مشكله فى الافيو

[teamahmed]

عندى مشكله فى الافيو وهيه فى رعشه فى الطاره (غربله ) على السرعات الصغيره يعنى زى 40 الا 60 واما بعلى عن كده بتبقى كويسه
فى ناس قالتلى ترصيص
انا رصصت مافيش اى حاجه حصلت
فكنت عاوز اعرف العيب من ايه
فى ناس بتقولى ممكن يكون علبه دركسيون او كوبلوم

ارجو الافاده


وجزاكم الله خيرا

[shock]

الترصيص لما الطارة بترعش علي بعد ال 100 معاك
هو علي مااعتقد عيب في الدركسيون روح التوكيل
وضبطها هناك عشان لو عيب في علبة الدركسيون
العلبة غالية وهما ها يعملوها علي حسابهم في الضمان

[teamahmed]

هيه العربيه بره الضمان يباشا

طيب معلشى هتعبك ممكن اعرف تمنها كمام العلبه دى جوه وبره التوكيل؟

[foool]

صحيح الرعشة عند 100 أو فوق كانت عندي لما غيرت لجنوط اسبور وقالوا تصيص ولما رصصت ظبطت
ربنا يكرم التوكيل

[shock]

بص انا مش عارف سعرها بالضبط
بس كان في واحد عنده مشكلة في الاوبترا في علبة
الدركسيون وكان ماتب ان تمنها 3500 جنيه
بس انتا خلصت الضمان ولا انتا بره الضمان ليه؟
انتا ممكن تكلم التوكيل بالتليفون وتسئلهم علي التمن كام

[teamahmed]

انا موديل 2007 عامل 70000 الف كيلو

[danaahmadosama]

كان عندي نفس المشكله مع الفراملل انتهت المشكله لما غيرت التيل بعد الشجار في التوكيل عشان يغيروا التنابير لكن في الاخر طلع التيل وهذا عيب في الافيوم لما التيل بيتاكل يحصل الغربله

[teamahmed]

ايوه ده بتحس بيه لما بدوس فرامل انما انا وانتا دايس بنزين وماشى على سرعات بسيطه من 40-60 بتحس بيه

[shady_hamdy]

شوف الكاوتش اكيد فى عالى و واطى

[Rembrandt]

انا موديل 2007 عامل 70000 الف كيلو

الضمان لغاية 100 000 كيلو اعتقد انك لسة داخل الضمان

[Fadi Ezzat]

بص قبل اى حاجة روح ظبط زوايا وبعدين نبقى نتكلم

[teamahmed]

انا عكست العجل الى ورا طلعته ادام والعكس
والنتيجه

















تماااااااااااااااااام ماعدشى فى غربله او عرشه فى الطاره نهائى


والسبب


ان الكاوتش الامامى كان منحول من مناطق ومناطق تانيه لا




شكرا لكل الى ساعدونى

وجزاكم الله خيرا