدون مقابل لان السيارة في الضمان
قالي احنا هنديك فاتورة و انت تروح تصرفها من منصور في الكيلو 4.5
انا حاسس اني هلبس الـ 590 جنيه
المهم بقوله هو الكاسيت اصلاً بكام
كانت المفاجآة التانية
4500 جــــــــــــــــــنيه
كاسيت شرايط بدون سي دي بــ 4500 جنيه !!!
ده السوني بشاشة تاتش بـ 1800 جنيه
حسبي الله و نعم الوكيل
انا كرهت العربية دي مش عارف ليه

[samehafez]

صلحه و خد الفاتورة و اطلع علي منصور و بمشيئة الله هتاخد فلوسك
الخطوة اللي بعد كده اشتري حته حلوة و شيل الكاسيت العبيط ده لحد ما تيجي تبيع العربية

[teamahmed]

انا عندى سى دى سونى بس حجمه اصغر من كاسيت الافيو ينفع يركب؟

[أشرف العدوي]

الخطوة اللي بعد كده اشتري حته حلوة و شيل الكاسيت العبيط ده لحد ما تيجي تبيع العربية

انا لو اعرف انه هيتكلف المبلغ ده كنت رميته و جبت واحد غيره و ماكلفتش عمرو منصور المبلغ ده
على فكرة انا كلمتهم في منصور و قالولي عادي هاخد الفلوس
بس لما سألت عن سعر الكاسيت ماعرفتش
قولتلها ده بيقولي 4500 جنيه
قالتلي ممكن
قولتلها ده من غير سي دي و لا يو اس بي و لا ايه يو اكس
قالتلي ممكن عادي

[samehafez]

الافضل لو هتركب كاسيت يكون 2din عشان يملا المكان و يا ريت تجيبه بالهاوسينج بتاعة و غير كدة من عند كلاريون بتجيب علبة كده بتركبها مكان الكاسيت الستوك
وبعد كده بتركب الكاسيت ال 2din بالهاوسينج بتاعه
لو هاتجيب كاست صغير 1din برضه عادي بس هتجيب علبه متقسمة اتنين ( معرفشي موجوده ولا لا )
علي فكره الكاسيت الستوك بتاع الافيو لو حبيت تغيره هيخدوه منك في التوكيل ب 150 جنيه و لو عاوز تشتريه زي ما قالولك ب 4500 جنيه
احسن حاجة اركنه و ركب حاجه تريحك ( مش عارف الفكرة بس الناس في مصر لما تيجي تشتري عربية مستعملة بيفرق معاها الكاسيت الستوك مش عارف ليه ؟!؟!؟!!؟ )

[hulk]

انا غيرت الكاست من اول شهر جبت فية العربية طبعا لانة اهبل وملوش لازمة اة صحيح منظر خرافى وماشى مع العربية والتابلو انما غيييييييييير عملى بلمرة اطلالالالالالالالاقا ...
الخطوات :
روحت توكيل كلاريون ف شارع النزهة بعد ميدان الحجاز هما ناس محترمة كمان شغلهم نضيف اوى عملت عملية استبدال ؟؟؟ يعنى اية ؟؟
اديتة الكاست الاصلى بتاع العربية واخدت بدالة كاست عادى كن وود وكمان علبة مقسمة اتنين زى ما قال الاخ الفاضل بيكرب فيها الالكست وهوة طبعا فية اى يو اكس و سي دى وشكلة تحفة بس مش زى الكاست الاصلى طبعا علشان الحجم !!
ودفعت الفرق واخدت ضمان كمان عليهم :)
المهم بقى تخيلو الكاست الى الاخ بيقول علية ب 4500 انا بعتة ليهم بكااااااااام ؟؟؟ 300 جنية :(
مش مهم اهم حاجة اسمع حاجة كويسة ونضيفة .. بس كدة
ولو احتاجت حاجة انا تحت امرك

[أشرف العدوي]

4500 انا بعتة ليهم بكااااااااام ؟؟؟ 300 جنية

هو ده الي ذهلني
بيقولي بيتصلح 590 جنيه غير الضريبة
قولتله هو الكاسيت كله بكام علشان يتصلح بالمبلغ ده كنت متوقع يقولي 600 بالكتييييييييييييييير
كأنه ضربني بشلوت على قفايا 4500 جنيه
كلمت منصور و حكيتلهم قالولي ممكن يكون بالمبلغ ده لو عايز تتأكد كلم قسم الصيانة و قطع الغيار
قولتلهم انا مالي و انا هدفع حاجة من جيبي

[shady_elkady]

الكاسيت عندى عمل نفس المشكلة و كمان كان بيقلب لوحدة و رحت و داتة احمد عرابى و اديتة الضمان الى كان فى درج العربية و تانى يوم استلمتة و مدفعتش و لا مليم و بعد اسبوع رجع نفس العيب وديتة تانى و استلمتة تانى يوم من غير و لا مليم و من ساعتها الحمد الله شغال كويس و الراجل ساعتها قلى الكاسيت دة فية عيب صناعة و المصنع الى عاملة فى مدينة السادات و هما عارفين المشكلة علشان كدا بيصلحوا مجانا علطول و قلى كمان ساعات بيدفعولك فلوس


بس عموما انا فتحت الكاسيت من جوة بنفسى عبارة عن ميكانزم اهبل و باقى الحجم دة علبة فاضية و انا شايف انا ميسواش و لا مليم و خصوصا بتاع الافيوا لانة مفيهوش aux

[mario_9111]

اخر الكلام
لو عايزين كاسيت اصلى للعربية cd + aux
اصلى زى الى موجود فى العربيه الى بيجى فى العربيات الاستيراد الكورى بتاع بره
موجود بيتباع فى الحرفيين
وبعدين اصلا مشتغلش خالص طبعا عارفين حاجة بره
الشاشة الخارجية بس بس خاى باللك الخارجية بتاعت الشاشة بتكون مكسوره علشان تتطلع العربية من الجمرك لازم يكون فيها حاجات متكسرة
الحل
خد غطاء شاشة الكاسيت المعفن بتاع هنا وحطها عاى التانى
وطبعا كسر الشاشة احسن علشان الى فى الحرفيين ولاد ايه كده هتعرف تفاصل ميه ميه
لو عايزين العناوين كلمنى على 0105548470

[أشرف العدوي]

انا روحت منصور انهاردة و صرفت قيمة الفاتورة 648 جنيه شاملة ضريبة المبيعات
بس الموضوع خد وقت حوالي ساعة و مش عاف ليه اخنقت منهم

[shanodaa]

طلما اخد الفلوس مش لازم يغير يستخدم التسجيل عادي جدا ولما يبوز يشتري واحد تاني من الحرفيين

[teamahmed]

عمل ايه يباشا بى648 دول ؟؟

[أشرف العدوي]

غير حساسات و موتور و هيد تقريباً غير كل حاجة بس انا عارف انها اشتغالة .
لان و انا بجربه عمل نفس الحركة قالي العيب من الشريط
قولتله ده انظف شريط في السوق من راديو شاك
قالي هات واحد من أبو 15 جنيه
المهم الشريط اشتغل عادي و لما حطيت شريط غيره عمل نفس الحركة
قالي لو طلع الشريط لوحده ابقى هاتوا تاني
بس بصراحة الكاسيت شغال دلوقتي زي الفل حتى مش بيقلب لوحده
هو قلب لما كنت بجربه بس

[Rembrandt]

هزة المشكلة كانت فى معظم عربيات شيفورلية

[girgis3510]

المشكله بتاعةالكاسيت دى حصلت فى كاسيت السيارة الاوبترا بتاعة عماد صحبى وفعلا روحنا صلحناه ب600 جنيه تقريبا وبعد يوم روحنا الفرع الرئيسى لمنصور واستلمنا الفلوس كامله
حاجه غريبه فعلا انك تصلح كاسيت ميسواش 300 جنية ب600 جنية وتروح تستلم الفلوس بتاعتكك من الفرع الرئيسى
وعلى فكرة لما تروح تستلم الفلوس بتعاملوا معاك كانك رايح تصلح السيارة يعنى بتاخد رقم وتستنى وكلكم عارفين اللى بيحصل فى المصالح الحكوميه (متاسف)فى منصور شيفرولية
بس فى النهايه توكيل محترم