اكصدام الاوبترا يا جماعة

[shetos_basha]

بسم الله الرحمن الرحيم

يا جماعة محدش يعرف مكان اشتري منه اكصدام اوبترا امامي

لانه في التوكيل غالي قوي ب 1500 جنيه

انا سمعت ان في منه الخليجي والعادي اللي هوه بينزل هنا معاها بره التوكيل ارخص فعايز اعرف بكام ومنين

انا لسه عامل حادثة وهغير سربنتيته وريتياتير ب3500 جنيه فحرام بجد ادفع في الاكصدام 1500

وبعدين هي قطع الغيار غاليه كده ليه انا كنت فاكر انها ارخص من كده

ارجوكوا فدوني يا جماعة

وقلولي برضه على مكان سمكره كويس متخصص في الاوبترا ويكون حنين وشغله كويس

[yassersea]

على فكرة أنا واحد صاحبى قالى أنه بيتباع بحوالى 300 جنية برة التوكيل و أنه موجود فى فيصل هناك فيه ناس بتقطع أوبترا و بتبعها و ربتا يسهلك و تعتر فى واحد من دول.

[shanodaa]

اتعب شويه ودور عليه في الحرفيين وفي عزبه شلبي واكيد هاتلاقيه في بور سعيد

[abou-yahia]

اكصدام الاوبترا عن تجربه الصيني بيتباع في شارع معروف في وسط البلد ب حوالي 300 جنيه ذي ما الاخ ياسر تفضل وقال بس هوه عيبه انه مش محمل قوي ذي الاصلي بس نصيحه لو الاصلي ممكن يتلحم الحمه ولو منفعش خليك فيه وصدقني حيمشي وشكله بيكون حلو مش حتحس بفرق كبير غير لما تكون ماسكهم مع بعض قبل التركيب
شكرا

[wael_adel31]

عليك وعلى الحرفيين ياباشا
هناك هتلاقى اكصدام اصلى بس طبعا استعمال عشان هما بيقطعو العربيات وربنا يعوض عليك

[shetos_basha]

شكرا يا شباب وانا هحاول اصلحه وربنا يهل ولو شكله مبقاش ظريف هشوف حد في معروف كلهم هناك حبايب الوالد وممكن يخدموه

[shetos_basha]

عليك وعلى الحرفيين ياباشا
هناك هتلاقى اكصدام اصلى بس طبعا استعمال عشان هما بيقطعو العربيات وربنا يعوض عليك

طيب انا كنت عايز اسألك سؤال انت جايب اكصدامتك دي منين وشكرا

[wael_adel31]

طيب انا كنت عايز اسألك سؤال انت جايب اكصدامتك دي منين وشكرا

بص ياشيتوس أنا الاكصدمات بتاعتى هيا هيا الأصلى بتاعت العربية بس أنا مزود عليها فايبر والشغل ده عملته عند بسام اللى فى الحرفيين.

[shetos_basha]

ياريت اعرف التكلفة يا باشا