جنرال موتورز ستسحب 1,5 ملايين سيارة من السوق

[ba7keery]

واشنطن (ا ف ب) - ستضطر شركة صناعة السيارات الاميركية جنرال موتورز التي تعاني من صعوبات الى سحب 1,5 ملايين سيارة من الاسواق صنعت بين 1997 و2003 بسبب مخاطر اندلاع حريق فيها، على ما اعلنت محطة سي ان ان الاخبارية الثلاثاء.

ونقلت سي ان ان عن سلطة امن السير الاميركية ان السيارات المسحوبة ستشمل نماذج من طراز شيفروليه، بويك، اولدزموبيل، وبونتياك.

وفي تلك السيارات قد يؤدي تسرب للوقود الى انابيب العادم الى حرائق في مناورات الكبح.

وسبق ان سحبت جنرال موتورز 944 الف سيارة في اب/اغسطس 2008 على الاخص في الولايات المتحدة بسبب عيب في الصنع في الجهاز الكهربائي لمساحات الزجاج الذي قد يشكل خطر حريق ايضا.

وتلقت الشركة مساعدة مالية فدرالية من 13,4 مليارات دولار، واعلنت في الاسابيع الاخيرة انها تفكر في اعلان افلاسها، مؤكدة على قدرتها على اعادة الهيكلة.

[ba7keery]

طبعا في مصر هيقولولنا الدنيا امان و ما حدش يخاف

[Drift_Lover]

طبعا في مصر هيقولولنا الدنيا امان و ما حدش يخاف

لا وانت الصادق. في مصر حيستوردوا السيارات اللي اتسحبت ويبيعوها عندنا...

[lancerevolution]

مصلحة نشتريها و نبيعها إحنا

[ba7keery]

لا وانت الصادق. في مصر حيستوردوا السيارات اللي اتسحبت ويبيعوها عندنا...

ما جاتش في دماغي دي, نلحق نحجز شحنه

[farahat]

للأسف العربيات دي بترجع الوكيل تتصلح و ترجع لأصحابها تاني

[lancerevolution]

إخص يعنى منعرفش نشتريها و نبيعها حتى قطع غيار

[farahat]

الموضوع دة ذي ما بيحصل هنا في مصر كدة في موضوع الجيربوكس بتاع الميجان أو الاوبل ، مجرد ما الشركة بتكتشف عيب معين في قطعة في السيارة بيعملوا حاجة اسمها mass recall ، يعني يطلبوا كل العربيات إلي فيها الجزء دة راكب من ال-batch البايظة (غالباً بتكون عيوب إنتاج في كمية معينة من المنتج ) ، و يغيروا الجزء التلف دة بواحد زيه تمام بس سليم و يسلموها تاني لصاحبها ، أكنها عملية صيانة عادية جداً ، و لو الموضوع مفيش فيه خطورة (يعني الجزء التلف بعيد عن دورة الوقود أو الفرامل أو الحاجات الكهربائية الحساسة ) مش بيعملوا نداء فوري و لكن بيستنوا موعد الصيانة الدورية و يغيروا الجزء إلي ممكن يتلف مع الوقت .
الكلام دة بيحصل كتير في أمريكا و يمكن أكتر من أوروبا كمان ، و في مواقع حكومية مخصوص بيتكتب عليها العيوب و أرقام العربيات إلي إتأذرت بالعيب دة و مطلوب تصليحها ، و الناس بتبص على الموقع دي أول بأول و تروح تعمل المطلوب ، احنا بس مستغربين الموضوع هنا عشان مش متعودين على الكلام دة
سبب إن الكلام دة اتنشر المرة دي على خلاف المرات الكتير السابقة إن العدد إلي اتأثر كان كبير حوالي مليون و نصف ، لكن عادةً بيكون العدد بعشرات الألاف فقط .
و يما عربيات عندنا أي مصر ايكون فيها مشاكل من النوع دة و محدش بيعرف و بتمشي لحد ما يحصل فيها مشكلة و بعدين تتعمل في الضمان و خلاص عشان مفيش عندنا الثقافة دي ، و كمان مفيش عندنا إمكانيات نعمل ال-recalls دي ، لأن دي أكتر حاجة تخسر أي شركة عربيات في الدنيا و هي ال-recalls