جنرال موتورز مصر تسعر شيفرولية كروز بـ 170 الف جنية !!

[Mostafa Taher]

مجموعة جنرال موتورز مصر قررت يوم الخميس 29 يناير وبناء على استطلاعات الرأى التى قامت بها اثناء معرض فورميلا الاهرام تسعير سيارتها الجديدة شيفرولية كروز بمبلغ 170 الف جنية مصرى داخل السوق المصرى .. و السيارة تاتى بالكامل من الخارج ولا يتم تجميع اى من اجزاءها في مصر وكما هو مقرر حتى الان ستنزل كروز الى مصر بفئتها الكاملة فقط والتى تم تسعيرها بالمبلغ المذكور مزوده بمحرك 1600 سى سى / 112 حصان .

انا توقعت انهم بمنتهى الذكاء لما عربية تنزل بهذة الفخامة و 1600 سى سى فقط يعنى في شريحة جمركية مختلفة تماما عن شريحة الـ 2000 سى سى في مصر .. الا ان تسعير السيارة دى بهذا المبلغ يعتبر إلى حد كبير حكم نهائى عليها بالاعدام !!!.

مصطفى طاهر

[hero]

واضح ان مسؤلي التسويق والتسعير ...مش عايشين معانا في مصر...ومش حاسين ان السعر دة لا يناسب شركة سيارات امريكية....مهما كانت كمالياتها...

[K.LOTFY]

طيب هي دي أمريكي ولا كوري زي الأوبترا؟؟؟؟

[Ghamrawy]

دى كورى مش امريكى

[K.LOTFY]

يبقى برضه خليها تصدي

[momenhamdy]

و الله يا جماعة انا حاسس مبدأياً ان العربية موتورها تقيل علي الشاسيه دا لان العربية شكلها وزنها كبير دا ومحتاجة مش اقل من 2000 سي سي دا اولاً
ثانياً السعر ال واحد مش عارف هل هي تستاهل و لا لا يعني العربية ايه الامكانيات الي فيها (بصرف النظر عن الحملة و مفروض يكون سعرها كام )
ارجو يا جماعة لو في حد عنده اي فكره عن امكانيتها بالكامل يذكرها ......

[mada121977]

والله هاتصعب عليا انها تصدى.. بس هما اللى جابوه لنفسهم مفيش اى لمحه ذكاء عند مسؤلى المبيعات دول

[blazer]

اولا بخصوص الماتور مكنش لازم يقل عن 120-130 حصان
نفيش عربيه بتنزل دلوقتى فى فئه ما فوق ال 120 الف الا بماتور قوى
(يعنى ال affective ميقلش عن 110حصان)
انما ايه الماتور ابو 115 حصان فى عربيه نازل نص سنه 2009
ثانيا العربيه شكلها جميل جدا و كنت مستنى نزولها مصر هى و الكيا فورتى
انما بعد التسعير العجيب دا قفلت عليها الميخ والهوا والنور و فتحت باب الصداء من اوسع ابوابه
اى حد معاه 170 الف يروح يشترى سيفيك او جيتا او فيكتر او اوكتافيا او ميجان افضل 100 الف مره من شيفروليه

[mostapha]

Funny price:POINTI~2[2]:

[M.Osman]

سؤال : هو الناس دى مبتفهمش ؟
اذا كان السوناتا 2000 سي سي و سعرها منافس جدا و رغم كدا تعتبر منجحتش لأن فى بدائل افضل فى الفئة السعرية دى ... ( ألمانى او يابانى )

GM جايبين عربية كورى 1600 و حاطين عليها لوجو الشيفي و فاكرين انها هتتباع بـــ170 ؟؟؟؟؟

لأ لأ يا جماعة ...

واضح ان مجال الـــMarketing مستنيني :) :)

[ahmed_wbt]

حسب وجهه نظر الناس بتوع مبيعات شيفروليه

ان العربيه دى من نفس فئه الفيكترا ولا تقل عنها بأى حال

وعلشان كدا تم تسعيرها فى الفئه دى

انا يوم ما كنت فى المعرض قابلت ناس منهم اعرفهم وكانو بيقولو ان السعر المقترح من 140 ل 160 الف كبدايه

لكن واضح انها سافرت منهم بعيد قوى

[Amr_Moh]

واضح ان مسؤلي التسويق والتسعير ...مش عايشين معانا في مصر...ومش حاسين ان السعر دة لا يناسب شركة سيارات امريكية....مهما كانت كمالياتها...

+1111111111

[Amr_Moh]

سؤال : هو الناس دى مبتفهمش ؟
:) :)

[SeiffoZ]

مش العربية دى جيب؟؟؟
أنا شايف إن سعرها كويس بص دفع رباعى ...
170000 .. بص التيجو و السكوربيو بكام!!

[Amr_Moh]

حسب وجهه نظر الناس بتوع مبيعات شيفروليه

ان العربيه دى من نفس فئه الفيكترا ولا تقل عنها بأى حال

وعلشان كدا تم تسعيرها فى الفئه دى

لكن واضح انها سافرت منهم بعيد قوى

حتى لو نفس الفئة -- لكن الفيكترا ليها إسمها بتبيع به بس ده مين يعرفها؟


فرصتها ضعيفة جداً بالسعر دة فاليومين الزرق دول