اجييييب افيو وانا مستريح ولا اجى على نفسى فى الفلوس واجيب اوبترا؟؟

[amek]

يا جماعه انا حشترى عربيه الاسبوع ده بس انا بالظبط ممكن اجيب افيو كورى كامله.....بصراحه العربيه عجبانى اوى ......بس للاسف فى ناس برده مقلقانى منها
بتقوللى تعالى علىنفسك وهات اوبترا..
بصراحه الاوبترا شكلها تقليدى بس عربيه جامده بس لو جبتها حاجى على نفسى جااااااااامد اوى فى الفلوس........
فهل فعلا مستاهله ولا الافيو عربيه مناسبه؟؟؟
ارجو الافاده انا محتااااااار جدا

[ezzatfox]

نصيحة بلاش الافيو يا تغير و تجيب حاجة تانية بالفلوس اللى معاك يا اما تعلى و تجيب الاوبترا

[yoko]

نصيحه إبعد عن شوفروليه خالص يا كيا يا نيسان وفرق السعر مش كبير لكن عربيه محترمه أكتر وتوكيل أحسن بالنسبه للكيا
نصيحه من واحد طلع عينه مع التوكيل في سنه رحت التوكيل بتاع ٤٠ مره على الأقل

[amek]

بس الكيا ريو انتشارها مش زى الشيفروليه............وقطع غيارها فى التوكيل بس

[dinow]

انا كنت زيك كده بالظبط و جبت اوبترا و ماندمتش ابدا

[Hosam_Optrawy]

اكيد لو ينفع تزود وتجيب اوبترا هايكون افضل

[ahmed1981]

الأوبترا أفضل
لكن لو عايز ترتاح هات على راحتك وبلاش تزنق نفسك
لكن لو هتنزل للأفيو بلاش منها وهات النيو أكسنت
الريو هيا نفسها النيو أكسنت بالمللي شاسيه واحد وكله واحد
ولكن النيو أكسنت تتفوق في كون الموتور 1600 وموتور الريو 1400 تقريباً
والغريب ان الريو أغلى
لذلك أنصحك بالنيو أكسنت

[yoko]

بس الكيا ريو انتشارها مش زى الشيفروليه............وقطع غيارها فى التوكيل بس

بس عربيه مشاكلها شبه معدومه مش كل إسبوعين في التوكيل وضمان يعني ضمان مش كل ما ترحلهم سوء إستخدام و تبقى قطعه بايظه وميؤولش عشان ميصلحاش في الضمان ولما تتخانق معاهم وتقدم شكوى أصل فيها القطعه الفلانيه بايظه بس مش مأثره على العربيه (نفسي أفهم إزاي) وتوكيل تكلم مدير الصيانه في المركز الرئيسي وتقله عايز الhistory بتاع العربه يقل أدبه ويطردك ويقلك مش عجبك إرفع قضية ولا يركبولك قطعه ترجع تبوظ بعد ٥٠٠كم وترجع تكلمهم لأ دي متغيرتش طب إزاي قولتولي إتغيرت ولا العربيه بقلها سنه عوامة البنزين بتعلق وردهم معندناش قطع غيار ليها بقالي سنه على الحال ده

[amek]

شكرا على الردود......انا عارف ان الاكسنت عربيه محترمه كله بيشكر فيها ....بس المشكله غصب عنى شكلها مش قابله بالمره(ازواق).......
الريو شكلها حلو بس مش منتشره....وياريت اللى مبينصحنيش بالافيو يقول اسباب انا عارف ان التوكيل زباله.............الظاهر مفيش حاجه كامله خالص
حسبى الله ونعم الوكيل

[amek]

مستنى ردود تانيه

[tafa17]

انا رأي ان مش كل الافيو وحش هي عملية نصيب ، في واحد معاه افيو مرياح مش بيشتكي منها وفي واحد معاه افيو مطلعة عنيه

بس لو هاتزنق نفسك يبقي تجيب اوبترا واهي زنقة و هنعدي
مع العلم ان الاوبترا فيها مشاكل برده

[yoko]

انا رأي ان مش كل الافيو وحش هي عملية نصيب ، في واحد معاه افيو مرياح مش بيشتكي منها وفي واحد معاه افيو مطلعة عنيه

بس لو هاتزنق نفسك يبقي تجيب اوبترا واهي زنقة و هنعدي
مع العلم ان الاوبترا فيها مشاكل برده

هو ده إلي أنا عايز أقوله بالظبط بس سمعة التوكيل بقت زي غبور أو أسؤ لإني معتقدش فيه أسوء من منصور بعد الي شفته منه وأنا كنت عايش بره وعارف يعني إيه توكيل وإزاي التعامل مع الناس

[mahmoudhegazy]

1 اوبترا
2 نيو اكسينت
3 ابعد عن الافيو
السبب 1 نقص الكمليات
2 التوكيل سيء
3 انا معايا افيو و بقولك ابعد عنها
النيو اكسينت احسن منها 1000 مرة
بس انتا معاك حق في موضوع الشكل دة بس انا راي متحتوش في دماغك ..
يا رب تكون استفد مني..

[mahmoudhegazy]

لو عندك اي استفسار عن الافيو انا تحت امرك..

[حماده المصري]

اكيد الاوبترا افضل من الافيو

واكيد الافيو مش هتستحمل زي الاوبترا

ف لو زودت وجبت اوبترا يبقى افضل

ولو لازم افيو ممكن تجيب عربيه في رنج سعرها تانيه

وبرضو الاوبترا ممكن تجيب كيا سيراتو زي الفل