الأفيو الجديده

[osman hisham]

الأفيو السيدان لم يتغير شكلها اللى أتغير شكلها الهاتشباك بس فى موديل 2008 و بعدين سعر الأتوماتيك 80000 و ليس 83000
العربيه دى أحسن شكلا و موضوعا و هيكلا و مواد تصنيعيه و تابلوه من الفيرنا 2004 موديل 2008 !!!! :roll:
على فكره ده مش تحيز والله أنا المدام عندها فيرنا و العربيه ضعيفه جدا و الزوايا و صوت العحل مع الفرامل و الملفات مشكله دائمه و التابلوه بلاستيك ردىء و صوت الموتور عالى جدا .

وبعدين دى تفارن بالأكسنت الجديده و دى ممكن تكون أحسن منها

هشام عثمان

[hazem_khidr]

هيا لو اتوماتيك و 80 الف يبقي كده معقول.
هيا فعلا احسن من الفيرنا
شكرا للمحايده يا استاذ عثمان :)

[PRO-DRIVE]

اكييد احسن من فيرنا بس ايه اخبار الثبات ؟؟ مش عارف ليه حاسس انه مش اوي

[vooooo]

بالنسبه للثبات فهى مش قوى

ركبتها تاكسى فى شرم الشيخ و كان ماشى على 140. حسيت فعلآ انها دايو
يمكن الدايو لانوس احسن شويه علشان شكلها مساعدها و كمان الأفيو عاليه على الأرض

[ramyfaris]

طيب هو الاوتوماتيك ال 80 الف.....بدأت تتباع؟؟؟؟؟؟؟
ولا لسه المصنع هيفتح الحجز...والصداع ده؟؟؟
وحد شافها تقفيل مصري ولا لسه؟؟؟؟؟

[شريف]

النهاردة مكنش فى اى كلام فى الاهرام عن السعر
هيصلحوة ولااية

[Abohmaid]

انا كنت لسة فى احد الموزعين المعتمدين لشيفرولية فى جسر السويس وباسأل عن الافيو الكورى قاللى مش موجودة وبقت اسعارهل 77500 جنية واللة يابلاش

[ramyfaris]

يا بلاش ازاي....ده كده الكوري غليت يا ابو حامد....
انا بس عايز اعرف.......هي دلوقتى بتتباع المصري ولا لسه المصنع هيطول؟؟؟؟؟؟

[Abohmaid]

انا فى المعرض شفت المصرى اللى ب 70000 جنية وكمان الاتوماتيك ومن يومين كنت فى موزع اسمة ابو حتة فى شارع مصر والسودان وشفت الكورى والمصرى كمان

[eng_amrazek]

المصرى نزل فى المعرض
المعرض بتاع المحمل اللى عند مستشفى هليوبوليس كلمنى انهارده و قالى انها نزلت عنده يوم الجمعة و هو كلمنى علشان انا بفكر اجيبها و قولتله اول لما توصل يكلمنى
و المحمل ده موزع لشيفورليه

[PAYOO]

أنا شوفت المصري عند سمير ريان ولقيتها معقوله وسعرها 70ألف لكن إللي ضايقني فيها مبدئيا من ناحية الشكل الخارجي عدم وجود طاسات للعجل مما يجعل السايره ذات شكل سيئ جدا

على العموم دي الملحوظه الوحيد إللي طلعت بيها من النظره الأولى لأني ماقدرتش أتفرج على العربيه أو أجربها لعدم وجود أي فرصة في ذلك الوقت

[محمدايهاب]

عدم وجود طاسات للعجل مما يجعل السايره ذات شكل سيئ جدا

معقولة !!!!!!!!!
بالمناسبة أنا شفت الأفيو الجديدة سيدان و في أربع شباب ركبنها و مغرقنها دم ( تخلف ) طبعا علشان الحسد المهم العربية لونها دم غزال و لون الدم واضح جدا على الجنوط لا حول ولا قوة إلا بالله

[amrnader]

إللي ضايقني فيها مبدئيا من ناحية الشكل الخارجي عدم وجود طاسات للعجل مما يجعل السايره ذات شكل سيئ جدا

يا بايو معظم العربيات فى المعارض بيبقوا شايلين الطاسات،تقريبا عشان السرقة، ده حاجة عادية جدا و شوفتها فى عربيات كتييير

[sokasoon]

• انا شايف انالافيو كويسة بس مش شايف ان فيها تطور عن اللانوس
  
  يعنى بالنسبة للموتور مافيهوش تطوير يعنى اللنوس 1500 سى سى 86 حصان
  
  الافيو 1500 سى سى 83 حصان يعنى اقل فأنا مش عارف ليه عدد الاحصنة مازدش
  
  المفروض السنوات اللى فاتت ديه كلها على اللانوس ان يكون فيه تطوير للموتور
  
  مش تغير فى الشكل وبس