اصحاب الأوبترا ،،،

[mah907]

مساء / صباااح لكل الناس الحلوة اللي منوره الموضوع بتاعي
أولا : انا بصراحة عجباني جدا الأوبترا وليا فترة بدرس في مزاياها وعيوبها ومتابع اغلب مواضيع المنتدي بس عندي استفسار صغنتوت لأصحاب الأوبترا وهو البنزين عايز اعرف العربية بتصرف بنزين قد ايه ؟؟؟؟
فياليت اصحاب الأوبترا اللي يحبوا يشاركوني الرأي
يعبو الأستمارة دي أوي يعبي استمارة من دماغة

نوع ناقل الحركة للسيارة : أتومتيك / عادي
موديل السيارة :
نوع البنزين : 90 / 92
تقيمك بشكل عام للسيارة :

ولكم جزيل الشكر ،،،،،،،

[khattab_1989]

السيارة أوتوماتيك
مو 2009
بحط بنزين 92
السيارة معايا من شهر 10 و الحمد لله راضي عنها تماما .. بتستحمل و مناسبة لطرق مصر و هي موفرة في البنزين عن الصني و اللانسر مع العلم إنها 2 كامة و مهما تحمل في العربية مش بتهبط أوي و الموتور أجمد حاجة في العربية و تحس أن فيه تنين جوا الكبوت مش موتور عادي
و تحت أمرك في أي أستفسار

[Hosam_Optrawy]

اوتوماتيك
2008
بنزين 92
الاستهلاك 10 لتر لكل 100 كلم
تقييمى الشخصى : العربيه ممتازه الحمد لله

[ashehata]

هي عربيه ممتازه بس العفشه نشفه شويه

[lord23]

مانيوال
2005
بنزين 90
الاستهلاك 10 لتر لكل 100 كلم
تقييمى الشخصى : العربيه ممتازه (عن تجربة 4 سنين)
موتور متوحش
وقدرة عالية علي المناورة
رؤية ممتازة للطريق
عفشة ناشفة شوية بس متينة (يعني خش في اتخن مطب ولا يهمك)
مساحة الصالون والشنطة اكبر من اي سيارة في فئتها
ارتفاع السيارة عن الارض مناسب للطرق المصرية
ده كل اللي انا شايفه

[mah907]

هي عربيه ممتازه بس العفشه نشفه شويه

منكن تقيم السيارة بحسب استهلاكها للبنزين لك ،،،

[egyptianmafia]

Technically the only octane to put in the Optra is 92......

if you put 90 but it will kick you out of the warranty.....

[dinow]

Technically the only octane to put in the Optra is 92......

if you put 90 but it will kick you out of the warranty.....

+++++1111111111

[ahmed643]

موديل 2009

مانيوال

معايا من 6 شهور

بنزين 92

9.5 لتر كل 100 ك

ده بيرجع لرجلك انت وهل انت بترحرق عالنقلات ولا لا

العربيه ممتازه قويه تحس بمتنتها وهيه عالسرعات العاليه

العفشه من ورا ناشفه سنه بس ده بيديها قوه مش ضعف والعربيه عاليه عن الارض بما يكفى انها تعدى اى مطب وهيه محمله من غير ما تحك فيها

[TRAPLE M]

مو 2009
معايا من 2 شهر
انا مش هعيد كلام باقى الزملاء ولكن هكتفى بذكر ما لم يذكر
المزايا
1-موتور قوى ولكن تكنولوجى اديمة موت
2-تكيف قوى يكاد يكون اقوى من اليابانى
3-العفشة نشفة جدا على اساس انها عفشة عادية و ليست رياضية
4-منظر العربية من برة جامد جدا
العيوب
1-تقفيل زى الزفت مع سوء غير عادى فى الخامات الداخلية
2-الصاج طرى جدا جدا جدا فى بعض الماكن الهامة زى الكبوت و السقف ولكن صاج الابواب جيد الى حد ما و ذلك بسبب الخطوط الجانبية
3-الفرامل غير جيدة ولا يمكن الاعتماد عليها
4-السيارة عائلية من الدرجة الاولى ولا تمت للسىيارات الرياضية بصلة
5-التجهيزات السمعية لابد من رميها فى الزبالة
6-على الرغم من اليحاء بوسع السيارة من الداخل ولكن صدق او لا تصدق ان الكراسى صغيرة و اصغر من كراسى الافيو
7-استهلاك البنزين عادى جدا زى كل السيارات ال 1600
نصيحة اقبل ما تشترى خليك فى الميتسوبيشى لانسر لانها افضل بكل المقايس ثم بعد ذلك يص على الالنترا لانها اقل عربية 1600 فى استهلاك البنزين
اخر حاجة كمان مرة هات لانسر لانها سيارة ليس عليها غبار فى كل حاجة تقدر تقول دى اخر السيارات المحترمة

[ahmed643]

مهو اللانسر بردو مش خاليه من العيوب يعنى عربيه واطيه جدا وبتحك فى اى مطب من مطبتنا وغير كده زى كل العربيات ال 1600 فى استهلاك البنزين يعنى مفيش عربيه من غير استهلاك عالى للبنزين فى السعه اللتريه دى وانا بقولك ان الاوبترا اوسع من اللانسر
الفارق الوحيد والى فى صالح اللانسر انها يابانى

[Hosam_Optrawy]

مو 2009
معايا من 2 شهر
انا مش هعيد كلام باقى الزملاء ولكن هكتفى بذكر ما لم يذكر
المزايا
1-موتور قوى ولكن تكنولوجى اديمة موت
2-تكيف قوى يكاد يكون اقوى من اليابانى
3-العفشة نشفة جدا على اساس انها عفشة عادية و ليست رياضية
4-منظر العربية من برة جامد جدا
العيوب
1-تقفيل زى الزفت مع سوء غير عادى فى الخامات الداخلية
2-الصاج طرى جدا جدا جدا فى بعض الماكن الهامة زى الكبوت و السقف ولكن صاج الابواب جيد الى حد ما و ذلك بسبب الخطوط الجانبية
3-الفرامل غير جيدة ولا يمكن الاعتماد عليها
4-السيارة عائلية من الدرجة الاولى ولا تمت للسىيارات الرياضية بصلة
5-التجهيزات السمعية لابد من رميها فى الزبالة
6-على الرغم من اليحاء بوسع السيارة من الداخل ولكن صدق او لا تصدق ان الكراسى صغيرة و اصغر من كراسى الافيو
7-استهلاك البنزين عادى جدا زى كل السيارات ال 1600
نصيحة اقبل ما تشترى خليك فى الميتسوبيشى لانسر لانها افضل بكل المقايس ثم بعد ذلك يص على الالنترا لانها اقل عربية 1600 فى استهلاك البنزين
اخر حاجة كمان مرة هات لانسر لانها سيارة ليس عليها غبار فى كل حاجة تقدر تقول دى اخر السيارات المحترمة

طبعا ده رأيك وانت حر فيه
بس اسمح لى اختلف معاك فى كذا نقطه
اولا التقفيل
حضرتك اول واحد يشتكى منه , انا مستغرب , لان التقفيل الصراحه ممتاز ومفيهوش غلطه
بالنسبه للصاج
للامانه فعلا السقف والكبوت يعتبروا اضعف من باقى اجزاء السياره بس مش طرى جدا جدا جدا حضرتك كدا بتبالغ
الفرامل جيده ومش سيئه للدرجه اللى حضرتك بتقول عليها
السياره فعلا عائليه ومش فاهم ايه العيب فى انها مش رياضيه , وايه مفهوم السياره الرياضيه من وجهة نظرك ؟
التجهيزات السمعيه جيده جدا ومش وحشه ومتترميش فى الزباله الا لو حضرتك بقى بتقارنها بسماعات بايونير ولا سونى
السياره واسعه بجد , ودى مفيهاش كلام
استهلاك البنزين عادى واوفر من عربيات تانيه

بالنسبه لموضوع اللانسر فاكيد اللى معاه تمنها مش هيسيبها ويجيب الاوبترا
ولو ان فى ناس بتعمل كدا نظرا لشكلها اللى الكل زهق منه وفرق السعر الرهيب بينهم ( فرق السعر حاليا 22 الف جنيه !!! )
الالنترا بعد ما سعرها نزل هتنافس منافسه جامده ولكن يعيبها توكيلها

وفى النهايه انا مش قصدى ان الاوبترا احسن من اللانسر والالنترا
لكن كل واحد بيجيب عربيه حسب احتياجاته والمبلغ اللى معاه

[TRAPLE M]

استاذ Hosam_Optrawy انا لم اقل انها سيارة سيئة ولم اذكر كل الميزات فى السيارة لان اى حد بيجى يشترى عربية (انا كنت واحد من شهرين) بيكون عايز يعرف العيوب اكتر من المميزات لانة ببساطة لو فتح اى صفحة فى اى جريدة او حتى على النت هيلاقى المواصفات الكاملة للسيارة وانا لم اقل انى نادم على الشراء و لكن انا حبيت اوضح العيوب اللى انا شايفها لازم المشترى يكون على دراية تامة بها قبل الشراء
موضوع التقفيل انا مش عاجبنى ال materials بتاعة اجزاء من الداخل مثل
1-ال holder بتاع حزام الامان وكذلك الحزام نفسة
2-القابلية الغريبة اللى فى العربية للخدش
3-مقابض الابواب
4-فتحات التكيف
5-بكتات القائم اللى رهان انها اتخربشت من اول يوم لو انت من طوال القامة
موضوع التجهيزات السمعية يا تسبها زى ماهية يا تغيرها كلها لان على الرغم من جمال الكاسيت وامكنياتة الا انة ما يمشيش مع سمعات ذات قدرة عالية انا شخصيا عجبنى جدا و مش هغيرة ومش مسبب لى اى مشكلة وانما بعض الناس بيحبوا high difenition high bass sound system ودى ازواق
مفهوم السياره الرياضيه من وجهة نظرى عفشة رياضيه و فتيس ذو تكنولوجى عالية سريع الاستجابة لا يهدر power من اللى خارجة من الموتور دة مفهومى للسيارة الرياضية ذات السعر المعقول واعتقد ان دة مش كتير
اقنباس (بالنسبه لموضوع اللانسر فاكيد اللى معاه تمنها مش هيسيبها ويجيب الاوبترا
ولو ان فى ناس بتعمل كدا نظرا لشكلها اللى الكل زهق منه وفرق السعر الرهيب بينهم ( فرق السعر حاليا 22 الف جنيه !!! )
الالنترا بعد ما سعرها نزل هتنافس منافسه جامده ولكن يعيبها توكيلها

وفى النهايه انا مش قصدى ان الاوبترا احسن من اللانسر والالنترا
لكن كل واحد بيجيب عربيه حسب احتياجاته والمبلغ اللى معاه
) اتفق معك تماما ولكن فتيس ال optra الاوتو افضل من الالنترا وانا ذكرت الالنترا انها السيارة الوحيدة ذات اقل استهلاك للبنزين من باقى السيارات ال 1600 حتى من التويوتا وذلك لخفة الوزن اعتقد .
اخيرا الoptra من افضل السيارات المتواجدة حاليا كما انها ذات اقل running cost فى فئتها ولكن تظل ال lancer هى اخر السيارات المحترمة المتواجدة على الساحة

استاذ ahmed643
ال lancer من اكثر السيارات ال1600 فى استهلاك البنزين ولكن الفرق فى الاسهلاك بينها وبين الoptra وبقى السيارات مش كبير يكاد يكون لتر فى كل 120كم ولكن عند الحرق (وضع ال Ds) فهى غول بنزين
حكاية ان ال optra اوسع دا جايز ولكن بالتاكيد كراسى (ليس الكنبة الخلفية) ال lancer اكبر و اعرض
موضوع يابانى و كورى دة كان زمان و انقرض خلاص و كفاية كلام عنة ففى عالم صناعة السيارات تجد كثير من الشركات تحت شركة قابضة واحدة وكمان ما ماتور ال optra دة تكنولوجى مشتراة من opel يعنى المانى ولا ينقصة سوى شوية سخنات ويكون هو ماتور ال victra الجديدة اللى مكسرة الدنيا
اخيرا انا لست من المهاجمين على اى نوع من السيارات ولا من المدافعين عن اى نوع وانا مؤمن تماما ان لكل سيارة مميزات وعيوب

[mah907]

بصراحة انا عاجبني جدا نقاش الزملاء
لأن النقاش ده فيه مميزات كثير يمكن محدش يستفيد منها ذي
لأني بسمع اكثر من وجهة نظر بس برضه في الأول و في الآخر
التنقااااااش لايفسد للود قضية ،،،،،،،،،،،

[ahmed643]

انا طبعا مقدر وجهه نظرك انك بتسرد السياره بكل ما فيها ولكن انا

عن تجربه للانسر اقدر اقول لحضرتك ان حبها وانتشارها فى الشارع المصرى ما هو الا ادمان بمعنى انها ليها كثير من العيوب ولكن المشترى يتغاضى عنها بهدف انه يكون من مالكى اللانسر وبعدين الكلمه الى انا عاوز اقولها ان الاوبترا فى مصر من 2005 على ما اعتقد والى الان اثبتت نجاح هائل واعتقد كمان انها لو فضلت مده طويله زى اللانسر مهى موجوده من الثمنينات هتعمل انتشار ملحوظ احنا مش مختلفين معاك بس انا من وجهه نظرى ان الاوبترا احسن من الانسر ولو معايا فلوس اجيب اللانسر مش هجبها وهجيب الاوبترا

اما عن كورى ويابنى فانا بقول ان الكورى مش عارف هيبقى عمره الافتراضى اد اليابانى ولا هيختلف ودى النقطه الوحيده الى ليا تحفظ فيها فبعد 7 سنين مثلا هل عربيه اوبترا وعربيه لانسر هيكونو بنفس الاهلاك :؟؟؟؟ ولا اليابانى يكسب؟