مقابلة لملاك الشيفورلية

[mahmoudhegazy]

انا عندي اقتراح اننا نعمل مقبلة لملاك الشيفورلية ..و تكون المقبلة في المكان الي نتفق علية كلنا ..
يلا عايز اشوف كام واحد موافق علي الفكرة دي..
وعايز اقترحات اماكن نتقابل فيها..

[Hosam_Optrawy]

انا اول المواففقين
وبما انك ساكن فى الهرم
يبقى خلينا فى مكان قريب من الهرم
اصل انا كمان فى الهرم :D

[أشرف العدوي]

و انا كمان موافق و من اول فيصل

[zanativich]

يا جدعان ما انا قولت طدة وما حدش عبر

[teamahmed]

انا من الزقازيق والهرم بعيده عليا

ممكن اجى او لا
على حسب الظروف

[mahmoudhegazy]

تماااااام..بس عوزين ناس اكتر من كدة
احنا كدة 4 بس لسة عايزين كمان ..
بلنسبة للمكان في قهوة اسمها شنة و رنة علي الطريق الجديد ممكن نركن و نعود هناك برحتنا ..
لو في حد عندو اقترحات يقولنا..

[rzeiny]

انا كمان موافق وهي تبقى مناسبة نناقش مشاكل السيارة ونحاول ايجاد حلول ويبقى لنا وقفة مع التوكيل لتلافي الاخطاء المستقبلية

[Kareem Khattab]

انا عايز اجي المقابله دي عشان بفكر اشتري اوبترا و موافق علي قهوة شنه و رنه المكان هناك ظريف اوي و هنركن العربيات بسهوله و كمان اللي عايز يجرب عربية ممكن يجربها

[أشرف العدوي]

بلنسبة للمكان في قهوة اسمها شنة و رنة علي الطريق الجديد ممكن نركن و نعود هناك برحتنا ..
لو في حد عندو اقترحات يقولنا..

أنا مش عارف مكان القهوة دي

[Rembrandt]

طب متخلوها فى المهندسيين عشان تبقى قريبة من الكل والشاى علية

[dj_bex]

يا جماعه انا موافق جداا اي مكان في القاهره او الجيزه .. حتى بردو اخد رايكم في تظبيط المتواضع في عربيتي .. بس انا مش عارف هنتفق ازاي .. انا من راي نحدد معاد و مكان على طوول و إلى يحدده صاحب الموضوع . و نتقابل اول مره و بعدين نصور العربيات كلها و ننزلها في السايت و تاني مره نتفق طبعا الاعضاء إلى مجوش اول مره و شافوا الصور هيتجننم و هيجوا مره المره التانيه و النسكافيه عليه إن شاء الله و هكذا ...وشكرااااااا

[احمد عز]

وانا معاكو يا شباب اتفقو على المكان وان شاء الله انا جى

[mahmoudhegazy]

بلنسبة لمكان القهوة هي الشارع الي بعد المريوطية حتلقي نفق انزلة ..بعد النفق علي طوول حتلقي القهوة علي اليمين..
بلنسبة لفكرة المهندسين انا معنديش مشاكل بس نيشوف الاغلبية عايزة اية و لو كان الناس عايزة الهرم يبقي الشاي و الشيشة كلها عليا :)..
و قولنا فين المكان الي في المهندسين ممكن نتقابل فية ممكن يبقي احسن من شنة و رنة
عموما شنة و رنة منسبة جدا لان العايز يسوق عربية حد ممكن يسوقها هناك برحتو و كمان الركنة هناك كويسة جدا غير المهندسين في الغالب زحمة بس بردو قولنا اقتراحك
و الي الغالبية عايزة ..

[mahmoudhegazy]

يا جماعه انا موافق جداا اي مكان في القاهره او الجيزه .. حتى بردو اخد رايكم في تظبيط المتواضع في عربيتي .. بس انا مش عارف هنتفق ازاي .. انا من راي نحدد معاد و مكان على طوول و إلى يحدده صاحب الموضوع . و نتقابل اول مره و بعدين نصور العربيات كلها و ننزلها في السايت و تاني مره نتفق طبعا الاعضاء إلى مجوش اول مره و شافوا الصور هيتجننم و هيجوا مره المره التانيه و النسكافيه عليه إن شاء الله و هكذا ...وشكرااااااا

الراجل دة بيتكلم 100 100:) انا بقول قهوة شنة و رنة في الهرم يوم الجمعة الجية ان شاء الله

[Hosam_Optrawy]

انا مباخدش بالى من شنه ورنه دى
انا اعرف كافيه اسمه المظ
ده اللى اوقات باقعد فيه
وهو برضه فى الشارع اللى بعد النفق ( الليبينى )
عموما بغض النظر عن الكافيه
الشارع ده مناسب جدا للركنات وتجربة العربيات