أول فرونتيرا بفانوس كريستال في مصر

[Adham]

لقيت فانوس خلفي كريستال عند تاجر كماليات جايب عينات من فوانيس متعددة و لقيت عندة "فردة" فانوس شمال هو اصلا مش عارف دي بتاعه اية
بيقول "تويوتا هاي أيس موديل 98" بس في الحقيقة هي بتاعه "ايسوزو دوبل كابينة" اللي هي نفس فوانيس الشيفرولية الفرونتيرا بالضبط, عالعموم انا عجبني و جبتة لغاية ماالمستورد يجيب شحنة الفوانيس الجاية و اجيب الفردة اليمين بدل مانا ماشي فردة وفردة كدة,هههههههههههه
اللمبة العلوية مارشدير و الوسطى إشارة و السفلى الحمرا طبعا نور و فرامل

عاوز رأيكم فية

و على فكرة سعرة 175 جنية اعتقد سعرة مناسب جدا

[Adham]

اية يا شيفرولاوية 7 دخلوا البوست و محدش قال ان كان شكلة حلو وللا وحش ؟؟؟

[totaman]

هوة جميل بس انا ليا راى
لو تقفل الفانوس بلون احمر او اسود
هتبقى اشيك وياريت تقبل راى

[Hosam_Optrawy]

الف مبروك بس متنساش تجيب الفرده التانيه وتصور الاتنين بقى عشان نشوف شكلها ونقدر نحكم اذا كانت شكلها حلو ولا

[kingkassem]

جميل جدا

و ربنا يبركلك فية


و بصراحة شكلة كدة لما الفردة التانية تيجى حيبقى جامد

[kingkassem]

معلش كنت عاوز اسألك على جاجة

اه تقيمك للعربية ده حاليا و عملة اه معاك يعنى هي و لا الشروكى نفس المدل ؟؟

معلش كمان سألين

سعرها يكون عامل حوالى كام حاليا فى المتوسط للمدلات ال 2000 حتى 2004

و استهلاكها للبنزين و مشكلة الفتيس و الموتور دول لو جرلهم حاجة لا قدر الله الصيانة بتعتهم غلية اوى كدة انا قراءت هنا فى المنتدى كلام جامد اوى ( 50000 )


بصراحة العربية ده انا مقتنع بيها جدا جدا جدا
و اكتر من الشروكى

بس بحب استفسر من اهل الخبرة

[patshi]

شغال يا باشا زي الفل .. و المصريين لمساتهم زي الفل

[theprince2009]

هوة جميل بس انا ليا راى
لو تقفل الفانوس بلون احمر او اسود
هتبقى اشيك وياريت تقبل راى


معاااااااااااه في الراي ده فعلا ممكن يغير من شكل الفانوس كتير

[Adham]

انا كنت فعلا بافكر ارش لون العربية عالنيكل من جوة بس اسيب الدواير اللي بحزوز حوالين اللمبات بلون النيكل

بس متهيالي ان الوش الشفاف دة مش بيتفك

مش لاقيلة اي مسامير

حافكة تاني و ابص كويس

و شكرا عالتعليق و الاهتمام يا جماعه

[Adham]

معلش كنت عاوز اسألك على جاجة

اه تقيمك للعربية ده حاليا و عملة اه معاك يعنى هي و لا الشروكى نفس المدل ؟؟

معلش كمان سألين

سعرها يكون عامل حوالى كام حاليا فى المتوسط للمدلات ال 2000 حتى 2004

و استهلاكها للبنزين و مشكلة الفتيس و الموتور دول لو جرلهم حاجة لا قدر الله الصيانة بتعتهم غلية اوى كدة انا قراءت هنا فى المنتدى كلام جامد اوى ( 50000 )


بصراحة العربية ده انا مقتنع بيها جدا جدا جدا
و اكتر من الشروكى

بس بحب استفسر من اهل الخبرة

انا سبق واتكلمت عن الموضوع دة في بوست سابق

بس حاقولك
الفرونتيرا احسن من الشيروكي اللي في موديلها و سعرها كمان اغلى, سواء وهيه زيرو او الان مستعملة
كانت ب 155 و الشيروكي ال6 ب 130 و ال4 ب 112
الشيروكي تزيد عنها ال ABS و Air Bag
بس الفرونتيرا عزم موتور احسن علشان V6 24 valves
و الثبات اعلى علشان اوطى و اعرض و العفشة الايسوزو انعم و اقوى و قطع غيارها ارخص بكتير
و تبريد الفرونتيرا احسن سواء تبريد الموتور او قوة التكييف
و الحاجات الاستيراد برضة موجودة في الفرونتيرا عادي عند ناس معينة
و فية حاجات كتير من النص نقل دبابة و ايسوزو بتركب عليها زي ماهيه
المساعدين 380 ج
التيل 50-80 و الياباني 175
سير الكاتينة الاصلي 300 ج
فانوس امامي 65
شبكة 85
بس فية حاجات معينة بالاخص في قطع غيار الموتور بتبقى غالية

استهلاك البنزين حلو جدا في السفر
ممكن يوصل ل 190 كيلو في الصفيحه لو العربية موتورها كويس و مثبت على 90
و جوة البلد من 80 ل 110 كيلو للصفيحه حسب سواقتك والوقوف في الاشارات و كدة

انا كنت جايبها من سنة و نص ب 102 الف موديل 2000 صيانة توكيل و بحالتها و كل حاجتها شغالة ناقصة بس ال سي دي شانجر و اشتريتة بعد كدة
اعتقد دلوقتي نزلت الاسعار يمكن 15-20%

[kingkassem]

الف الف شكر على ردك يا باشا

و الله انت حببتنى فيها و خلتنى اشوف كل الكلام ال اتقال عنها

و واضح انها عملية جدا

استهلاك البنزبن ده مش وحش

ده قريب من الأوبترا

المشكلة فى العربية ده حجتين
1- ان كل الموجود منها بسم الله ما شاء الله عدد الكيلو مترات فى الليمون و صعب تلاقى وحدة نظيفة
2- انا قراءت فى احد الموضيع هينا عن عمرة الموتور حوالى 50000
و ده طبعا رقم فلكى

بس غير كدة العربية تعتبر افضل عربية 4*4

و شكرا على اهتمامك و ردك

[Adham]

لسة في اهرام الجمعه كان واحد عارض فرونتيرا موديل 2003 عاملة 40 الف كيلو للبيع
و فية كتير منها مش ماشي كتير

و خللي بالك في العربيات ال 4*4 في الفئة دي (من حيث الصناعه و سعه الموتور العالية) 200 الف كيلومتر مش كتير
العمواتير دي مفروض تمشي 800 الف كيلو قبل ما تتعمر لو بتحافظ عليها بالصيانة الدورية و غيارات الزيت

و تصحيح لمعلومتك

سعر موتورها بالكامل في التوكيل زيرو 38000 جنية
جديد بالصندوق بالفاتورة و ضريبة المبيعات (يعني اتنين وش سلندر و بلوك وكرنك و بساتم و صبابات و كامات و انجكشن و.......)
و دة سعر مش غالي , لكن مش زي مانت قلت انة سعر "العمرة" 50 الف, لأ سعر الموتور جديد بالصندوق شامل 10% ضريبة 38 الف بس و محدش بيشترية

و الموتور دة بالفتيس بالكمبيوتر بتاعه بيتباع استيراد في حدود 17-18 الف جنية عند تاجر اعرفة

و موجود في بورسعيد استيراد و متقطع كمان

[kingkassem]

الله ينور عليك

كدة تمام اوى

انا قراءت الكلام ده على الموقع هنا مش اكتر و كنت عاوز اتاكد قبل ما اشترى بس

لان الموضوع ده فى دماغى اوى

لانها عجبانى اوى اوى


و شكرا على سعة صدر و ردوك القوية

[chevfrontera]

يا ريت لو حد يدلني علي مكان معرض متخصص في بيع الفرونتيرا و يبعتلي علي helwamohamed@gmail.com انا عايز اشتري العربية و مش عارف بتتباع قين و سالت قي منصور قالي ما بيونتجش منا جديد----------------------ارجو الرد بسرعة -------------شكرا ===اخوكم محمد

[esloob]

اللون الشفاف مع لون العربية الزيتى عايز حاجة تقفله !!