قصة شراء .... لماذا اشتريت الاوبترا ؟!!

[Hosam_Optrawy]

السلام عليكم ورحمة الله وبركاته
الموضوع ده انا هاحكى فيه تجربة شرائى لعربيتى الاوبترا
والعربيات اللى كنت بقارنها بيها
لعل وعسى يكون الموضوع مفيد لمن يريد الشراء

فى البدايه الواحد لازم يحدد احتياجاته
كنت عايز عربيه فى حدود 95 او 100 الف
تكون 1600 اوتوماتيك سيدان
وتكون فل اوبشنز واعادة بيع كويسه لأنى باغير العربيه كل كام سنه ومتكونش تقفيل مصرى

قلت ابص على اليابانى الاول
لقيت 3 عربيات
لانسر بوما ونيسان تيدا وسوزوكى SX4
والاسعار كانت اغلى من امكانياتى لانها ساعتها كانت فى حدود ال 110 وغليت كمان فى وقتنا الحالى
وكمان مش بحب شكل لا التيدا ولا ال SX4

اذا نبص على الكورى
كنت بقارن بين 3 عربيات
النترا وسيراتو واوبترا

الالنترا انا اصلا بعشقها واول عربيه امتلكها فى حياتى اصلا كانت النترا 98 اوتوماتيك
بس الالنترا واجهتنى فيها مشكلتين
اول حاجه السعر كانت عماله تغلى لحد ما وصلت الاوتوماتيك 110
وتانى حاجه التوكيل وده انا استويت منه شخصيا مش واخدها بالسمع لان كان معايا اكسنت 1300 مو 2006 وكنت بتعامل معاه

كدا المقارنه انحصرت بين السيراتو والاوبترا

السيراتو بقى هى اللى انا كنت متحيزلها من البدايه وبحبها كدا لله فى لله وده برضه لانى كنت بمتلك فى يوم من الايام كيا سبكترا اوتوماتيك مو 2004
واجهنى برضه كذا مشكله
اعادة البيع مش زى هيونداى وشيفروليه وده بسبب مشكله الوكيل والمشكله اللى كانت حاصله
الفئه الاولى فى الاوتوماتيك اللى ب 97 ناقصه كذا حاجه تضايق زى المرايات الكهربا والفوج لايت فكدا هاضطر اجيب اللى ب 102 الف
وكمان لما نزلت اتفرجت عليها معجبتنيش من جوا والكاسيت مش الاوريجينال بتاعها مع انى بعشق شكلها من برا

كدا بقى مفيش غير الاوبترا مع انها اخر عربيه كنت اتوقع انى اجيبها
بس لما اتفرجت عليها كويس لقيت فيها كل احتياجاتى
سعر مناسب - عربيه 1600 اوتوماتيك قويه تقفيل كورى - توكيل ممتاز وقطع غيار متوفره ورخيصه - واسعه جدا من الداخل ومن جوا شيك ومن بره شكلها حلو برضه مش وحش - فيها اوبشنز زياده عن عربيات فى فئتها بالنسبه لسعرها زى المرايات كهربا وفوج لايت وكاسيت اوريجينال فيه فتحة AUX لتوصيل اى بود او سى دى وجراب نظاره وحامل اكواب ومسند ذراع وفتح الشنطه من الريموت وغيره
توكلت على الله ونويت على الاوبترا وتعبت اوى على ما لقيت الاسود اوتوماتيك بس الحمد ربنا وفقنى

ودى كانت قصتى باختصار والحمد لله غير ندمان وسعيد بهذا الاختيار

[egyptianmafia]

Ya man el Optra de gamda.......

i see an Optra every 3 seconds on the street!!!!!!!

[dinow]

مبروك يا مان و ربنا يوفقك , قصه ممتازة

[totaman]

بصراحة كل اللى حصلك ده حصل معانا برضه
فكرنا فى كذا عربية
قولنا لادا - شاهين -فيرنا -ياريس - ميتسوبيشى لانسر 2008 ودى كنا خلاص اتفقنا هنخلص فيها سمعنا ان قطع غيارها عالية جدا علشان يابانى وكمان عيب انها بتوطى من ورا من شخصين فقط
وفى الاخر استقرينا على الاوبترا
وربنا وفقنا الحمد لله ومش ندمانين زيك والعربية جميلة جدا وتقفيلها حلو وثباتها ماشاء الله وفيها النقطة اللى كنا مركزين عليها انها مهما وطيت فهى برضه عالية عن الارض
وزى ما قال الاخegyptianmafia
العربية نجحت واثبتت كفاءة لدرجة كل شوية فعلا اشوف واحدة
واشكال والوان
احنا فضلنا اللون النبيتى وكنا بنفكر فى الاسود بس قلنا بيحتاج نضافة
وطلع النبيتى شرحه يلا الحمد لله على كل شئ
وانا شايف ان مفيش حد جاب الاوبترا وعاب فيها
انا اسف لو كنت طولت عليك انا بس حبيت احكى تجربتى
وشكرا على الموضوع الجميل

[Hosam_Optrawy]

متشكر اوى ياجماعه على كلامكم
والف شكر totaman على تجربتك

[NeroNastro]

Hosam basha
you are telling the story of my life with cars, if i would write a similar subject i would write exactly what you wrote
the one thing missing is i did not buy the optra yet, but isA soon I will

[Hosam_Optrawy]

طيب حلو فى حد بيفكر زيى اهو
مبروك عليك الاوبترا مقدما NeroNastro

[ahmed643]

تجربتىصوره طبق الاصل من تجربه totaman بردو عشان الارتفاع عن الارض وانها واسعه وبردو كنت بفكر فى الاسود وبعدين استبعته لنفس السبب انه بيحتاج عنايه باستمرار وبردو جبتها نبيتى وبالفعل طلع شرحووووووووووووووووووووووووو

والحق انا اقول انها اختيار موفق جدا والحمد لله
والحمد لله وربنا يكفينا شر الطريق

[Hosam_Optrawy]

مشكور على مشاركتك بتجرتك

[Hosam_Optrawy]

وياريت اللى عنده تجربه ميبخلش علينا بها

[aif]

انا حكايتي مختلفة شوية
انا من اول ما قررت اشتري وانا حابب الأوبترا ..... وبعدين عيني زاغت شوية على الالنترا .... لقيت الالنترا اغلى ب 12000 و الفرق اللي بينهم ما يستاهلش المبلغ ده ...
وبعدين قولت اشوف حاجة ارخص .... شوفت الفيرنا ....لقيتها ضيقة وواطية ووكيلها سمعته مش أوي
رجعت مرجوعي للأوبترا علشان :
الكابينة واسعة جدا
العربية عالية وفي نفس الوقت ثابتة علي السرعات
تقفيلها في منتهى الشياكة
فيها لمسة فخامة من جوه .....مع انها كوري لكن برضه تحس فيها بفخامة شيفرولية
انتشارها ممتاز
سعر اعادة بيعها جيد
توكيلها محترم

[MedaSam]

كلامكم ده مطمني قوي ..... انا خلاص بفكر جديا أشتريها بس عندي ليكو كام استفسار:
1- سمعت كتير ان عفشه العربيه ناشفه عموما و في أول 3000 طبعا ... ايه رأيكم؟
2- هوه صحيح الأوتوماتك ب 35000 جنيه !!!!!! I mean the gear box
3- واحد صاحبي عند والدته أوبترا قاللي أول لما تجيبها تفرشلها كراسي و أرضيه جلد ..... القماش اللي بتنزل بيه تعبان قوي و بيتقطع بسهوله ...... ايه رأيكم؟
4- كان في كذا موضوع هنا في المنتدى عن التوكيل انه مش قد كده و الصيانه تعبانه .... حصل معاكم حاجات غريبه قبل كده؟
5- حاجه أخيره ...... أنا مش متخيل اني هشتري عربيه ما سوقتهاش قبل كده ..... ممكن برضه لما أسوقها أكتشف حاجه عمري ما كنت هعرفها اللا لو سقتها ...... ممكن أكون أنا موسوس شويه بس دي بالنسبه ليا نقطه مهمه جدا .... أنا طبعا عارف انه مش سهل الواحد يخلي الناس تجرب عربيته و التوكيل معندوش test drive.... بس اللي ما عندوش مانع يقوللي ...... أنا ساكن في المهندسين

أنا أسف للأطاله و مبروك عليكم جميعا الأوبترا

[Hosam_Optrawy]

كلامكم ده مطمني قوي ..... انا خلاص بفكر جديا أشتريها بس عندي ليكو كام استفسار:
1- سمعت كتير ان عفشه العربيه ناشفه عموما و في أول 3000 طبعا ... ايه رأيكم؟
2- هوه صحيح الأوتوماتك ب 35000 جنيه !!!!!! I mean the gear box
3- واحد صاحبي عند والدته أوبترا قاللي أول لما تجيبها تفرشلها كراسي و أرضيه جلد ..... القماش اللي بتنزل بيه تعبان قوي و بيتقطع بسهوله ...... ايه رأيكم؟
4- كان في كذا موضوع هنا في المنتدى عن التوكيل انه مش قد كده و الصيانه تعبانه .... حصل معاكم حاجات غريبه قبل كده؟
5- حاجه أخيره ...... أنا مش متخيل اني هشتري عربيه ما سوقتهاش قبل كده ..... ممكن برضه لما أسوقها أكتشف حاجه عمري ما كنت هعرفها اللا لو سقتها ...... ممكن أكون أنا موسوس شويه بس دي بالنسبه ليا نقطه مهمه جدا .... أنا طبعا عارف انه مش سهل الواحد يخلي الناس تجرب عربيته و التوكيل معندوش test drive.... بس اللي ما عندوش مانع يقوللي ...... أنا ساكن في المهندسين

أنا أسف للأطاله و مبروك عليكم جميعا الأوبترا

شوف يا استاذ
1 - العفشه بعد ال 5000 بتنعم وبتكون احسن
2 - سعر الجير بوكس الاوتوماتيك 32000 عشان يابانى
3 - انا حاطط عراقات على الكراسى عشان احافظ على الفرش مش عشان هو مش حلو
4 - شخصيا رأيى انه كويس ومعملش معايا مشاكل بس كل بتوع الافيو بيشتكوا منه
5 - بالنسبه لطلب انك تجرب العربيه انا لو سمحتلى ظروفى انك تجرب عربيتى انا مش هتأخر ان شاء الله وهبقى اتفق معاك على ميعاد

[Hosam_Optrawy]

انا حكايتي مختلفة شوية
انا من اول ما قررت اشتري وانا حابب الأوبترا ..... وبعدين عيني زاغت شوية على الالنترا .... لقيت الالنترا اغلى ب 12000 و الفرق اللي بينهم ما يستاهلش المبلغ ده ...
وبعدين قولت اشوف حاجة ارخص .... شوفت الفيرنا ....لقيتها ضيقة وواطية ووكيلها سمعته مش أوي
رجعت مرجوعي للأوبترا علشان :
الكابينة واسعة جدا
العربية عالية وفي نفس الوقت ثابتة علي السرعات
تقفيلها في منتهى الشياكة
فيها لمسة فخامة من جوه .....مع انها كوري لكن برضه تحس فيها بفخامة شيفرولية
انتشارها ممتاز
سعر اعادة بيعها جيد
توكيلها محترم

الف شكر استاذ احمد
وفعلا الالنترا لازم الواحد عينه تزوغ عليها
بس فعلا ساعتها كانت غاليه وكمان توكيلها بقى الله يسامحه
بس دلوقتى رخصت شويه رجعت زى الاول

[MedaSam]

شوف يا استاذ
1 - العفشه بعد ال 5000 بتنعم وبتكون احسن
2 - سعر الجير بوكس الاوتوماتيك 32000 عشان يابانى
3 - انا حاطط عراقات على الكراسى عشان احافظ على الفرش مش عشان هو مش حلو
4 - شخصيا رأيى انه كويس ومعملش معايا مشاكل بس كل بتوع الافيو بيشتكوا منه
5 - بالنسبه لطلب انك تجرب العربيه انا لو سمحتلى ظروفى انك تجرب عربيتى انا مش هتأخر ان شاء الله وهبقى اتفق معاك على ميعاد

شكرا شكرا شكرا جزيلا ..... و أدعولي ان شاء الله أشتريها