الأفيو المجمعة محليا هل سعرها مبالغ فيه ؟؟؟

[د.أحمد سمير]

التفسير الوحيد للحكاية دي إنهم عايزين يثبتوا سعر العربية لحد ما التجار و الوكيل يبيعوا العربيات الكوري اللي عندهم ، عشان أكيد لو سعر التجميع المحلي أرخص ، هيبيعوا العربيات الكوري بصعوبة ، ده تفسير شخصي مش أكتر

موافق تماماً ..
ده هيخللي أي شخص يفكر بالأفيو أن يسارع بشراء الكوري ، وبعد ما تخلص الكمية ترخص ألف ولا ألفين .. واللي مش عاجبه يشرب من البحر

[mido]

الافيو الاتوماتيك لما نزلت زمان كانت ب 89.900 و هاتش باك اكيد الجديده هتبقى ارخص

انا عندى سؤال هنا
لما المصرى ينزل بسعر اقل ده هينزل سعر المستعمل منها جامد ولا المستعمل ممكن يحافظ على سعره على انه كورى و اصلى والكلام ده ؟؟

[شريف]

بس لما الانوس يتوقف انتاجها اكيد دة هيعلى تمن الافيو الزيرو

[tamohsen]

سعر مبالغ فيه طبعااااااااااااااااا
يعني تشتري مثلا أفيو اوتوماتيك تقفيل مصري ب 80 ألف !!!!!!!!
ولا سيريون اوتوماتيك مثلا يابانيييييييييييييييي ب 85 ألف
ولا ياريس اوتوماتيك يابانييييييييييييييييييييي ب 90 ألف

[Ahmed Anwer]

انا عندى سؤال هنا
لما المصرى ينزل بسعر اقل ده هينزل سعر المستعمل منها جامد ولا المستعمل ممكن يحافظ على سعره على انه كورى و اصلى والكلام ده ؟؟

حضرتك متخفش علي حكاية سعر بيع المستعمل بتاعها أعتقد إن اللي حصل ده مصلحة لحضرتك هتستفيد من ناحيتين عربيتك هتبقي كوري و تبقي دي ميزة جامدة جدا ، ثانيا العربية بعد التجميع المحلي المتوقع إنها تنتشر جامد زي اللانوس فهيبقي سوقها في المستعمل أسرع و مطلوبة أكثر و قطع غيارها أرخص
إلا بقه لو عملوا فيك مقلب جامد و نزلوا سعر العربية عشرتلاف جنيه مثلا ، زي ما عمل غبور مع الفيرنا كان منزلها الأول ب 90000 بس دي شئ مستبعد

[sab3aawy]

بتخيل بعد ما تنتشر العربية دى والميكانيكية يخترعولها اسم محرف سهل النطق عليهم على غرار ماستوبيشى وأكسلانت ولاموس ومرشيدس وفلوكس والحاجت دى

غالبا هيسموها :افيون

[شريف]

:lol:

[MMamdouh]

غالبا هيسموها :افيون

و دى بقى بتتركب ولا بتتشرب؟؟ :lol:

الافيو فى الاساس هى تطوير اللانوس و لولا مشاكل اسم دايو كانت نزلت بالفعل كا دايو و كانت كسرت الدنيا فى مصر لان اسم الدايو هنا جامد جدا

العربية عفشتها قريبة من النوبيرا فى المقصات الامامية و ورا اقرب للكورسا من اللانوس... الموتور هو هو موتور اللانوس بس الmanagment غالبا Delphi و فيها اتنين كتالتك عشان كدة قلت 3 حصان عن اللانوس... الفرق التانى فى الموتور ان القاعدة اللى فى وش الموتور زى قاعدة النوبيرا و الليجانزا و بالتالى مواتير اللانوس متركبش فى الافيو و العكس بالعكس

انا شايف ان موتورها ضعيف عليها زى برضة اللانوس بس الميزة عن الفرامل فيها اكبر من اللانوس و طبعا شكلها حلو موووووووت

بالنسبة للسعر فا دة شىء طبيعى جدا نتيجة للجشع... فى السعر دة اللانوس حتتباع برضة و اللى مش عاجبة سعر الافيو يروح يستورد واحدة من برة بمعرفتة و طبعا حتنزل بمكونات زبالة و بمرور الوقت حتبقى ازبل و ازبل و السعر هو هو و الفرق بيروح فى جيوب المستثمرين و شكرا للسيد المواطن

MMamdouh

[Ahmed Anwer]

أنا لا أسمحلك إنك تتكلم عن شركة سيادة الوزير بالشكل ده :D :D :D :D :D

[محمد ابراهيم 1]

مفيش فايده
مفيش حمايه للمستهلك
مفيش ضمير
مفيش دم
مفيش التجاره المحترمه التاجر الأمين الصدوق ده وهم
المواطن مصرى مسكييييييييييييييييييييييييييييييييييييييييييييييي يييييييييييييييييييييييين

[Ahmed Anwer]

لو تلاحظوا ، غبور كان بقاله فترة كل إعلانات الجرايد بتاعته عن الأتوس و السوناتا ، الموديلات اللي مش بايعه أوي عنده ، اليومين دول زود الإعلانات أوي عن الفيرنا تقريبا حس بالمنافس الجديد بس زود سعر ال 1600 الأتوماتيك خالها 75000 بعد ما كانت مفيش من شهرين ب 73000
بتهيألي الإسبرانزا بعد مشاكلها و القواضي اللي مرفوعة عليها بقت خارج المنافسة ، مش عارف ايه بقه حكاية ال waiting list بتاعتها دي انا شايف انتشارها بسيط جدا مقارنة بالأفيو و أكيد الفيرنا و اللانوس ، بتهيألي نوع من الدعاية مش اكتر