سبارك....لواحد جديد فى السواقة

[romido2010]

سلام عليكم...دى اول مشاركة ليا فى المنتدى الجميل ده
وعايز اسشارتكو
انا بقالى 3 شهور بدور على عربية..(دى اول مرة اجيب عربية)
وانا طبعا لسه جديد خالص فى السواقة...يعنى عايز عربية اخبط فيها
بس انا خايف جدا من المستعمل
وشوفت عربيات كتير وكل مرة اتردد واخاف احط فلوسي فى عربية
وتطلع اى كلام
وفيه ناس نصحونى اريح دماغى واجيب عربية زيرو
وانا شايف ان ال(سبارك) دى جميلة جدا وسعرها مناسب
بس فيه ناس بيحوفونى وبيقلولى هتبهدلها عشان دى اول مرة تسوق
ايه رأى حضراتكو
ولو هجيب مستعمل يبقى ايه انسب حاجة ليا:b4_611:؟
وشكرااااااا

[CryptonX]

راي خليك في كيا او هيونداي

i10 او البيكانتو .

الي اتنين لسة جداد و فس نفس رانج الاسعر

السبارك حيغير شكلها كليا اخر السنة دي وحتبقى SPARK BEAT او BEAT بس لسة مش اكيد .. بس حيبقى شكلها احلي كتير فحرام تشتري الشكل القديم بتاعها ده خصوصا انه هي ما هي الي دايوو ماتييز .

[WALEED9001]

السلام عليكم
انا اخوك وليد الشاذلى وانا من محبين الاسبار ومفيش موضوع خاص بالاسبار الا تلاقى ليه فيه مشاركة
بص يا معلم اولا حتت انك بتتعلم السواقة كل دة كلام سهل كبيرك اسبوع وهتبقى زى الفل لان السواقة عبارة عن افعال يقوم بها العقل الباطن مثل النقل وسرعة اتخاذ القارر فمتخفش من كلمة سواقة ده اسهل ما فى الموضوع دنا اتعلمت السواقة فى ثلاث ايام وبسوق انهردة بقالى 8 سنوات والحمد لله عمرى مخبط اى سيارة .
اما بلنسبة لشراء الاسبارك ده سيارة خارج المنافسة لان سعرها القل من الi10و البيكانتو وكمان السيارة دى فول ابشن تكيف بور زجاج كهربى سنتر امكانية فتح الشنطة والتنك من الداخل وسعة من جوة 100 سى سى 65 حصان كاست وطبعا اهم شى كورى 100% السيارة ده انا جبت كل تفصلها وممكن تتابع كل موضيعها على المنتدى وهتلاقى ليه مشاركة فيه وكمان سعرها مناسب لاى شاب فى مقتبل العمر. وربنا يكرمك باذن الله

[romido2010]

شكرا يا جماعة....
بس عندي سؤال:b4_237:
هل فعـــــلا....السبارك لسة سعرها هينزل؟؟
وياتري ايه اخر سعر وصلت له؟؟

[Hosam_Optrawy]

سعرها دلوقتى 52
ومعتقدش ترخص عن كدا
والله اعلم

[moha7a]

سعرها فى اتو سمير ريان قدام مستشفى المقاولين ب 51